{Unicode}
အခန်း(၃၂)
တင်းယိနန်သည် အချိန်အတော်ကြာသည်အထိ မှင်တက်နေမိရာမှ ဟော့ကျိရှောင်းက ခေါင်းကို မော့ကာ ဘီယာတစ်ဂွတ်ဂွတ် သောက်စဥ် ထွက်လာသည့် အသံကြောင့် သတိပြန်ဝင်လာသည်။ သူသည် နှုတ်ခမ်းနား တေ့ပြီးဖြစ်နေသည့် ဘီယာဗူးကို ပြန်ချလိုက်ကာ တိမ်တွေကို မော့ကြည့်နေသည့် ဟော့ကျိရှောင်းကို မေးလိုက်သည်။
" ဘာကိစ္စ ကျွန်တော့်ကို နမ်းတာလဲ "
" ဘာရယ် မဟုတ်ပါဘူး "
ဟော့ကျိရှောင်းက ဆိုသည်။
" ဒီတိုင်းပဲ နမ်းချင်လာလို့ "
ကျောင်းဖတ်စာအုပ်ပေါ် တောင်ခြစ်မြောက်ခြစ် ခြစ်နေသည့် ကလေးငယ်တစ်ယောက်အား ဘာကြောင့် ထိုကဲ့သို့ လျှောက်ခြစ်နေသလဲဟု မေးလိုက်လျင် လျှောက်ခြစ်နေခြင်း မဟုတ်ဘဲ ပုံဆွဲထားတာပါဟူ၍ ဖြေလိမ့်မည်။
အကြောင်းပြချက်က လုံးဝမဆီလျော်သည့်တိုင် သူ့ပုံစံနဲ့သူတော့ အံဝင်ခွင်ကျဖြစ်နေသည်။ ဟော့ကျိရှောင်းသည်လည်း ထို့အတူပင်။ ဒီအတိုင်း နမ်းချင်စိတ်ဖြစ်လာ၍ အကြောင်းပြချက်မရှိ လူကို ထ နမ်းလိုက်သော်ငြား ဒါကပင် သူ၏ အမူအကျင့်ဖြစ်နေ၏။
ဟိုတယ်အခန်းထဲ ပြန်ရောက်သည့်အခါ တင်းယိနန်သည် ဖုန်းထဲတွင် " သူဌေးက မင်းကို နမ်းရင် ဘာဖြစ်ချင်လို့လဲ " ဟူ၍ ရိုက်ရှာကြည့်လိုက်သည်။
ဝင်ရောက်ဖြေဆိုသူများ၏ ထိပ်ဆုံးပိုင်းတွင် ရှိနေသည့် အဖြေမှာ -
[ ဒါ လိင်ပိုင်းဆိုင်ရာ လုပ်ငန်းခွင်နှောင့်ယှက်မှုပဲ၊ အမြန်ဆုံး ရဲတိုင်ဖို့ အကြံပေးပါရစေ ]
မဟုတ်တာ။
တင်းယိနန်မှာ အခန်းထဲ ပြန်ရောက်ကတည်းက နားမလည်နိုင်သည့် အနမ်းအကြောင်းကိုသာ တွေးတောနေခဲ့မိသည်။ ထိုသူ အကြံပေးသလိုမျိုး လိင်ပိုင်းဆိုင်ရာ လုပ်ငန်းခွင် နှောင့်ယှက်မှုအဖြစ်ဟူ၍လည်း လက်သင့်မခံချင်ပြန်။
ထားလိုက်တော့။
တင်းယိနန်သည် စိတ်ပေါက်ပေါက်နှင့် ဖုန်းကို ခုတင်ပေါ် ပစ်ချလိုက်၏။ ဟော့ကျိရှောင်း၏ အကျင့်စရိုက်သည် ခန့်မှန့်ရခက်မှန်း သူကိုယ်တိုင် သိထားပြီးဖြစ်ပါလျက် ဘာကြောင့်များ တခြားသူတွေကို လိုက်မေးနေဖို့ လိုပါသနည်း။
YOU ARE READING
Aesthetic Formula {မြန်မာဘာသာပြန်}
RomanceTitle: Aesthetic Formula (美学公式) Author: 空菊/Kong Ju Category: Danmei Release time: 2021-05-30 Status: Completed with 59 chapters Source: https://www.gongzicp.com/novel-305631.html ** I do not own this story. All the credits go to the original author...
