{Unicode}
တရုတ်နှစ်သစ်ကူး (၂)
ဟော့ကျိရှောင်း၏ လေယာဥ်က နောက်ကျသည်။ တင်းယိနန် သွားကြိုရသည့် အချိန်တွင် ညနေပင် ရောက်တော့မည်။
သူတို့နှစ်ဦး ခွဲခွာနေရသည်မှာ ရက်ပေါင်းအတော်ကြာပြီဖြစ်၍ ကားပေါ်ရောက်သည်နှင့် ဟော့ကျိရှောင်းသည် တင်းယိနန်ကို လည်ပင်းမှ လှမ်းဆွဲယူလိုက်ပြီး နှုတ်ခမ်းတပြင်ပြင်ဖြင့် ရှေ့သို့ တိုးလာ၏။
" နေဦး "
တင်းယိနန်မှာ ပရောပရည်လုပ်ချင်စိတ် ရှိမနေ။ သူသည် ဟော့ကျိရှောင်း၏ ပခုံးကို တွန်းထားလိုက်ပြီး အရေးကြီးသည့် မျက်နှာအမူအရာဖြင့်
" ခင်ဗျားကို ပြောပြစရာရှိတယ် "
အများအားဖြင့် တင်းယိနန် ထိုလေသံနှင့် ပြောလာပြီဆိုလျှင် ပြဿနာ တစုံတခု ပေါ်ပေါက်လာ၍ပင်။ အနှီပြဿနာကလည်း သူတို့ နှစ်ဦးခေါင်းချင်းဆိုင်ကာ ဆွေးနွေးရသည်အထိ ကြီးမားနေတတ်၏။
ဟော့ကျိရှောင်းသည် ဘေးခုံတွင် နေရာတကျ ပြန်ထိုင်လိုက်ပြီး တွေးတွေးဆဆဖြင့်
" ငါ့ အဖေကိစ္စလား "
" မဟုတ်ဘူး "
တင်းယိနန်က ခေါင်းခါပြလိုက်ပြီး
" ကျွန်တော့် ညီမလေး "
ခဏအကြာတွင် ဟော့ကျိရှောင်းသည် ဖုန်းကို ပြန်ချလိုက်ပြီး တင်းယိနန်ဘက် လှည့်ကာ မျက်မှောင်ကြုတ်လျက် ပြောလာသည်။
" ဘယ်လိုလုပ်ပြီး ဒီလို ဗီဒီယိုဖိုင်မျိုးကို မင်းညီမဆီ တည့်တည့် ပို့မိသွားတာတုန်း "
" အဟမ်း၊ မှားပြီး ရောက်သွားတာ "
တင်းယိနန်သည် လည်ချောင်း တချက်ရှင်းကာ ပြောလိုက်ရပြီး အနည်းငယ် အပြစ်မကင်းသည့် လေသံဖြင့်
" သူက ကျွန်တော့် မိသားစုဝင်ပဲဟာကို၊ ငယ်ငယ်တုန်းကဆို ကျွန်တော့် ဖင်ပြောင်နဲ့ ပုံကိုတောင် သူ မြင်ဖူးသေးတာပဲ "
" အာ့ ပြောနေတာ မဟုတ်ဘူး "
ဟော့ကျိရှောင်းက ဆက်ပြောသည်။
YOU ARE READING
Aesthetic Formula {မြန်မာဘာသာပြန်}
RomanceTitle: Aesthetic Formula (美学公式) Author: 空菊/Kong Ju Category: Danmei Release time: 2021-05-30 Status: Completed with 59 chapters Source: https://www.gongzicp.com/novel-305631.html ** I do not own this story. All the credits go to the original author...
