{Unicode}
အခန်း (၄၉)
လက်ထောက်အဖြစ် မဟုတ်ဘဲ စတူဒီယိုအပိုင် သူဌေးအဖြစ်။
ဟော့ကျိရှောင်းက ထိုသို့ရုတ်ခြည်းပြောလာချိန် တင်းယိနန်မှာ မျှော်လင့်မထားသောကြောင့် ကြောင်အအဖြစ်သွားရသည်။ သူသည် ကြားလိုက်ရသည်ကို မယုံကြည်နိုင်သည့်နှယ် နောက်တဖန် ထပ်မေးလိုက်ရ၏။
" ခင်ဗျားစတူဒီယိုကို ကျွန်တော်က ကိုင်တွယ်ပေးရမယ်ပေါ့ "
ဟော့ကျိရှောင်းက
" ဟုတ်တယ် "
တင်းယိနန်သည် ခေါင်းကို ငုံ့ထားပြီး ချက်ချင်းပြန်မဖြေနိုင်ဘဲ ရှိနေသည်။
ဟော့ကျိရှောင်းမှာ တင်းယိနန် မပျော်မရွှင်ဖြစ်သွားသည် အထင်နှင့်
" မင်းရဲ့ မူအတိုင်း အလုပ်နဲ့ ဘဝကို ရောမထွေးပစ်ချင်ဘူးဆိုတာ ငါ နားလည်ပါတယ် .. "
" မဟုတ်ဘူး "
တင်းယိနန်က ခေါင်းယမ်းလိုက်ပြီး ဟော့ကျိရှောင်း ပြောနေသည်ကို ဖျက်ချလိုက်၏။
" ကျွန်တော့်မှာ အဲ့လိုကိုင်တွယ်နိုင်စွမ်း ရှိမှရှိပါ့မလားဆိုပြီး တွေးမိသွားလို့ "
အခြေခံသဘောတရားနှင့် ပတ်သက်၍ ဘက်မလိုက်စတမ်း ပြောရမည်ဆိုပါလျှင် လုံးဝ လက်သင့်ခံနိုင်မည် မဟုတ်ပေ။
သို့သော်လည်း အရည်အချင်းနှင့် ပတ်သက်၍ မဖုံးကွယ်စတမ်း ဝန်ခံရမည်ဆိုပါက သူ့ကိုယ်သူ သံသယ ဝင်မိရသည်။
တင်းယိနန်၏ ဆိုလိုရင်းက ရှင်းသည်။ 'လက်ခံပါသည်' ဟူသည့် စကားလုံးကိုပင် ပြန်ဖြေနေဖို့ရန်မလို။ သူ့ စိတ်ထဲရှိနေသည့် အတွေးကို ဟော့ကျိရှောင်းထံ တိုက်ရိုက်ပြောပြလိုက်၏။
" ငါ မင်းကို ယုံပြီးသား "
ဟော့ကျိရှောင်းက ပြုံး၍ ဆိုသည်။
" မင်းက ငါတွေ့ဖူးသမျှ လက်ထောက်တွေထဲ စွမ်းရည်အပြည့်ဝဆုံးပဲ "
တစ်စုံတစ်ယောက်၏ လက်ထောက် လုပ်မည့်အစား ကိုယ်တိုင် အလုပ်ရှင် လုပ်လိုက်။ တင်းယိနန်သည် ချက်ချင်းပင် သူ့စိတ်ကို ပြင်ဆင်လိုက်ပြီး မျက်ခုံးတစ်ဖက်ပင့်လိုက်ကာ ဆိုသည်။
YOU ARE READING
Aesthetic Formula {မြန်မာဘာသာပြန်}
RomanceTitle: Aesthetic Formula (美学公式) Author: 空菊/Kong Ju Category: Danmei Release time: 2021-05-30 Status: Completed with 59 chapters Source: https://www.gongzicp.com/novel-305631.html ** I do not own this story. All the credits go to the original author...
