امرأة متنكرة في عالم الرجال 💙 💪
الجزء 159
بقلم حنان زهراوي / اريا ستارك
فلاش باك
نيكولاص كيشوف فتيليفونو نمرة ديال مغرب ولكن ماشي نفس نمرة لي كتعيط منها بنتو مبغاش يجاوب وصلو مسج فلبلاصة من نفس نمرة.
ياسين: جاوب انا لماروكانيش 😁 عندي لك أخبار تهمك
نيكولاص عقد حجبانو مفهمش منين جاب هاد نمرة لي ياله دار غير مؤخرا وعلاش باغي يدوي معاه، تفكر بلي نيكول قالت ليه راه خطف ولد ختو بتاسم بمكر: ههههه باينة معيط يطلبني منقتلوش هههه ولكن متخافش مغنقتلوش تاتجي وتشوفو وناخد لي بغيت ونقتلو ديك ساعة هههههههههه
ياسين عيط عليه تاني غير جاوب وياسين بتاسم: نيكولاص باقي حي؟
نيكولاص: معيط على شي حاجة مهمة ولا غير نكت
ياسين: وي بغيت نبارك لك وفنفس لوقت نعزي فيك
نيكولاص وقف فرلاصتو وشاف فجنابو: اش كتخربق؟؟
ياسين مقابل كاميرا فبيسي ديالو: غير برك برك ماشي انا لي غانقتلك (شافو بدا كيقلب وهو يضحك) نتا عارف نوع ديال خدمة ديالي يعني كاع دوك كاميرات لي عندك عندي أكسيص ليهم بطبيعة لحال...اه كنشوفك غير برك
نيكولاص برك معصب: اشنو بغيتي؟؟ بأبيل وحدة مني نقتل ولد خوك كيما قتلنا واحد من رجالك لعزاز
ياسين ضحك من نيتو: عرفتي مشكلتك أشناهيا؟؟ كتيق فلعيالات هههههه اول حاجة تاحد من رجالي متقاص تاني حاجة شخص لي بغيتو تقتلوه ماشي راجل تالتا ولد خويا مع رجالي يعني محمي مزيان، دابة لمشكل هو أنك نتا غير محمي وانا بغيت ندير بلعشرة ونعتقك من لموت أش غاندير ضميري ماكيسمحش ليا هههههه
نيكولاص عارف مزيان بلي ياسين معندوش لعطف ولا أحاسيس حتى مع دارهم ماحساك مع براني، عرفو باغي يستفزو، حاول مايخليش كلامو يتسلل لعقلو ولكن شكو لي ديما مبرزطو من جيهة بنتو خلاه يعرف فعلا كاينة شي حاجة، ياسين من ناس لقلال لي عمرو ضيع ليه وقت ولا دار مراوغات فارغة وملي قضية فيها حياتو فخطر غايتسنط ويشوف...
ناض لبار كب لراسو كاس وبرك: لاش كتخطط بنتي؟؟
ياسين: شكوك فمحلها انيكولاص بنتك غاتقتلك ليوم فاجتماع ديالكم
نيكولاص طلق ضحكة غير متوقعة: كيغادير تقتلني بلاسيلكي هههههه
ياسين: مزيان ضحك مع راسك تقدر تكون أخر مرة
نيكولاص ياله غايجاوب سمع صوت جاتو نوتيفيكاسيو بلا وصلو إيميل..
ياسين: انا لي سيفطتو لك يمكن لك تحلو وتقراه وغاتفهم
نيكولاص حل إيميل وبدا كيقرا فلملفات لي كاينة وكيفاش كاينين ابتزازات دارهم وماين بزاف ملفق ليه بلا خون من لعصابة ديالهم وتحايل عليهم هادشي مكعاهش قد دليل تاني لي هو بصمات وتقرير طب شرعي بلا تقتل بسلاح من نوع غالي ونادر عندو هو ولبوص ديال مافيا روسية، كيتميز بقرطاس ملي كيدخل لحم لإنسان كيتشتت ومن مستحيل يعيش انسان لمضروب بيه، رجعات بيه داطرتو للنهار عاقب بنتو ملي خدات ليه فردي ديالو وغبرات نهار على قدو وهو مانع تاواحد يقيصو ولكن هي ستغلات حبو ليها وانه مكانش كيشك فيها، فهم بلا هي لي قتلات شخص وكلشي داخل فخطة بعيدة لمدى ديالها لي سنين وهي كتصيب فيها تنهد طلع مع كاسو ورجع تيليفون لودنو...
نيكولاص: اشنو مطلوب
ياسين: قبل من لمطلوب...(خلاه كيتسنى شوية عاد دوا بشوية عليه) لوراق لأصليين لداكشي لي متاهمينك بيه، وعندي أدريس إب فين تصاوب لمزور، دليل قتل مارك كاين فيديو فيه بنتك ولويس هوما لي تسلل ودخلو قتلوه وخرجو
نيكولاص بنفاد صبر: اشنو مطلوب؟!
ياسين: ملي غايجي وقتو غاتعرف غانسيفط لك لي عندي باش نتا توجد للاجتماع على طريقتك... ونشوفك قريب
نيكولاص تافق مع كاع لي كانو فلإجتماع وراهم دلائل لحقيقية وهو لي نصب لفخ لبنتو وهاد لمرة نهاية غاتكون دامية
بس الاتصال لي دار ياسين لي شرت ليه فالجزء لي قبل هو هادا
#نهاية_الفلاش_باك
وكما العادة التعالييق داخل الرد ⛔⛔⛔
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
