امرأة متنكرة في عالم الرجال 💪
الجزء 142
بقلم حنان زهراوي / اريا ستارك
امرأة متنكرة في عالم الرجال 💪
الجزء 142
بقلم حنان زهراوي / اريا ستارك
الحوار_بالالمانية بين نيكول وياسين
نيكول: ياسيين يا ياسيين.. ناري وشحاال توحشتك وتوحشت تغوبيشتك وبروود اعصابك..توحشت عينييك الزوينين
ياسين : انا عارفك علاش جيتي لهنا.. ماغانرجعش نخدم مع بااك...
نيكول: وشكون قاليك انا حيت نردك تخدم مع بابي
حطات يدها فوق كتفو وبقات كدوز صباعها عليه وكطلع بالشوية تال جهة العنق وتنزل تاني
نيكول: انا جيت لهنا على قبلك... وراك عارفني ماغانتهنى حتى
ياسين قاطعها شدليها يديها وزير عليهم جرها لعندو : تت تت تت داكشي لي كتفكري فيه عمرك غاتوصلي لييه
نيكول قرباات لييه اكتر بحالا كتغرييه وعينيها فعينيه : هادشي لي تايعجبني تماما.. نتا تحدي بالنسبة ليا وانا كنبغييي التحديات.. (زادت قربات ليه اكتر وهمسات فوذنو) وليكن في علمك لحد الان ماعمري خسرت فشي تحدي...
ياسين دفعها عليه شير لجهة سمير: هاداك واحد من رجالي. طلقووه
نيكول : ماسحابليش كتخدم معاك الزوامل تاهما.. ااه ولا هادا شي عبقري فداكشي دلانفو بحاالك.
ياسين خنزر فيها
وهزات يديها دارت لحراسها اشارة وبالشوية زعما طلقووه...
هزوه خرجوه لبراا داوه للحراس ديال ياسين...
ياسين دار باش يتبعهم وشداتو نيكول: عنداك يسحابليك مارديتش البال لكيفاش غوتي باش مانقتلوش.. ماشي تفصيل بحال هادا لي ننسى
وطلقااتها بضحكة استفزازية
نتر يدو وخرج
بعد ساعات فاق سميير لقى راسو فواحد البييت.. ناض مقلوب حك راسو ماللور فبلاصة الدقة.. شوية تفكر وهو يقفز بلاصتو وقف... شداتو واحد الدرخة فشكاال بقي واقف شحال ومتكى على ااحيط تامشاتلييه... هز راسو تايدور عينيه فالبيت.. كانت غرفة مصبوغة فالكري وفراشها فالاسود والكري... الديكوور زويين ومستيلي.
سمير رجع تايحك بلاصة الدقة: فففف مهم بعدا ماقتلوونيش..
شوية تفكراات خياال ياسيين قدام الباب دقبيلة خنزراات: ياسيين شكان تايدير تماااااك
مشات كتحاول تحل الباب تحليها بسهولة عادي ماكانوش سادين عليها... دخلها الشك.. نزلات بالشوية وهي حفيانة مع الدروج.. وكتسمع صوت شي حد تايهضر فالتيليفون..
حناات باش ملتبانليهش.. وهي كتقرب للصالة والصوت تايزيد يوضااح كان صوت ياسيين بلاشك وتايهضر بشي لغة فشيشكل
ياسين تايهضز بالالمانية: غادي تشد بنتك عليا ولا نتكلف بيها انا
نيكولاس: غاتآديها غا ي ننندمك علي حياتك.. واصلا ماجاتش على قبلك هي جات باش تقنعك بواحد الصفقة جديدة.. محتاجين شي بروغرام تاني.. غايخصك تقبل فلوووس كتيييرة غاتربحها من ورا ظهر هاد الصفقة... وتخل بيها عشرة دالشركات ماشي غي شركة وحذة.. وتخدم الاف الناس ماشي غا رباعة دالرجال.. وتقدر تبني مركز كبييير دالشركة
ياسين: انا عاحباني خذمتي هاكا وماغانتشاورش معاك فيها...كنظن راني شرحتليك بلي ماباغيش نخدم مع ناس بحالك.. وشد بنتك ولا ماغايعجبكم حال بزوج.. من الاخسن ليك ماتحكرنيش وتقلل مني.. نحرقك نتا والمافيا ديالك والمنظمة ديالكم من الطرف تال الطرف..
قطع عليه ورما التيلي وقال بالداريجة: واخا تبقاي تسنطي النهار كامل ماغاتفهمي والو الانسة سااارة(وورك على ديك سارة)
#لبنات تفاعلو معانا مالكم غبرتو
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
