امراة متنكرة في عالم الرجال 💪
الحزء 70
بقلم:حنان زهراوي / اريا ستارك
سمير: احم معندناش حصة خرا
ياسين: اه انا غانمشي نتريني دابا نتشاوفو من بعد
زرب عليها وقرب ليها دغيا باسها فحنكها وهرب غادي وكضحك.
ماسين: أخر مرة والله صافي عمرني نعاودها هههه متقتلنيش بدوك شوفات عندك أسمييييير
ردخات لباب من موراه مخنزرة وتكات على لباب شدات حنكها: هادشي غادي وكيصعاب.
تلاحت فوق سريرها كتشوف فالسقف ومبتاسمة من فعايل ماسين حركات راسها بجهد بحال كتنفض دوك الأفكار من راسها غمضات عينيها وغفات واحد ساعتين ملي فاقت لاحت عليها قبية كبر منها كيما ديما وخرجات.
دازت للفين كيترينيو مبانش ليها ماسين ومشات لكافيتيريا لقات دنيا خاوية دخلات لكوزينة غير من فضولها لقات قرعة ديال نيسكافي حوالت، فالأكادمية ممنوع لقهوة وملي دخلات عمرها شرباتها صيبات كاس ديال قهوة كحلة بلا سكر كيما كتبغيها.
لقات رجليها غادين بيها لأنفيرمري وقفات قدام لباب كتحاول تسنط مسمعات تاحد دخلات بخطوات خفيفة مامسموعاش طلات على فين كاين ياسين لقاتو ناعس....
دخلات وقفات قدامو كتهز يدها وكل مرة ترجع تحطها حدا فخضها حتى بان ليها كمش عينيه بحال كيحلم بقات شحال وهي واقفة نقابلاه وكتهضر مع راسها.
سارة: اش مخبي فداك راس وهاد لكوابيس لي كيجيوك ماشي عادي...(تنهدات وشافت فيدو لي كمشها على شكل قبضة) اشنو لي خالاك تولي بارد فحال كيكنت تانا ياترى و اكفس واش قصتي اكفس من قصتك ولا لعكس (بتاسمات بحزن) سمعت بلا سنين ونتا هنا مبغيتيش تخرج وكل مرة مكتحضرش لإمتحان لخر باش تعاود لعام..علاش؟ مناش مخبي هنا؟؟ كلك ألغاز مامفهومش وغامض وانا عزيز عليا لغموض.
هزات يدها حطاتها على شعرو وخرجات عينيها "شعرو رطب حسن مني"
إيمان مبتاسمة واقفة فلباب: سمير صافا
سمير حيد يدو من شعر ياسين ودار بزربة كيشوف فإيمان: ها؟! صافا حمد لله ونتي؟؟
إيمان: فيا موت نعاس ياسين مخلينا بلا نعاس
إيمان طلات على ياسين لي كيبان حرك حاجبو بطريقة عرفاتو فاق من نعاس
سمير: احم إمتى يخرج من هنا ورجع لبيت؟؟
إيمان هزات حاجبها: علاش توحشتيه؟؟
سمير خنزر فيها بنبرة إنذار: إيماااان
إيمان رجعات راسها لور وضحكات: ههه غير كنضحك!! راهو فايق علاش متسوليهش؟؟
سمير دار بزربة شاف فياسين لي حل عينيه وكيحرك نيفو بطريقة كضحك.
ياسين شاف فعينين سمير: كنشم ريحة لقهوة
سمير شاف فلكاس لي هاز ورجع شاف فياسين ولكن قبل ماينطق ويقوليه يمشي يصيب ليه وحدة ولا بلا راه خون ديك لقرعة ديال نيسكافي، لقا ياسين خاطف ليه لقهوة من يدو وديريكت لفمو وغمض عينيه كيتبنن.
ياسين هز حاجبو فياسين: قهوة كحلة وبلا سكر؟!! عندك الدوق
سمير: احم قهواتي هاديك
ياسين بلامبالاة: كانت قهواتك
إيمان كتشوفيهم بزوج: عرفتي شربتي من نفس بلاصة لي كان كيشرب منها سمير كيقولو بلا هاكاك كتعتابر قبلة غير مباشرة
ياسين كان غايسرط جغمة ديال قهوة وملي سمعها وحلات ليه رجعها على سمير ترش على تيشورط ديالو..
سمير: فاااااااااك
ياسين تفكر اللحظة فاش جا طايح على سمير وجا فمو ففم سمير...
شاف مخرج عينيه فإيمان: متبقايش ضحكي معانا بحال هاد ضحك
إيمان: راه ماشي ضحك والله بصح قريتها فروايات بزاااف
سمير مخنزر فإيمان سيرتو حيت عارفها عارفة لحقيقة: لي كيتقال فروايات أغلبية غير خيال
إيمان حابسة ضحكة: ولكن كاينين قصص
نوبة ياسين لي شاف فيها بنضرات حادة وقال بنبرة تهديد وصوت كتزعزع: إيماااان من الأحسن تسكتي
إيمان: ههههه مكتعرفوش ضحكو بفف ملل ههههه نمشي نقلب على شي حد نشد فيه باي باي عصافير لحب ههه
قالتها وهربات خلات لجو مكهرب بزوجهم كيتفاداو يشوفو فبعضياتهم ومعارفينش اش يقولو كل واحد كيتسنى فلاخر يهرس هاد السكوت.
#يتبع
أنت تقرأ
امرأة متنكرة في عالم الرجال 🤠مكتملة🤠
عاطفية💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
