ညို့မှိုင်းယစ်ငင်

အခန်း (၆၅) ထစမ်း

unicode

ဂါဘရီရယ် ၏ ပြင်းထန်သော လက်သီးချက်သည် သူ့မျက်နှာပေါ်သို့ ကျရောက်သွားပြီး ကျောက်တုံးကြီးများနှင့်မတူဘဲ မြေကြီးပေါ်သို့ ပျံတက်သွားပြီးနောက် ထို လူထွားကြီး လူ၏ခန္ဓာကိုယ်မှ သွေးများ ရုတ်တရက် ဖျန်းခနဲ ထွက်လာခဲ့သည်။ဂဲလက်စ် ပြိုကျလဲသွားပြီးတဲ့နောက်၊ ဤအံ့သြဖွယ်ကောင်းသော တိုက်ပွ​ဲကို စောင့်ကြည့်နေသော စစ်တပ်နှစ်ဘက်စလုံးမှ စက္ကန့်အနည်းငယ်မျှ ထိတ်လန့်တုန်လှုပ်နေကာ တိတ်ဆိတ်တို့ ကြီးစိုးနေခဲ့သည်။

တိုက်ပွဲတွင် သူတို့ရဲ့ လှုပ်ရှားမှုတွေကို လိုက်ကြည်​့နိုင်လိုက်သော ဂါဘရီရယ် ရဲ့ လူတွေက ပြုံးလိုက်သည်။ "သူလုပ်ချလိုက်ပြီ။" ဇမ်မြူရယ်က ပြုံးပြီး သူ့ဓားကို ကိုင်လိုက်ကာ ဒါခရီကာ စစ်သည်တွေကို အော်ပြောလိုက်သည်။ "ငါတို့မင်းသားက အသန်မာဆုံးပဲ၊ ဒါကြောင့် စိတ်မပျက်နဲ့၊ သူတို့ကို သတ်ပစ်လိုက်။" သူ အော်လိုက်သည်နှင့် ဒါခရီကာ စစ်သည် များ၏ စိတ်ဓာတ်သည် တဟုန်ထိုး ပို၍ပင် မြင့်မားပြီး အားအင်သစ်လွင်စွာဖြင့် တိုက်ခိုက်နေလေသည်။ သူတို့၏ ဟိန်းဟောက်သံသည် ကျယ်လောင်လွန်းသဖြင့် အဝေးမှ အိမ်ရှေ့မင်းသည်ပင် အဲ့အသံများကို ကြားလိုက်ရပြီး မည်းမှောင်နေသော မျက်နှာသည် ပို၍ပင် မည်းမှောင်သွားသည်။

ဂါဘရီရယ်တစ်ချက်တည်းဖြင့် အမှောက်သိပ်လိုက်သည့် သွေးနှောဗန်ပိုင်းယား လီယွန်ဟာ ယခု တိုက်ပွဲအတွင်းသို့ပြန်လည်ရောက်ရှိလာခဲ့သည်။ ဂဲလက်စ်ပြုတ်ကျသွားသောနေရာသို့ ဂါဘရီရယ် မသွားနိုင်ခင်မှာပဲ၊ လီယွန် သူ့ရှေ့ကိုခုန်ကာပိတ်ဆို့ထားလိုက်သည်။ သူ အဲဒီလူနဲ့ စာရင်းရှင်းလို့ မပြီးသေးပေ။

လီယွန်၏ မျက်လုံးထဲတွင် အကြည့်က ထူးခြားသည်။ ဂဲလက်စ် နှင့်မတူဘဲ၊ လီယွန် သည် သူ၏မျက်လုံးများတွင် တည်ငြိမ်ပြီး အန္တရာယ်ရှိသော အကြည့်မျိုးရှိသည်။ သူသည် စိတ်ကို အလွယ်တကူ မတိုက်ခိုက်နိုင်တဲ့ အမျိုးအစားဖြစ်သည်။ တစ်ချက်ကြည့်လိုက်တော့ ဂါဘရီရယ် ဟာ သူ့ရဲ့မာနထောင်လွှားနေတဲ့ အပေါင်းအသင်းဖော်တွေထက် ပိုအန္တရာယ်များတာကို တွေ့လိုက်ရသည်။