Chapter 79
ည၈နာရီတွင် 'ကျန်းကျီ' ၏ တရားဝင်ဗားရှင်းသည် ဆိုရှယ်ပလက်ဖောင်းအားလုံးပေါ်တွင် အဆက်မပြတ်ထုတ်လွှင့်နေသည်။ တစ်ချိန်ထဲမှာပဲ B city Tv ၏ နှစ်သစ်ကူးအကြိုပါတီတွင် ကျယ်ယန်သီဆိုခဲ့သော 'ပြန်လည်မွေးဖွားခြင်း' ဗားရှင်းကိုလည်း ရေတပ်အကောင့်တစ်ခုက တည်းဖြတ်ခဲ့ပြီးနောက် hot list သို့ တိတ်တိတ်လေး တက်လှမ်းသွားခဲ့သည်။
weibo တွင် လူတိုင်း၏အာရုံသည် ဟဲရူမင်ဖော်ထုတ်ခဲ့သော chat မှတ်တမ်းများအပေါ်တွင်သာ ရှိနေဆဲဖြစ်သည်။ ထိုသီချင်းသည် စစထုတ်လွှင့်ချိန်တွင် အလွန်ရေပန်းမစားဘဲ ဖန်များအကြား အောင်ပွဲတစ်ခုသာဖြစ်သည်။ ထို့နောက် 'ကျန်းကျီ' ၏ သီချင်းကိုနားထောင်သည့်အရေအတွက်သည် သာမန်မျက်စိဖြင့် မြင်နိုင်သောအရှိန်ဖြင့် အလျှင်အမြန် တိုးတတ်သွားတော့သည်။ ကျယ်ယန်၏ 'ပြန်လည်မွေးဖွားခြင်း' ဗားရှင်းသည်လည်း လူကြိုက်များမှုနေရာ၏ ရှေ့တန်းသို့ရောက်သွားပြီး မုကျိုးယိ၏ 'အမိမြေကိုသတိရခြင်း' ဗီဒီယို၏အောက်တွင် ရှိနေသည်။
ဖရဲသီးစားသည့်ပတ်ဝန်းကျင်တွင် ကျယ်ယန်၏ နာမည်ပေါ်လာပြီး ဖရဲသီးစားသူအများအပြား၏အာရုံကို ဆွဲဆောင်သွားသည်။ သိပ်မကြာခင် #ကျယ်ယန်ရဲ့သီချင်းသစ်ကို နားထောင်ပြီးတဲ့နောက် အိပ်ပျော်သွားတယ်# ဟူသော ခေါင်းစဉ်သည် ထူးထူးခြားခြားရေပန်းစားတဲ့သတင်းဖြစ်လာပြီး ဆွေးနွေးပြောဆိုမှုများ ဆက်လက်မြင့်တတ်နေသည်။
ကျယ်ယန်သည် weibo ကိုပိတ်လိုက်ပြီး အိပ်ရန်ပြင်လိုက်သည်။ 'ကျန်းကျီ'သည် အဓိကဂီတပလက်ဖောင်းအားလုံးတွင် နားထောင်သည့်အရေအတွက်နှင့် download အရေအတွက်သည် သီချင်းသစ်ဇယားတွင် ထိပ်ဆုံးသို့ရောက်ရှိနေပြီးဖြစ်သည်။
တံခါးပွင့်လာပြီး ဖုန်းပြောရန် အပြင်ထွက်သွားသောချိုးရှင်းသည် ဖုန်းကိုကိုင်၍ အခန်းထဲ ပြန်ဝင်လာသည်။ ကျယ်ယန်သည် သူ့ဖုန်းကို အိပ်ယာဘေးရှိစားပွဲပေါ်တွင်ထားလိုက်ပြီး လှဲချကာ ချိုးရှင်းအားကြည့်လိုက်သည်။ ချိုးရှင်း၏ခြေလှမ်းများ ခဏရပ်တန့်သွားသည်။ ထို့နောက်သူသည် အိပ်ယာဘေးရှိ စားပွဲသို့လျှောက်လာပြီး မီးပိတ်ကာ အိပ်ယာဝင်လိုက်သည်။
YOU ARE READING
ကျွန်တော့် ယောက်ျား ရောဂါသည် (ကြၽန္ေတာ့ေယာက္်ားေရာဂါသည္)
Fantasyစာဖတ်သူပါ။ ဘာသာပြန်သူကို စောင့်ရင်း ဆက်ဖတ်ချင်တာနဲ့ ကိုယ့်ဘာကိုယ်ဖတ်ဖို့ပြန်ဖြစ်တာ တင်ပေးတာပါ။ တစ်ချို့နေရာများ ရွှီးထားပါသည်။ အမှားပါက ဖြည့်တွေးပေးပါ။ ဝေဖန်ထောက်ပြလို့ရပါသည်။ permission ဘာညာ မရှိပါ။ ငပျင်းတစ်ယောက်ဖြစ်သောကြောင့် Update သည် တစ်ပတ် နှ...
