{Unicode}
အခန်း(၂၄)
ဘားသည် ကြီးမားကျယ်ပြန့်ပြီး မီးရောင်ကလည်း မလင်းမချင်းဖြစ်၍ တစ်ယောက်ကိုတစ်ယောက် တွေ့မြင်ကြဖို့ရာ မလွယ်ကူပေ။ သို့သော် အထွက်ပေါက်များကမူ ကျဥ်းမြှောင်းလေရာ ဝင်ထွက်သွားလာသူအချင်းချင်း မလွှဲမရှောင်သာ တွေ့ကြမြင်ကြရမည်ဖြစ်ပါ၏။
ဟန်ရှို့လည်းပဲ သူကဲ့သို့ ထွက်လာပြီး ဆေးလိပ်သောက်လိမ့်မည်ဟူ၍ တင်းယိနန် မျှော်လင့်မထားမိ။ သူ အဘယ်ကြောင့် ဤနေရာသို့ ရောက်ရှိနေရကြောင်း ရှင်းပြနေဖို့ရန်ပင် စိတ်မပါ၍ တင်းယိနန်သည် သူ့လက်ကို ပြန်ဆောင့်ရုန်းလိုက်ပြီး ပြောင်းလဲမှုမရှိသည့် အမူအရာဖြင့်
" မင်းရဲ့ တင်ဆက်မှုကို လာရှုစားတာလေ "
ပြန်ဖြေလိုက်မိသည့် အသုံးအနှုန်းက အနည်းငယ်တော့ ရွဲ့တဲ့တဲ့ဖြစ်သွားသည်။ ဟန်ရှို့နှင့် တွဲနေစဥ်တုန်းက ထိုသူ၏ မော်ဒယ်ရှိုးလျှောက်သည့် ပွဲများကို ကြည့်ခဲ့ဖူးသည်မှန်သော်ငြား ယနေ့ကြည့်လိုက်ရသည့် ပွဲလောက်တော့ဖြင့် ဟော့ဟော့ရမ်းရမ်းမရှိ။
ထင်နေသည့်အတိုင်းပင် ဟန်ရှို့၏ မျက်နှာက ရဲခနဲဖြစ်သွားသည်။ သူသည် နှုတ်ခမ်းတစ်ချက်မျှ ကိုက်လိုက်ပြီး
" ဒီလာတာ ကိုယ့်ကို ကြည့်ဖို့ သက်သက်ပဲလား "
တင်းယိနန်သည် ရယ်ချင်စရာတော့ ကောင်းသားဟု တွေးလိုက်မိကာ
" အဲ့လို မဟုတ်ပါဘူး "
" သူက မကြည့်ခိုင်းလို့လား "
ထို့နောက် ဟန်ရှို့သည် တင်းယိနန်၏ အနည်းငယ် ဟိုက်နေသည့် ကော်လာဆီ တစ်ချက်ကြည့်ကာ အသာမျက်မှောင်ကြုတ်လိုက်ပြီး
" မင်းရဲ့ ညှပ်ရိုးတွေက အရမ်းလှတယ်လို့ ကိုယ်ပြောခဲ့ဖူးသားပဲ "
တင်းယိနန်သည် စိတ်မရှည်ချင်သလိုလိုဖြစ်လာကာ လေပူတစ်ချက်မှုတ်ထုတ်လိုက်ရ၏။ သူသည် လူတွေ ဝင်ထွက်သွားလာလျက်ရှိသည့် ပတ်ဝန်းကျင်အား ဝေ့ကာကြည့်လိုက်ရင်း ဤနေရာတွင် လုံးလုံးအချိန်ဖြုန်းမနေချင်တော့ဘဲ ချက်ချင်း ထွက်သွားပစ်ချင်စိတ်ပေါက်လာသည်။ သို့နှင့် သူသည် ခပ်ဘွင်းဘွင်းပင်
YOU ARE READING
Aesthetic Formula {မြန်မာဘာသာပြန်}
RomanceTitle: Aesthetic Formula (美学公式) Author: 空菊/Kong Ju Category: Danmei Release time: 2021-05-30 Status: Completed with 59 chapters Source: https://www.gongzicp.com/novel-305631.html ** I do not own this story. All the credits go to the original author...
