ညို့မှိုင်းယစ်ငင်

အခန်း (၃၈) စာဖတ်ခြင်း သို့မဟုတ် နမ်းခြင်း

unicode

အီဗီ သည် စာကြည့်တိုက်တွင် ရှာတွေ့ခဲ့သော စာအုပ်အချို့ကို ယူကြည့်ပြီးဖြစ်သော်လည်း မည်သည့်စာအုပ်ကိုမျှ အာရုံမစိုက်နိုင်ပေ။ သူမ၏စိတ်ထဲတွင် ဂါဘရီရယ် နှင့် သူ၏ကလေးဘဝအကြောင်း အတွေးများဆီသို့သာ ပြန်သွားခဲ့သည်။ မယ်တော် ဧကရီ ဘာဖြစ်သွားတာလဲ။ ဗန်ပိုင်ယား တွေဟာ အချိန်အကြာကြီး အသက်ရှင်နိုင်တယ်လေ။ ဒါဆို သူမ ဘယ်လိုဖြစ်နေပြီလဲ... သူမ အသတ်ခံရတာ ဖြစ်နိုင်လား?

အတွေးတွေကြောင့် သူမကိုင်ထားတဲ့ စာအုပ်ကို အီဗီ တင်းကျပ်စွာ ဆုပ်ကိုင်လိုက်သည် ။ ဂါဘရီရယ် သည် သူ့မိဘနှစ်ပါးစလုံးကို ဆုံးရှုံးခဲ့ရပြီး ယခုအခါ သစ္စာဖောက်အဖြစ် တံဆိပ်ကပ်ခံရတာကိုအမှတ်ရမိတဲ့အခါ သူမ၏နှလုံးသားကို နာကျင်စေခဲ့သည်။ ထို့အပြင်၊ ထောင်ထဲတွင် သူဘာဖြစ်ခဲ့သနည်း။ ဧကရီသည် တော်ဝင်နန်းတော်၌ ဆယ့်ခြောက်နှစ်ကြာအောင် တည်ရှိသော ထောင်ထဲတွင် မင်းသားတစ်ပါးကို မည်ကဲ့သို့ ဝှက်ထားနိုင်ခဲ့သနည်း။ တစံုတယောက်ရှိတယ်ဆိုတာ ဗန်ပိုင်းယားတွေကခံစားလို့ရတယ်မလား။ သူ၏ ထူးကဲသော အရည်အချင်းများနှင့် ပတ်သက်၍ အယ်လီးယက်စ် က ပြောခဲ့သေးသည်။ ထိုဆယ့်ခြောက်နှစ်အတွင်း ဧကရီတစ်ပါးမှလွဲ၍ မည်သူမျှ သူ့ကိုမတွေ့ခဲ့ပါက၊ သူသည် တိုက်ပွဲစွမ်းရည်ကို ဘယ်လို လေ့ကျင့်ခဲ့တာလဲ။

သူမဘယ်လောက်ပဲ တွေးပြီး သုတေသနပြုနေပါစေ၊ သူမကိုင်ထားတဲ့စာအုပ်ရ​ဲ ့ဒီစာမျက်နှာတွေအတွင်း အဖြေတွေကို ရှာတွေ့နိုင်မယ့် နည်းလမ်းမရှိတဲ့အတွက် အီဗီ ရဲ့စိတ်ထဲမှာ မေးခွန်းတွေက စုစည်းနေခဲ့တယ်။ သက်ပြင်းရှည်ကြီးချကာ အီဗီ မျက်နှာကို မော့လိုက်ပြီး စာကြည့်တိုက်ကျယ်ကြီးကို လှမ်းကြည့်မိသည်။

မထင်မှတ်ဘဲ သူမရွေးချယ်ခဲ့သော စာအုပ်ငါးအုပ်သည် ဗန်ပိုင်ယားအင်ပါယာ၏သမိုင်းကြောင်းကို ဖြစ်​ေနခဲ့သည်။ သူမသည် သိချင်စိတ်ပြင်းပြသောကြောင့် သူတို့၏သမိုင်းကို ပိုမိုအသေးစိတ်လေ့လာချင်သော်လည်း ထိုအချိန်တွင် သူ့ခင်ပွန်း၏အတိတ်အကြောင်း သိချင်စိတ်ပြင်းပြလာကာ သူ့အကြောင်းသီးသန့်ရေးထားသည့် စာအုပ်တစ်အုပ်ကို ရှာတွေ့နိုင်စေရန် အမှန်တကယ်ဆန္ဒရှိခဲ့သည်။