امرأة متنكرة في عالم الرجال 🤠مكتملة🤠

الجزء 24 🤠

🌀امراة متنكرة في عالم الرجال🌀
بقلمي:hanane zh
الجزء 24

سارة لي كانت باقة واقفة ومركزة فوجه ياسين وتاتبتسم مشى بيها الخياال ديالهاا لبلاصة اخرى سرحااااات...
ياسين تايحرك يديك قدام عينيها: را تاندوي معاك هيييي
سارة حسات براسها وفاقت غمضات عينيها وعاودات حلاتهم عرفات راسها غي تاتخايل وماكرهاتش تطبق داكشي لي تخايلات وتبرد فيه جنونها حيتاش من الصباح وهي تاتجمع ليه وهي تفكر كلام المعلم ديالها
شوية فكرات دير براسها موعتة: أي أي أي غير طلق اصاحبي تاغي ضحكنا معاك طلق طلق
ياسين كيشوف فيه ببرود: اخير مرة تعاود تفكر تقيسني بيديك
سارة بتاسمات لقاتها علييه وقالت بصوتها لمعهود لمرجل: ياكما خربشت لك الأحاسيس
ياسين دفعو تاطاح فلرض ومشى كمل شغالو
سارة حسات وهي جات طايحة فالارض حسات بالوالدة ديالها تزهزعات من بلاصتا و بسليبها عمر..خاافت تخرج ليها شوية تفكرات الشورط المزير لي كتلبس على الاقل غايشدليها شوية
ناضت بالزز تاتخدم حاسة بالوجع غايبداها وكتفها فارعها وعاد رجلها لي مفورصية عليها وضهرها لي باقة تاتحس بيه مبنج من فاش هزات ماسين...
شوية بانليها ياسين خارج
بقات حاضاه تافات الباب وهزات كتقلب فصاكها تبدا هنا نيت دير اولويزة تالمن بعد وتغسل
ياسين كمل خدمتو ومشى خرج لجهة الكوزينة غايطيبو العشا
شوية تفكر بلي هو المدرب ديال داك الزامل والعميد حذرو فاللول باش يدربهم ويوريهم شنو يديرو.. ساط بالجهد ورجع لعندو
لقاه تايقلب فصاكو
غي شافو سمير دغيا حبس
ياسين: تبعني للكوزينة خايخصنا نطيبو العشا
لالة سمير وقفات وهزات صيكان وقالت بكل عصب: ماهدامش عند باك
ياسين كيشوف فيه بشر عارف راسو غاينتاقم قال فنفسو :مازال غادي تقاد فمك معايا وفوقت ماشتيني غاتهرب مني
ابتسم بسخرية ودار كمل طريقو

دخلات سارة لكوزينة بصيكان بزوجهم كتمشى بشوية بحالة متقلين عليها صيكان ونيت كتكايس على كتفها لي عاطيها صداع دخلات كوزينة تابعة ياسين لي مشياتو تابتة وماكيدورش يشوفها واش تابعاه هزات عينيها كتشوف فين دخلات حتى بان ليها ماسين داير طابلية بيضة ديال ميكة وفوق شعرو دوك شبكات باش مايطيحش شعر فلماكلة وقف قدامهم شخص كبير شوية ومكلضم حتى هو.
طباخ طلع وهبط فسمير: حط دوك صيكان تما واجي لهنا
ماسين جايجري وتلاح على سارة بتعنيقة وهي كتحاول تبعد باش مايحسش بصدرها وكدفع فيه.
سمير: مالك دختي أخوو
ماسين: خو شكون؟؟
سمير معصب: لاش كتعنق فيا
ماسين: لقيتي ليا صاكي العشير لعز نتا رجولة..ماشي بحال شي بشار
ياسين كيشوف فيهم من قبيلة ومامهتمش لأش كيدور بيناتهم وملي حشا ليه ماسين لكلام متسوقش وجهو باقي على نفس لبرود.
أستاد الطبخ غوت عليهم: انتباااه (دغيا وقفو مقادين صف قدامو ضهرهم مقاد وايديهم فجنابهم بحال عسكر) ياسين نتا ريسبونسابل غادي تفرق لمهام بيناتكم بغيتكم من هنا لتسعود يكون لعشا واجد تحركو تبعوني نوريكم لمطلوب منكم
سارة كل مرة دير محاولة تسلت باش تلبس أولويز والو ملقاتش كيفاش وياسين غير مقابلها وأصعب حاجة كيعطيها ليها ديرها.
ياسين:فين دجاج لي كان هنا
ماسين باستهزاء: صاحبي جاك زهايمر مبكر راه بيديك درتيه فتلاجة
ياسين بلا مبالات من كلام ماسين هز راسو فسمير: سير جيبو تحرك دغيا
سارة كانت مقابلة مقلة فوق لبوطة نقصات عليها ومشات، ياسين شاف فماسين مشغول بتنقية ديال بطاطا واستاد كهدر مع شي واحد وماكيشوفش فيهم، خرج قطن من جيبو وخوا عليه زيت ودارو فجناب ديال مقلة وإيد لمقلة ورجع دغيا لبلاصتو وهو لداخل ديالو كيبتاسم بشر، سارة حطات ليه دجاج ورجعات لمقلة شداتها ورجعات جهدات لبوطة شعلات لعافية فمقلة وصلات ليدها

يتبع