امرأة متنكرة في عالم الرجال 🤠مكتملة🤠

الجزء 170 🤠

امرأة متنكرة في عالم الرجال 💙 💪

الجزء 170

بقلم حنان زهراوي/ اريا ستارك

سارة شافت فتيلي لقات ميساج من عند ياسين مقراتوش خشات تيليفون فجيبها وهزات راسها فدار امال شحال ماوصلات لهاد لبلاصة متأكدة بلي كاينين لي غايعرفوها من السنين لي دوزاتهم مع صحبتها،

هزات راسها فلخزاين لي وحدة مخصصة لرجال ولأخرى للعيالات تنهدات وحدرات راسها كتشوف فيديها لي مكروزين بتوتر كتحس فحلقها مخنوق ولبكية محبوسة..

منير بلاصا طوموبيل ويالاه غايخرج تحطات يد على دراعو...
سارة: كانت كتبغيك
منير تنهد وحدر راسو: عارف

سارة خنزرات وهزات راسها فيه: علاش مبغيتيهاش علاش معطيتيهاش فرصة علاش كنتي كتقمعها

منير عينيه تغرغرو فكر طيابها ليه وكيفاش ديما كانت كتعاونو وكتحاول متبينش ليه ولكن باين عليها: ماشي بحال هكاك
سارة بنبرة حادة : شوف انا عارفاك مزيان كيفاش كتفكر (تنهدات حاولات تكالما) نهار كان عندي سبع سنين وفكيتيني من داك خينا (لأب ديالها) فاش كان كيضربني ونتا كنتي صغير وحاميتي عليا من داك نهار درتك فبلاصة خويا لي كنت ديما كنحلم يكون عندي ويحميني وفعلا كملتي مهمتك

منير قاطعها: كون كملتها مغاتهربيش

سارة: تماما!! نتا ماشي لحامي ديالي حياتك مخاصهاش تكون كتمحور عليا...كبنادم فينا واحد لقاعدة كنتشبتو بالناس لي بينو لينا شوية ديال المشاعر ولا الأحاسيس ولا ابسط اهتمام... مشكيلتي خليتك فهمتي غلط بلي حبي ليك كان أخوي كنتي متلي لأعلى بغيت نكون بحالك وندافع على بنادم ونوقف بجنب للناس الضعاف...

منير: وفعلا نجحتي ولكن انا فشلت

سارة تنهدات: منير!! (هز عينو فيها وكانو مغرغرين بالدموع) اخر مرة فسبيطار شفتك كيفاش شفتي فأمال وفهمتيها وحسيتي براسك باغي تعطيها فرصة (حرك راسو بمعنى وي بصح) تعطلتي فاتخاد لقرار ودابا متبقاش توهم راسك بحب عمرو ماكان
منير شافيها كتشير بينها وبينو: عارف غير كنت متشبت بصورة رسمتها وانا صغير كنتي وباقة حاجة مهمة فحياتي وبغيت نحميك بأي طريقة كنظن انا لي بديت كندخل لفكرة لراسي سيرتو ملي هربتي حسيت بالذنب...

سارة: عارفة وفاهمة ولكن بزوجنا خاصنا نقلبو صفحةد لماضي ونبداو صفحة  جديدة

منير بتاسم بحزن: هاد لهضرة تانتي خاصك ديري بيها...
سارة زيرات على لقبضة ديال يدها: غانحاول
منير: يالاه نخرجو دنيا بدات كتعمر...

كتمشى فدرب وكتسمع فتوشويش(واش هادي صحبتها لي غبرات) (تي راه هربات) (شوفي هاديك هي لي باها رحل من درب على قبلها) (كتبان لباس عليها حسن مادارت من داك باها لي كان ديما يتريني فمها)(سمعت بلا كان كيضرب تامها)...

منير حط يدو على كتافها: متسنطيش لبشار
سارة متسوقاتش وعمرها تسوقات فحياتها... مع دخلات للدرب مع رجعات سارة القديمة الباردة ... دوزات سنوات هنا وهي كالجليد تال دابا تال نهار بحال هادا عاد غاتأتر.... قربات للدار تفارقات مع منير ودخلات دغيا سمعات سميتها بصوت خافت، دارت لقات مامات امال عينيها خارجين وبغات توقف ولكن لعيالات شادينها بخطوات سريعة مشات عندها يالاه غاتسلم عليها لقاتها معنقاها وكتبكي...

ام امال خاشية راسها فعنق بنتي: الله يابنتي فين مشيتي وخليتي قلبنا كيتحسر علك....بنتي مشات اسارة امال صحبتك مشات بغاها الله حداه مشات بنيتي مشات هئ هئ هى شحال بكات عليك

سارة تصدمات ماعرفات ماتقول.. دموعها نزلوو بلاماتحس : شووو خالتي الله يرحمها شوووت بالشوية على صحتك اخالتي
ام امال رجعات بلور وهزات يدها لوجه سارة: لباس علك حمد لله حمد لله مشات بنتي ورجعات ليا بنتي لوخرا نشوفها قبل مانموت ونطمن عليها حمدتك ياربي وشكرتك

سارة مقدراتش تحبس دموعها ديما كتحس بحنان من ناس بعااد كتر ماحساتو من وليديها... طلقات لعنان لدموعها لي خلاو ام أمال ترجع تعنقها ويبكيو فصمت حتى دخل راجلها لي كان مقابلها برا وعرف سارة لي شاداها باش مطيحش لرض دخل شد مرتو وشاف فسارة بحزن فعينيه...

من بعد مادخلات لأم لبيتها وعطاوها مهدئات سارة بقات غير دير الصواب وتسنى لفرصة تاتعزي اب امال...

أب امال لي كان واقف برا كيهضر معاها: من سوء حظها كانت فلمكان لخطا فلوقت لخطأ قالك شي عصابات وتصفية لحسابات

سارة حسات بذنب ياله بغات دوي تقول صراحة ولي ليها ليها واخا يجريو عليها حتى وقفها كلامو: مابغيتش نعرف كتر مبغيتش نكتاشف شي حاجة تخليني نتحسر وتخليني نحقد ونكره صافي داها الله حداه حسن ليها من هاد دنيا، كلشي من عند الله موتها مكتاب واخا كون كانت فبيتها فدار مكاين لاش بنادم يبقا يسول ويعدب فراسو...

سارة تنهدات: عمي خصاكم شي حاجة لي بغيتو انا هنا ومعاكم..
أب امال تنهد:بغيت نطلب منك طليبة ولكن معرفتش ضروفك...
سارة غير قول اعمي حنا عائلة مابيناتناش

اب امال هز راسو فدارو: هاديك لمرة مخاتخرجش من هاد لأزمة لبقات هاكة بغيتك متنسايناش وتزورينا واخا غير تصبريها على فراق أمال...
قال كلامو وملي وصل لإسم بنتو جسمو رجف بحزن عشش ليه فقلبو تنهد وخرج ىإسم ومعاه خرجات روح سارة لي حسات بيها كتزهق بكترة الذنب لي كتحس بيه من جيهتها..

#يتبع