امراة متنكرة في عالم الرجال 💪
الجزء 41
بقلم حنان زهراوي / أريا ستارك
رجعات لصالة وهي غادة جاية فهماتهم وعرفان هادا غير عريس ولكن هادشي عمرها فكرات فيه صدمتها خلاتها تخدم بلا عقل بردات هوايشها فسدادر ولحيطان جهد لي كتحكهم بيه يطير صباغة من لحيط ضفارها هرساتهم وهي محاساش ولا عاقلة على راسها..
دخلات الأم: بسم الله رحمان الرحيم إمتى درتي هادشي كلو جنية صافي
سارة: كيما درنا وحلة
الأم شداتها من شعرها: ياكما طواليت وعراضو لكتاف تسحابي راسك قطعتي لواد ونشفو رجليك
سارة كتصنع الألم اما هي ولفات بكترة لعصا: اي أي مي صافي طلقي شعر غايطير
الأم طلقاتها ودفعاتها: خرجي عليا جمعي حوايج لحمام كون مكنت باغاك بشعرك كون قرعتو لمك تحركي من قدامي
من بعد ساعة لمكانة جات أمال كدق حلات ليها سارة وعطاتها بضهر رجعات تهز سطول ديال امال
امال: قالو ليا غادة لحمام؟! اش واقع ياكما علامات الساعة
سارة هزات دكشي وخرجات من دار تبعاتها أمال: تحركي اساطة
امال: اش واقع بعدا كيفاش مك لي معيطة ليا نديك لحمام وباركة عليا نفركك مانفركك
سارة بكل برود: باغين يزوجوني
أمال: اواااه مبروووك الالة(سارة دارت خنزرات فيها) اوكي مامبروكش اختي غير تكالماي
سارة زادت وخلاتها تابعاها كتجري وصلو لحمام ودخلو وكل مرة أمال كتبغي تجبد معاها لموضوع..
أمال: شكون عريس لغفلة؟؟
سارة : شكون عرف
أمال: مك قالتها لك ولا غير سمعتيهم؟
سارة: سمعتهم
أمال: دكشي جاني عجب مك تقولك شي حاجة (دارت عندها وهزات مشطة) نغسلك شعرك؟
سارة: على هي خلات ليا شي شعر كل نهار تنتف
أمال تنهدات كتحاول تصبرها: هادي راه لموات كلو بحال هاكة كتبغي مصلاحتك
سارة ضحكت باستهزاء: باغين يتفكو مني ويتهناو
امال شافت فيها وقوصات عينيها: داك رأس عندك كيبان ليا خدام فاش كتفكري(سارة مجوباتهاش) سارة مديريش شي حاجة تندمي عليها..
سارة شافت فصحبتها وقالت بصوت حاد: وعاد زواج هو لي مغاندمش عليه؟؟؟
نهاية فلاش باك
فيقها من سهوتها صوت ماسين: وااالعمالة فين سرحتي؟
سارة مولات ترجع صوتها لخشن: احم غير كلامك خلاني تتفكر دار
ماسين: فين كاينين داركم؟؟
سمير بعينين باردين: ماتو
ماسين: سمح ليا مقصدتش نجبد لك موضوع ..
سمير قاطعو: عادي أصحبي ملي عقلت على راسي وهوما ميتين مكيهمش نتفكرهم
ماسين بقا كيشوف فيه كلامو فيه حزن مع حقد معرفش علاش حس بيه بحال كدب، بعيد منهم واقف شخص مربع يديه متكي على لحيط وحاضيهم.
جمجموووو ليا البنات 😍😘
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
