مرأة متنكرة في عالم الرجال 💙 💪
الجزء 168
بقلم حنان زهراوي /اريا ستارك
بعد ساعاات كان هبط الظلاام
سارة متكية فسريرها منبعد مادوشات ودماغها مازكاش من التفكير... واخاا عيااانة بزااف ومهدودة.. حسات بشوية دالبرد داخل من السرجم.. ناضت سداتوو..
وجلسات تفكر..... اول حاجة الميساج لي وصلها ديال لجنازة ديال أمال لي بسبابو بقات فالدوش شحااال وهي كتبكي حتى برد عليها لما،
مافرحاتش تاشوية من بعد ماتلاقاتها لا بلعكس دغيا خطفوها منها تحسرات عليها.... وغاتبقي حياتها كااملة كتحسر وكتعاني وتألم كل ماتفكراااتها... صعيييب يموت شي انسان عزيز علييك وبسبابك....
تفوهااات.. وبدات كتحاول تنسى وتفكر فشي حاجة اخرى باش تطيب نعاسها.... ماجا فبالها غي ياسين وماسين... وهباالهم
#فلاش باك
فلانفيرمري واقف الطبيب قدام ماسين وكيشوف فياسين: نتا لي درتي فيه هاد لحالة؟ خاصني نعلم لعميد
سارة: مكاينش لاش راه كان حاضر فلكومبا كامل تقدر تسولو...
الطبيب هز راسو فياسين لي مقابل سارة وماسين ساهي فالسقف فوق من باياص كيتسنط للدقات لي كلا هاد الليلة
شاف فسارة وبتاسم: آنسة سارة بلا شك؟؟
سارة بتاسمات باحترام: وي مشرفين
طبيب: الشرف ليا !!دوات ليا عليك ايمان ولكن مقالتش بيلا راك زوينة هاكا
ياسين دغيا خنزر فيه : غادير خدمتك ولا غاتلوط ادكتور
ماسين فنفس لوقت:علاه فين كتعرف ايمان؟؟
سارة ضحكات مم تصوفات هاد الزوج.. بحالا والداهم وناسياهم.. تايدافعو علي ماماهم : وي ايمان تاهي قالت ليا قريتي معاها ودوزتو سطاج فنفس البلاصة.وووو احم(سكتاات مابغاتش نكمل)
الطبيب شاف فسارة وبتاسم حتى بانو غمازاتو عرفها كتلعب على واحد من الدراري وعرف بلا ماسين عقل عليه ملي جا سول على ايمان...
طبيب تاهو دخل معاها فلخط: وي كنا highschool sweetheart
ماسين معندوش مع انجليزية حيتاش غي وصل لكاطرياام مشى كمل قرايتو فكورياا : اشنو قلتي اناهي هادي؟؟
سارة: ههههه كينة ديال ألام لي خاصاك
ياسين باغي يفقصو: قالك كانو كيتحابو فالليسي
ماسين خنزر وطلع وهبط طبيب وبغضب قال بزربة : مزيان الله يكمل
شافت فماسين وبتاسمات بشر ياسين شاف فيها ورجع شاف فماسين وتنهد بان ليه لبلان واشنو واقع...ولكن فرححتو مكملاتش...
طبيب دغيا دار لسارة: ولكن آنسة انا دابا سيليباطيغ هههههههه ونتي
ياسين وقف قدامها وقال: آنسة سارة واقلة عيانة يمكن لك تمشي انا غانرجع ماسين للبيت
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
