امرأة متنكرة في عالم الرجال 🤠مكتملة🤠

الجزء 138 🤠

امراة متنكرة في عالم الرجال 💪

الحزء 138

بقلم حنان زهراوي /اريا ستارك

مشات عند  مول الحانوت
سارة: السلام عليكم.. الشريف عافاك نسولك
مول الحانوت كان رجل كبيير فالعمر: ايه مرحبا ابنتي
سارة: لقيت واحد الدار للكرا فالانترنيت وجيت باش نشوفها هي ديك الدار(شيرات ليها) وقلت نسول بعدا شي واحد واش ماليها مزيانين زعما وواش  هاد الدرب مزيان؟
مول الحانوت استغرب : هاد الدار يالاه شراوها شي دراري هما لي ساكنين فيها دابا بغاو يكريوها دغيا العحب! ؟؟
سارة: ااه شفت العنوان فلانترنيت. واش غي دراري لي ساكنين فيها
مول الحانوت: اه بنتي غي درااري وفيها شي 6 ولا 8 ديال الرجال كل مرة تايتبان واحد جدييد وتايمشي شي واحد قديم والطوموبيلات كل مرة داخلين بشي طوموبيل وعندهم مع داكشي ديال البيسياات ...قليل فين
تايتقضاو من عندي ولكن را تايجيوني فشكل  غا بعدي ابنتي على المشاكل..
سلرة: اااه هي بيناتهم غي دراري يعني غي تايتفلاو على البنات فالانترنيت.. واش كتعرف كنيتهم ولا شي حاجة .. واش عائلة هما  بعدا ولا شنو...
مول الحانوت: والله مانكدب عليك ابنتي ماكنعرفو عليهم والو بلا مادخلي معاهم فالمشاكل
سارة: صافي شكراا الله يعاونك.. عافاك ماتقول لحد راني سولت عليهم كيما قلتي مابغيتش نييت ندخل راسي فالصداع وندخلك معايا فشي مشكل
عطيني شي قرعة دالما وشي تعبئة د 50 درهم اتصالات
مول الحانوت : ماتخافي والو ابنتي ماغانقول لحد
سارة خدات داكشي شكراتو ومشات.  شربات الما ولاحت القرعة.. مشات تيرلت الفلوس وخدات تيليفون جديد وكارطة جديدة ركبات الروشارج.. صونات على منير: شي جديد
منير :لا والو باقيي الداخل
سارة: شوف رد بالك تماا لايبانلك شي واحد تاني تايراقب ماتعيقش وقولهالي.. بانلي هادشي فيه ان وبحالا طحت على الشفارة لي تعداو علييه
منير: ساارة ردي بالك عافاك
سارة ماتخافش.. لاكان شي جديد علمني
وقطعات علييه..
مشات عند واحد خيينا تابيع حوايج وخدات حوايج ديال دراري وكاسكيطة
خلصاتهمليه وخرجات.. دخلات لواحد الكافي بدلات فالطواليط وخرجات :
قالت مع راسها بصوت خشن : نرجعو لسميير عاوتاني
رجعات للدرب حدا ديك الدار وبقات واقفة فواحد الظلمة مراقباها.. الليل كامل ماطفاو الضواو...

صبح الحال خدات سارة فطور كلاتو.. شوية بانوليها ربعة دالرجال خارجين ر ركبو 2 فطوموبيل و2 فطوموبيل اخرى
ومشاو فاتجاهات مختلفة..... سارة حارت فشكون تبع  ومع ماكاينة تاشي طاكسي لي توقف تماك..  على الصباح
كسيراو ومشااو
سارة: تفوووو..
شوية بان لها 3 اخرين خرجوو وسدو الباب مزيان.. تشجعات ومشات وهي كتنزل فكاسكيطة تغطي وجهها.. قاصدة هاداك لي سد الباب دخلاات فيه
سارة بصوت خشن: احم سمحليي اخاي
الرجل خنزر فيه وزاد
سارة شافت السوارت فيديها ابتاسمات وكملات فطريقها
الرجل مارد البال لوالو ركب اللور  فطوموبيل دغيا حيتاش كانو زرباانين
جاتو ابيل وجاوب: نعام اسيدي.. اه لقينا بلاصتهم شنو نديرو دابا
ياسين: سيفطلي العنوان دابا ونتلاقاو تماا انا غانشوف شي طريقة نجي
الرجل: واخا
عند ياسين طفى التيلي وعاود دار فيه الحهاز  لي تايشوش على الاحهزة دالترصد وخباه.. لبس حوايج سبوور تيشورت ودجين وسبرديلة مشى عند ايمان للبيرو لقى ماسين تماك
ياسين  مد واحد الورقة :هادي شهادك طبية عطاهالي الطبيب ديالي البارح.. قالي ماخصنيش نتدرب هاد السيمانة خيتاش تحلولي شي غرزات
ماسين طالق ودنيه تايحاول يسمع دشتايقوليها
ايمان قرات الشهادة : اووك.. غانعطيها للإدارة...
وخرج سد الباب ومشى للباب دالمدرسة
السيكيرطي: عندك الإذن باش تخرج!!؟
وراه ياسين الإذن لي عطاه العميد البارح بكل تقة. قراه لقى التاريخ ديال اليوم خل ليه البا.. ياسين دار ابتسامة جانبية وداز
ركب فطوموبيلتو لي جاب البارح معاه وكسيراا

عند سارة تسناتهم تاقلعو و مشات حلات الباب عادي حدا بحالا داخلة لدار باها.. ماخافت من والو خاصة فاش قاليها مول الخانوت بلي كل مرة تايجي واحد جديد.. مع دخلات بانتليعا كاميرا الفوق شادة على الباب حنات راسها وقادات الكاسكيط...
دخلات للداخل بانوليها 2 بيوت كلهم بيسييات وكاميرات فكل بيت.. دخلات للبيت لي كانو شاعلين فيها الضواو الليل كامل. بانليها بيسي باقي شاعل.. وفييه خريطة دالمدينك وعلامك علي واحد البلاصة.. قرباتليها عقلات على العنوان.. خرجات من البيت ودخلات تاني للبيت لاخري كانو البيسيات مطفيين. مشات لواحد الصالة كبيرة لقات بيرو فالجنب قلبات فشي مجورك لقاات بزاااف ديال ليكارط ناسيونال :ولاااد الكلاب..
قلباتعن كاملين بانليها واحد قريب ليها شويه فالملامح  وتاشعرو بحال شعرها غا هو داير لحية.. هزاتها ومشات دغيا خرجات لايجي شي حد.. سدات الباب بالساروت ولاحتها فنفس البلاصة لي دخلات فالرجل فيها ومشااات خدات طاكسي للعنوان

#يتبع