ညို့မှိုင်းယစ်ငင်

အခန်း (၄၉) ဒီနေရာမှာ

unicode

အမွေးပွပွနဲ့ ထူထဲသောအဖြူရောင်အင်္ကျီကိုဝတ်ထားသည့် အီဗီ သည် မြို့ဝင်ပေါက်ရှိ အမြင့်ဆုံး ကင်းစောင့်မျှော်စင်၏ထိပ်တွင် ရပ်နေသည်။ တစ်ချိန်တည်းမှာဘဲ ဂါဘရီရယ် သည် သူမဘေးတွင် ရပ်နေခဲ့သည် - အရပ်ရှည်ရှည်နှင့် ပြေပြစ်သော အနက်ရောင်ဝတ်ရုံကို ၀တ်ဆင်ထားပြီး မတ်တပ်ရပ်နေလျက် သူမလက်ကို ဆုပ်ကိုင်ထားကာ အေးစိမ့်သော လေနုအေးကြောင့် သူမ၏ ငွေရောင်ဆံနွယ်များ အနောက်သို့ လွင့်နေတာကို ကြည့်နေခဲ့သည်။

အီဗီ သည် သူတို့ရှေ့တွင် ဖြန့်ကျက်ထားသော နှင်းဖြူမြက်ခင်းကျယ်ကြီးအား သူမ၏ မျက်လုံးများကို စိုက်ကြည့်ရင်း ဒါခရီကာ သည် အမှန်တကယ်ပင် ခိုင်ခံ့သောမြို့ဖြစ်သည်ကို သိလိုက်ရသည်။ အနက်ရောင်ကျောက်များဖြင့် ပြုလုပ်ထားပုံရသည့် ရှေးခေတ်နံရံကြီးများသည် အလွန် ကြောက်မက်ဖွယ် ကောင်းပြီး ပြုပြင်မွမ်းမံထားပုံရသည်။ လူသားစစ်တပ်သည် ဤခံတပ်များကို ဖောက်ဖျက်ပြီး ဤကဲ့သို့သောနေရာကို သိမ်းပိုက်ရန် ဘယ်သောအခါမျှ စီမံနိုင်မည်မဟုတ်ပေ။

ယခု သူမသည် ခံတပ်တစ်ခုလုံး၏ မြင်ကွင်းတစ်ခုလုံးကို ကြည့်လိုက်ပြီး ဒါခရီကာ သည် အမှန်တကယ်ပင် ကြောက်မက်ဖွယ်ကောင်းသော အမာခံစခန်းတစ်ခု ဖြစ်သည်ကို တွေ့လိုက်ရသဖြင့် အီဗီ သည် အံ့ဩဘဲ မနေနိုင်တော့ပေ။ ဒါခရီကာ ကလူများသည် ဤမျှကြီးမားသော တံတိုင်းများကို ဒီနေရာတွင် ဖန်တီးပြီး ဆောက်ရန် အဘယ်ကြောင့် တွေးခဲ့သနည်း။ ဤဆုံးဖြတ်ချက်ကို ဖြစ်ပေါ်စေသည့် အမည်မသိ အကြောင်းပြချက်တစ်ခု ရှိနေတာသလား။ ဤတံတိုင်းများသည် မည်မျှခိုင်ခံ့ပြီး ခံနိုင်ရည်ရှိစေကာမူ လူသားများ၏ ကျူးကျော်ဝင်ရောက်မှုကို ရပ်တန့်နိုင်ရန် အတွက်ပင် သေချာပေါက်မဖန်တီးထားပေ။ သာမန်ရုပ်ပိုင်းဆိုင်ရာ တိုက်ခိုက်မှုများကို ခံနိုင်ရည်ရှိရုံသာမက သဘာဝလွန်နှင့် မှော်ဆန်သည့် တိုက်ခိုက်မှုများကို ခံနိုင်ရည်ရှိစေရန် ထည့်သွင်းထားခြင်းမှာ ထင်ရှားပါသည်။

သူမသည် ဂါဘရီရယ် ကိုကြည့်ပြီး စိတ်ဝင်တစားရှိသော သူမ၏စိတ်ထဲရှိ မေးခွန်းများအကြောင်း နောက်ထပ်မေးချင်သော်လည်း သူတို့၏အကြည့်တွေဆုံသောအခါ အီဗီ သည် စကားမပြောနိုင် တော့သည်ကို တွေ့လိုက်ရသည်။ သူ့အကြည့်တွေက ပြင်းထန်ပြီး ဆွဲ​ဆောင်မှုရှိတာကြောင့် အီဗီ က စကားမပြောဘဲ မလှုပ်မယှက် ​ငေးနေခဲ့သည်။ လွန်ခဲ့သည့် နာရီပိုင်းလောက်က နှီးနှောခဲ့သော ပုံရိပ်များသည် သူမ၏ ခေါင်းထဲတွင် ပေါ်လာသဖြင့် သူမ၏ မျက်နှာသည် တဖြည်းဖြည်း ပူလာသည်။