امرأة متنكرة في عالم الرجال 💪
الجزء 123
بقلم: حنان زهراوي/ اريا ستارك
فبلاصة خرا فوسط غريب عليه وقف وهز راسو فاوطيل وتنهد ياله غايدخل حس بشي حد خط يدو على كتفو ظار بالزربة وغاوبش.
أب سارة: نتا اش كدير هنا؟؟
منير: سلام عمي كيدير لباس عليك؟؟
اب سارة عرف غاتكون سعيدة لي عيطات ليه كرز على سنانو: قلت لك نتا اش كدير هنا
منير: دكشي لي جيتي ديرو نتا جيت تانا نديرو
اب سارة قرب ليه عند وجهو: شوف عارفك عاينك فبنتي وعارفك باغيها للزواج انا معنديش بنات للزواج ملي غانلقاها لبسة لبيضة لي غاتلبسها هي لكفن ان شاء الله
منير تعصب من كلامو: أعمي انا ماجيتش نضارب نلقاوها وحن الله
اب سارة: اسيدي ظيها فراسك ودخل سوق جواك
منير تحرك دخل لوطيل ودار عند عمو: واش غانبقاو واقفين برا
اب سارة دار خطوات سراع ووصل هو لريسبسيو قبل منو وحط ورقة صغيرة.
اب سارة: سلام ابنتي
ريصيبسيونيست: اهلا سيدي مرحبا بك عندنا فلوطيل
اب سارة حط ورقة صغيرة مكتوب فيها تاريخ ولإسم ديال سارة لمستعار: أبنتي كنقلب على بنتي موضرة ليا وقالو ليا كانت فهاد لوطيل شحال هادا
ريصيبسيونيست هزات راسها فيه بنفاخة: اسيدي واخة نكون عارفة منقدرش نقولك هادشي اسرار لوطيل
منير فرح حيت معاتقول والو..
اب سارة: ابنتي راني شحال وانا نقلب عليها بغيت غير نشوفها قبل مانموت عاونينا الله يفرشك برضا ويغطيك برضا
منير شاف فعمو بتعجب شكون هاد لممتل بسيف ماتلعب سارة دور دري كيبان ليه عائلة موهوبة فتمثيل.
ريصيبسيونيست: اسيدي مامسالياش انا لهادشي
أب سارة بكل عصبية جبد ربعلاف من جيبو وحطها فوق لورق جراتها لبنت وقلبات فبيسي ديالها على معطيات لي عطاها.
ريصيبسيونيست: وي كاين حجز بنفس مواصفات
اب سارة: حمد لله اوا قولي ليا!!
هزات فيه حاجبها ومطات يدها بكل أعصاب جبد مية درهم عطاه ليها .
ريصيبسيونيست: برك هاد شخص نهار لفلاني وخرج لغد ليه خلصات بفلوس كاش ولكن حيت مكانتش عندو لاكارط ناسيونال عطانا ضمان ورقة وكارطة بسمية اخرى ماشي ديالها
منير نقز للهضرة: ممكن تعطينا دوك معلومات؟؟
ريصيبسيونيست: اويلي تسطيتو باغين تخرجو ليا على خدمتي مايمكنش مايمكنش
اب سارة بجهد جبد خمس مية درهم من جيبو ورضخها فوق من بيروها، شافت فيه وحطات يدها فوق طابلة كتلعب بضفارها فلعود وهازة حاجبها بمعنى ماكافيش.
منير جبد من جيبو خمس مية درهم خرا وحطها ليها: دابة ممكن تقولي لينا كاع دكشي لي عارفة؟؟
من لي خرجو من تم اب سارة معصب باغي يعرف شكون مول كارطة ولكن كيفاش هادا هو مشكل خرج من تما وهو شاعل باغي غير يضارب.
منير شاد تيليفونو وعينيه عليه: احم انا غانمشي فحالي غدا خدام احم مامساليش
اب سارة بتشكيك: عارف شي حاجة انا معارفهاش ولا شنو؟؟ شتك باغي تسلت مني
منير بتوتر: ياك كنت معاك لوقت كلو كيفاش عندي معلومات كتر منك
اب سارة شك فيه بقا كيشوف فيه طيحاول يعرف واش كيكدب ملي حس ماغايعطيه تاشي جواب عطاه بضهر: بسلاامة
منير بخطوات سريعة مقابل تيليفونو لي دار فيه روشيرش فلبلاصة بسمية لي فلوراق لقا باج وحدة فلفيسبوك فيها نفس لإسم ملي دخل لقاهة صال معروفة هنا وعندهم فيسبوك وسيت ويب دخل كيقلب لقا بزاف ديال ناس كيسولو هلى مدرب سمير فين مشا.
هز حاجبو باستغراب: سارة لي كانت كتلعب معايا كورة فدريبة كانت كتريني بهاد لوحوش هههههه علام كيدارت ليها وهوما كل دراع يادراع يعشي دوار...
بقا غادي كيهضر مع راسو حتى لقا طاكسي شدو للعنوان لي كاين فلفيسبوك ملي هبط هز راسو فلبلاصة وتنهد: ياربي يكون شي جديد
منير واقف فدخلة حدا بيرو صغير لقا دري بارك فيه وحداه واقفيت تلاتة دراري مجمعين لابسين حوايج رياضة وكلهم عرقانين.
منير: السلام عليكم!! سمح لي غانبرزطك كنقلب على واحد صاحبي سنين ماشفتو وسمعت بلا مدرب هنا سميتو سمير
واحد من دراري لي كانو مجمعين: نتا صاحب سمير؟؟
منير: احم اه من يامات ليسي
شخص جا سلم عليه: انا خالد كنا ساكن مع شمير قبل مايتقبل فأكادمية
منير: كيفاش اشمن اكادمية
خالد: اكادية ديال دراري خاصة بفنون لقتال
منير خرج عينيه بقا حال فمو واش سارة وصل بيها للدرجة تعيش مع دراري وتمشي امدرسة دراري؟؟ اسمن عيشة كانت عايشة خلاتها دير هادشي زعزعهم صوت من موراهم.
لمعلم: واش نتوما هنا باش تخدمو ولا تنمو فعباد الله
ملي دار منير يشوف شكون كيهضر شاف خيال خلاه يحقق غيه وخرج عينيه ملي بان ليه أب سارة واقف كيتسنط تاهو.
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
