ငါက သူရဲကောင်းဖြစ်ချင်ရုံပါ
V3 Chapter 32 - ယာမီ
"အေမီ၊ နင်စာရွက်တွေဝေတာ ပြီးသွားပြီလား" မက်ဒါနာက ကျောင်းဝင်းထဲ ပြန်ဝင်လာတဲ့ အေမီကိုလှမ်းလက်ပြရင်း မေးလိုက်တယ်။ ပညာရေးပြပွဲနေ့ရောက်လာတော့မှာမလို့ သူတို့ပြင်ဆင်နေကြပြီဖြစ်ပြီး အမျိုးမျိုးသော ပရိုမိုးရှင်းနည်းလမ်းတွေအပြင် သမရိုးကျဖြစ်တဲ့ လက်ကမ်းစာစောင်ကမ်းပေးတာပါ လုပ်ခဲ့ကြသေးတယ်။ မြို့ထဲမှာ အဓိကစာစောင်လိုက်ဝေရတဲ့သူက အေမီပါ။
ပြီးတော့ မက်ဒါနာသူ့ကိုပေးထားတဲ့ ပူးတွဲတာဝန်တစ်ခုရှိသေးတယ်။ "ကြော်ငြာလည်းကြော်ငြ ကင်းလည်းလှည့်။"ဆိုတာပါ။
လင်ဒါကိုကတိပေးပြီးတဲ့နောက် ငွေရောင်စစ်သည်တော်အဖြစ် ကင်းလှည့်ရမယ့်တာဝန်က အေမီဆီမှာဖြစ်သွားပြီ။ အေမီက လက်ထဲမှာကိုင်ထားတဲ့ ငွေရောင်သေတ္တာကို မက်ဒါနာဆီ ပြန်ပေးလိုက်တယ်။
"ဆိုပါဦး၊ မြို့ထဲမှာ ဘာတွေဖြစ်ခဲ့သေးလဲ။" မက်ဒါနာက ဝတ်စုံကိုပြန်သိမ်းရင်း မေးတော့ အေမီက ပြန်စဥ်းစားတဲ့ပုံစံနဲ့ ခေါင်းကိုနည်းနည်းစောင်းလိုက်ပါတယ်။ သူ့ရဲ့အနက်ရောင်ဆံပင်တွေက ဘေးကိုခွဲဖြာကျသွားလေရဲ့။
"လမ်းပေါ်မှာသောင်းကျန်းနေတဲ့ ဘဏ်ဓားပြတွေကို တားခဲ့တယ်။ လူးဆီးယပ်နဲ့တခြားမြူတန့်တစ်ယောက်လည်း တိုက်ပွဲမှာဝင်ပါခဲ့သေးတယ်။"
နောက်တော့ အေမီက သူ့ဗီဒီယိုမှတ်တမ်းတွေကို မက်ဒါနာနဲ့မျှဝေလိုက်တယ်။ မက်ဒါနာက စကိတ်နဲ့ကောင်လေးရဲ့လှုပ်ရှားမှုတွေကို သေချာပြန်ရစ်ကြည့်တယ်။
"သူ့အစွမ်းက ဆိုးတော့မဆိုးပေမဲ့ စွမ်းအင်စားသုံးမှုများတဲ့ပုံပဲ။"
မက်ဒါနာဗီဒီယိုကြည့်ပြီး သုံးသပ်နေတုန်း အထုပ်အလေးကြီးတွေသယ်လာတဲ့ ဖရက်က အခန်းထဲဝင်လာတယ်။
"မင်းသမီးလေး၊ ဒီပစ္စည်းတွေ ဘယ်နားထားလိုက်ရမလဲ။"
"ကားပေါ်သာ တစ်ခါတည်းတင်ထားလိုက်။ ဒါမှမနက်ကျရင် ရှာရပြုရဖြစ်မနေတော့မှာ။"
"ဟုတ်ကဲ့။" ဖရက်က ပစ္စည်းအလေးကြီးတွေကိုပြန်သယ်သွားပြီး ကားရပ်ထားတဲ့နေရာကို ပြေးသွားပြန်တယ်။ ဒီတစ်ခါတော့ သူတို့က ကျောင်းကပိုင်တဲ့ ထရပ်ကားစုတ်လေးကို သုံးကြမှာ။
ŞİMDİ OKUDUĞUN
I just Wanna be Hero, not Heroine (Season 2)
Bilim KurguSeason 2 ဖြစ်လို့ Season 1 ဖတ်ထားပြီးမှ ဖတ်လို့ရပါမယ်။ S1ရဲ့အဆုံးသတ်မှာ မက်ဒါနာဒဏ်ရာအပြင်းအထန်ရပြီး ကိုမာဝင်သွားတာနဲ့ အဆုံးသတ်ထားခဲ့ပါတယ်။ မက်ဒါနာရဲ့အချိန်တွေက ရပ်တန့်သွားပေမဲ့ လောကကြီးကတော့ ဆက်သွားနေဆဲပါ။ မြူတန့်သိပ္ပံပျက်စီးသွားပေမဲ့ ဗီလိန်အဖွဲ့...
