ငါက သူရဲကောင်းဖြစ်ချင်ရုံပါ
V7 Chapter 30 - ယင်ကောင်စစ်သူကြီး
ဒူးထောက်ကျနေပြီး ပြန်မတိုက်နိုင်ဖြစ်နေတဲ့ ဂရေဟမ်နားကို ဂိုဏ်းစတားနှစ်ယောက်ချဥ်းကပ်လာပါတယ်။ သူတို့က ယင်ကောင်တွေနဲ့ဂရေဟမ်ရဲ့ပွဲကို စောင့်ကြည့်နေခဲ့တာဖြစ်ပြီး အခုလိုအခွင့်ကောင်းရမှာ ဝင်လာခဲ့တာပါ။
"ကောင်လေး၊ မင်းကိုယ်မင်း ဟုတ်လှပြီထင်နေတာမဟုတ်လား။ နောက်ဆုံးတော့လည်း ငါတို့ဆရာကြီးအကြံအောက်မှာ ကျဆုံးသွားတော့တာပါပဲ။"
ဂိုဏ်းသားတစ်ယောက်က ဂရေဟမ်ရဲ့နောက်စေ့က ဆံပင်ကိုဆွဲပြီးမှောက်လိုက်တယ်။ အဲဒီနောက် ရှေ့မှာရှိနေတဲ့ ကျောက်တုံးနဲ့ခေါင်းကိုဆောင့်ချလိုက်လေရဲ့။ ဂရေဟမ်ခေါင်းကနေ သွေးတွေဖြာထွက်လာတယ်။ တခြားဂိုဏ်းသားတစ်ယောက်ကတော့ တားလိုက်တယ်။
"ဟေး၊ မင်းသူ့ကို သတ်မိဦးမယ်နော်။ ခေါင်းဆောင်ကြီးက သူတို့ကိုအရှင်လိုချင်တာကွ။ ဒါမှဟီးရိုးကျောင်းနဲ့ ဆွေးနွေးလို့ရမှာလေ။"
မာတီရာဂိုဏ်းကလူတွေက အရူးတွေမဟုတ်ပါဘူး။ သူတို့က မြို့တစ်ခုလုံးကို ထိန်းချုပ်နိုင်တဲ့ မာဖီးယားတွေဖြစ်ပေမဲ့ ဟီးရိုးကျောင်းတစ်ခုရဲ့လက်စားချေမှုကို ရင်ဆိုင်ရဲလောက်တဲ့အထိ အင်အားမကြီးသေးပါဘူး။ အခုသူတို့လုပ်နေတာကလည်း ဟီးရိုးကျောင်းကို ရန်စဖို့မဟုတ်ဘဲ အပေးအယူလုပ်ဖို့ ဓားစာခံရှာတဲ့သဘောပါ။
"ကောင်းပြီလေ၊ ကျောင်းသားတွေကို သတ်လို့မရဘူးဆိုတော့ ဟိုကောင့်ကို သတ်ရမှာပေါ့။"
ဂိုဏ်းသားက ခါးမှာချိတ်ထားတဲ့ ပုဆိန်သေနတ်ကို ဖြုတ် ပြီးဓာတ်ပုံဆရာကိုချိန်လိုက်တယ်။ သစ်ပင်အကွယ်မှာပုန်းနေတဲ့ ဓာတ်ပုံဆရာက ထွက်ပြေးချင်ပေမဲ့ သူ့ခြေထောက်တွေက ကြောက်လွန်းလို့ချိနဲ့နေပြီး လှုပ်မရဘူး။
ဝှစ်....
ရုတ်တရက် ငွေရောင်အလင်းတန်းက လေထုထဲမှာ ထွက်ပေါ်လာတယ်။ ဂိုဏ်းသားနှစ်ယောက်စလုံး မျက်စိမျက်နှာပျက်သွားကြတယ်။ ဒါပေမဲ့ သူတို့ဘာမှမလုပ်နိုင်သေးခင် သူတို့ခေါင်းတွေက လည်တိုင်ကို
စွန့်ခွာခဲ့ပါပြီ။
VOCÊ ESTÁ LENDO
I just Wanna be Hero, not Heroine (Season 2)
Ficção CientíficaSeason 2 ဖြစ်လို့ Season 1 ဖတ်ထားပြီးမှ ဖတ်လို့ရပါမယ်။ S1ရဲ့အဆုံးသတ်မှာ မက်ဒါနာဒဏ်ရာအပြင်းအထန်ရပြီး ကိုမာဝင်သွားတာနဲ့ အဆုံးသတ်ထားခဲ့ပါတယ်။ မက်ဒါနာရဲ့အချိန်တွေက ရပ်တန့်သွားပေမဲ့ လောကကြီးကတော့ ဆက်သွားနေဆဲပါ။ မြူတန့်သိပ္ပံပျက်စီးသွားပေမဲ့ ဗီလိန်အဖွဲ့...
