Aesthetic Formula {မြန်မာဘာသာပြန်}

(၁၈)

{Unicode}

အခန်း(၁၈)

တင်းယိနန်၏ တိုက်ခန်းမှာ ပေငါးဆယ်ပတ်လည်မျှသာ ကျယ်ဝန်းသည်။ သို့တိုင်အောင် ပြန့်ကျဲနေသည့် အမှိုက်များကို စုထည့်ပြီး ဖုန်စုပ်စက်ဖြင့် ထပ်မံရှင်းလင်းရသေးသည်ဖြစ်၍ မိနစ်နှယ်ဆယ်ခန့်ကတော့ အသာလေး ကုန်သည်။

လမ်းပေါ်တွင် ရပ်စောင့်နေသည့် ဟော့ကျိရှောင်းတစ်ယောက် စိတ်မရှည်နိုင်ဖြစ်တော့မည်ကိုလည်း စိုးရိမ်ရသေးရာ တင်းယိနန်သည် အချိန်ကို ကြည့်လိုက်ရသေး၏။ ထို့နောက် သူသည် တိုက်အောက်နားရှိ အမှိုက်ပုံးထဲ အမှိုက်ထုတ်တွေကို စွန့်ပစ်ပြီးသည်နှင့် ဘေးရပ်ကွက်ဘက်ဆီ ဦးတည်ကာ ခပ်သုတ်သုတ် ထွက်လာလိုက်သည်။

သို့သော်လည်း ထွက်လာလာချင်းမှာပင် သူတို့ ရပ်ကွက်ဘေးရှိ ပန်းခြံအဝိုင်းပတ်ထိပ်တွင် ရပ်စောင့်နေသည့် စွဲမက်ဖွယ်ရာ ပုံရိပ်တစ်ခုနှင့် တည့်တည့် သွားဆုံသည်။

ပန်းခြံအဝိုင်းပတ်သည် နှစ်ကီလိုမီတာမှ သုံးကီလိုမီတာအထိ ရှည်လျားသည်။ အနီးအနား ရပ်ကွက်တွင် နေထိုင်သူများသည်လည်း ဤပန်းခြံ၌သာ လမ်းလာလျှောက်ကြ၏။ သို့တိုင်အောင် သူတို့ရပ်ကွက်အနားရှိ ပန်းခြံအထိ ဟော့ကျိရှောင်း ရောက်လာမည်ဟုတော့ တင်းယိနန် မထင်ထားခဲ့မိပေ။ ကံကောင်းထောက်မစွာဖြင့် ဟော့ကျိရှောင်းသည် လမ်းဘက်သို့ မျက်နှာမူထား၍ ရပ်ရွာဂိတ်ပေါက်မှ သူ ထွက်လာသည်ကို တွေ့မြင်မသွားတာဖြစ်ပါ၏။

တင်းယိနန်သည် ဟော့ကျိရှောင်းဆီ လျှောက်သွားပြီး သူ ယူလာသည့် ပလတ်စတစ်အိတ်ကို ကမ်းပေးလိုက်ရင်း

" ဒီမှာ၊ အိတ် "

ဟော့ကျိရှောင်းသည် အိတ်ကို လှမ်းယူလိုက်ပြီး တင်းယိနန် ထွက်လာသည့် ရပ်ကွက်ဘက်ဆီ တစ်ချက်ကြည့်ကာ သိပ်မထူးခြားဟန်ဖြင့်

" မင်း ဘယ်ကနေ လာတာလဲ "

" ဒီနားလေးတင် "

တင်းယိနန်သည် ထိုမျှသာပြောပြီး

" အဲ့ကိစ္စကိုပဲ အမြန်ဖြေရှင်းရအောင် "

ဟော့ကျိရှောင်းသည် သူ့ လက်အတွင်းရှိ ပလတ်စတစ်အိတ်ကို ကြည့်ပြီး မြေကြီးပေါ် စောင့်ကြောင့်ထိုင်နေသည့် စန်းပိုင်ဆွေ့ကို တစ်ချက်ကြည့်လိုက်သည်။ သူသည် နှစ်စက္ကန့်မျှ တိတ်ဆိတ်နေပြီး တင်းယိနန်ဘက်ဆီ အိတ်ကို ပြန်ကမ်းပေးလာကာ ထုံးစံအတိုင်း