امرأة متنكرة في عالم الرجال 💪
الجزء 115
بقلم حنان زهراوي /اريا ستارك
صبح الحال ولا نقولو عاد ناوي يصبح
فاقت سارة مع الربعة دالصباح ، اول حاجة دارتها قبل ماتغسل وجهها هي هزات لاليسط ودارت على ليشومبر لي لقاتهم محلولين كيما وصاتهم البارح يخليوهم محلولين.. لقات البنات في سابع سماا.. كلهم ميتيين ولكن علي الاقل خاضرين..
بقات كدوز علي كل شومبر وكدير علامة قدام سمية كل بنت حتي كملات
مشات غسلات و بدلات حوايجها ورجعات تاني ليشومبر ديال البنات المعاقبات
سارة حلات باب الشومبر لي فيها ليلي و مريم وزينب وشعلات عليهم الضو
مريم غاطة فسابع نومة كتهضر: انننن اماما طفي الضو را باقي الحال علي الجامعة
للحظة تفكرات مها ورجعات بيها الذاكرة اللور
الأم دخلات عليها للبيت حيداات ليها الغطاا بالجهد : سارة حلات عين وحدة شافت فيها وعاودات سداتها ورجعات تكات بحالا ماكايناش
مها كتتفقص: نوووضي تكعدي يا الموصيبة باش بلاني مولانا نووضي تكلمي لباك را جايين عندو مالين السلعة
سارة بصوت تقيل: واخااا
مها جراتها من الشعر: نوووضي قالاك واخا نوضي تكعدي را يطلع عندك يجمعناا بزووج نووضي غاديريلينا فضيحة تاني على الصباح
باها تايغوت من التحت: ملييييييكة فييين هاديييك واش ناضت ولا نطلع نفييقهااا بطريقتي
سارة حلات عينيها وناضت شافت ف مها شوفة مطولة ونزلات للتحت بالشوية عليها عند باها..
مع وصلات لاخير درجة مع تعرضليها بتصرفيقة تاداخت
باها: نزلي خليي الحانوت اللينعل والديين مك نازلة كتكسول ليا
سارة شافت فييه ببرود وخدات السوارت ونزلات و يديه مطبوعة فحنكها لي كايوزوز.. ولكن هادشي مابقاش تاياكل معاها.. برداات من جيهتهم ومابقاوش تايأترو فيها يديرو لي دارو
..
تنهدات سارة من هاد الذكرى لي جاتها فهاد اللحظة : ماعرفت واش نكرهك الي تايقولولها ماما ولا نعذرك تانتي..
تفكرات النهار لي غاتلاقا غيه بباها كيغادي تتصرف... العقدة دحيااتها و اكبر نقطة ضعف ليها هو باها..: ماعرفت تانتا ابا واش نكرهك ولا نعذرك كون كنتي شي شخص اخر انعرف كيفاش نتعامل معاه ولكن باا تايبقى باا
استنشقاات ش ية دالهوا وزفرااا بحالا كتخرج هاد الافكاار من راسها مع الهواء..
مشات عند البنات بدات تعيط لكل وحدة بسميتها بصوت ديال سمير مرتفع : ليليي مرييم زيينب
قفزوو كاملين من بلايصهم فاش سمعو صوتها تخلعو: من هنا نص ساعة نلقاكم واحديين والا العقاب غايتزااد.. بالتسبة للباس غاتلبسو لباس التنظيف الرسمي ايكون عطاهليكم السيكيريطي..
ناضو البنات تايتكسولو ومشات سارة قاصدة بيت حبيبتها ومعشوقة قلبها رميساء هاديك اتفيقها بطرييقة خاصة جداا.
فاق كيحس براسو كتجر بدا كيحل عينيه غير بشوية باش شخص مايعيقش بيه ملي حلهم وبقا كيشوف فماسين كيجر فلمخدة لي معنق ياسين وحاط عليها راسو هز رجلو بلخف وحطها لماسين فكرشو ودفعو حتى تفزع طاح لرض.
ماسين: سلااامة!! ياله كنتي ناعس؟
ياسين ناض وقف وشاف فماسين لي عينيه مشاو للمخدة وهو يرجع هز لمخدة ودخل لحمام وردخ لباب.
كيسمع ماسين من برا: ياسين اش بان لك نوليو نتناوبو على مخدة دسمير؟
ماسين كيتسنى فيه يجاوب حتى سمع صوت دوش تحل: باقي لحال اصحبي مالك مترجع تنعس عل اقل باقة شي ساعة ونص وتبدأ تداريب..(ماسمع تاجواب من ياسين) تفو نسيت هاد لبشر ديما داير بحال سنفور غضبان كيخليني نهضر بوحدي توحشت سمير
تما فسريرو غمض عينيه وهي تبان ليه صورة لي طاحت لياسين بين عينيه وبدا فحوار مع راسو: زعمة نكون عير تخايلت ديك لبنت كتشبه ليها بزاف ولكن شعر طويل زعمة تكون هي ملي كان عندها شعر طويل؟؟
ناض بلخف مشا حدا سرير ياسين وهز سروال ياسينولي مطوي بشكل منضم ومحطوط فوق كرسي حدا سريرو، حلو قلب جياب ماقى والو عاود طواه نفس طية ورجعو فنفس بوزيسيو لي كان فيها.
ماسين رجع تلاح فوق سريرو غمض عينيه كيفكر فسارة وهو يطيح ليه فبالو نهار سارة شافت حميد وتصرفاتها طانو غراب وهربات تخبات عليه وهو يصدق بارك فوق سرير.
ماسين: كيعرفوها؟؟ مايمكنش ولكن إلا كعرفوها كيفاش مكتعرفش ياسين انا متأكد تلاقاو هنا اول مرة... جوابي غايكون عند حميد .... بف سارة ياسارة معرت فين شاداها.
#يتبع
أنت تقرأ
امرأة متنكرة في عالم الرجال 🤠مكتملة🤠
Storie d'amore💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
