امراة متنكرة في عالم الرجال 💪
الحزء 68
بقلم : حنان زهراوي / اريا ستارك
سارة بركات مقابلة مع ماسين فطبلة هزات كاس ديال لما شرباتو كامل...
كاتحاول تبرد باقة حاسة بالتزنيكة طلعاها.. شافت فيه لقاتو مقابلها زادت حدرات راسها ماموالفاش على هاد نوع ديال الإهتمام من عند أي حد.
ماسين دفع ليها العاصير قدامها وحداه طبسيل عامر ماكلة وعاد طابلة عامرة ماكلة.
ماسين: كولي راك مكليتي والو ليوم
سارة بصوت رجولي: قلت لك دوي معايا بلا راني سمير منقدرش نغامر بشي حد يسمعك
ماسين حك شعرو: اه اه واخا سمحي ليا احم سمح ليا كنسى صافي عمرك تسمعيني كنهضر معاك بلا نتي ماشي سمير
سارة تنهدات: راك مزال كتهضر معايا على أساس بنت
ماسين: هادشي كيدوخ صافي أعشيري كول
ماسين بتاسم ليها وغمزها وهي تزنك وحبسات ااضحكة هزات معلقة فاتجاه وجهو: هادشي واش خونتيه من كافيتيريا؟؟
ماسين حط يدو على صدرو بشكل درامي وعينيه خارجين زعمة بريئ: شكون انا ؟؟ لا مايمكنش انا مكنخونش..
سارة حبسات ضحكة وعمرات فمها بالماكلة وكل مرة تهز فيه عينيها تلقاه مقابلها وتحدرهم مكرهاتش تخبى فشي بلاصة.
سارة بصوتها لعادي: واش غاتبقا تشوف فيا هكاك غاتفرشنا من الشوفة
ماسين ساهي فيها: صوتك زوين
سارة غلضات صوتها: شوف مخاصكش تبقى تقول بحال هاد لهضرة ولا تشوف فيا بدوك الشوفات
ماسين بتاسم جنب: أشمن شوفات؟؟
سمير: هادوك الشوفات لي من قبيلة ونتا كدير فيا
ماسين قرب ليها: أشمن شوفات
سارة توترات هزات طبسيل لي فيه لماكلة وتكات عليه كتاكل بهمجية غير باش مايبقاش يشوف فيها هكاك ولا ينفر منها.
ماسين قرب لودنها وهي كتاكل: من شحال هادا وانا عارفك بنت تاحاجة مغتخليني نشوف فيك بطريقة خرا
سارة وحلات ليها بدات كتكحب هز ماسين كاس عمرو ليها بلما ومطاه ليها وهو مبتاسم، هز يدو قاس ليها ودنها وهي تهرب من اللمسة ديالو وتكمشات هزات راسهت فيه وخنزرات.
ماسين: حتى من ودنيك كيتزنكو
سمير: عادي كنتزنك مع كلشي
ماسين خنزر وجمع لوقفة بدا غادي جاي فلبيت سارة مفهمات والو، جرات طبسيل تاني ومرة مرة كتشوف فيه.... يدو على شكل قبضة حداه باين معصب....
معرفتش علاش، خلاتو علىى خاطرو حتى جا وقف ليها ع راسها هزات راسها..
ووجهو مكبشرش بلخير بحال معصب.
ماسين: كيعجبك ياسين ياك؟؟
سارة وحلات ليها لتاني مرة هزات كاس دالما شرباتو وماسين كيضرب ليها على ضهرها.
ماسين: سمح لي مقصدتش
سمير كيمسح فمو: أش كتقصد؟؟
ماسين عطاها بالظهر وكيبان ظهرو متوتر لعصب كيبانو فعنق.
ماسين: عادي ديما لبنات كيعجبهم ياسين معرفتش... ولكن عزيز عليهم لي كيعاملهم خايب ولي مامزيانش بحالا كيعيشو مغامرة بالنسبة ليهم معرفتش(شاف فسارة فعينيها) كنت كنظنك ماشي بحالهم ساااعة....
سارة وقفات معصبة: ساعة أشنو؟؟ ها؟؟ بنت لك لايحة راسي على رجليه ها؟؟
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
