ငါက သူရဲကောင်းဖြစ်ချင်ရုံပါ
V8 Chapter 19 - အဖြေရှာတွေ့သွားခြင်း
ဘာရွန်က သူ့အတောင်ပံခတ်ပြီး အသူရာစစ်သည်ကို လက်သီးနဲ့ထိုးတယ်။ အသူရာစစ်သည်က သူ့လက်ကိုမြှောက်ပြီး ပြန်လက်သီးနဲ့ထိုးတယ်။ ဘာရွန်ရဲ့မျက်နှာကို အသူရာစစ်သည်ရဲ့မျက်နှာကိုထိုးမိသွားပြီး ဘာရွန်ရဲ့လက်သီးကတော့ အသူရာစစ်သည်ရဲ့မျက်နှာကို ထိုးမိသွားတယ်။
ဘုန်း...
သူတို့ရပ်နေတဲ့ အက်ကွဲပြီးသားမြေပြင်က ထပ်ပြီး တစ်စစီကျိုးပဲ့သွားတယ်။ လက်သီးပြင်းအားက သာမန်လူတွေ တွေးစနိုင်တာထက် အများကြီးပိုလွန်နေပြီဖြစ်ပြီး ဘာရွန်ရဲ့လက်သီးချက်ကြောင့် အသူရာစစ်သည်ရဲ့အနောက်ဘက်မှာရှိနေသမျှ တိုက်တာအဆောက်အဦးတွေအကုန်လုံး ပျက်စီးသွားတော့တယ်။ အသူရာစစ်သည်ရဲ့လက်သီးချက်ကိုခံလိုက်ရတဲ့ ဘာရွန်နောက်က အဆောက်အဦးတွေလည်း အလားတူပဲ ပျက်စီးကုန်တယ်။
ဘာရွန့်မျက်နှာက လက်သီးချက်ကြောင့် စုတ်ပြတ်သွားပြီး အသူရာစစ်သည်ရဲ့ချပ်ဝတ်ခေါင်းစွပ်လည်း စုတ်ပြတ်သွားပြီ။ ဘာရွန်က မျက်လုံးပြူးပြီး နောက်ကိုပြန်ဆုတ်လိုက်တယ်။ အသူရာစစ်သည်ကတော့ ဘာရွန်ရဲ့လက်သီးချက်ကြောင့် နောက်ကို ဆုတ်ပေးလိုက်ရပြီးသားပါ။ သူက လက်ထဲမှာဓားကို ကျစ်ကျစ်ပါအောင်ဆုပ်ထားပြီး စွမ်းအားစုစည်းနေတယ်။ ဓားရဲ့ဆိုးယုတ်ခြင်းအခိုးအငွေ့တွေ သိသိသာသာတိုးတက်လာပြီး ပတ်ဝန်းကျင်လေထုတစ်ခုလုံးကို မွန်းကျပ်တဲ့ခံစားချက်က စတင်ဖုံးလွှမ်းလာတယ်။
"ဆိုဖီယာ၊ ပိုးကောင်ဗိုလ်ချုပ်အားလုံးက အယ်ဖာတွေဖြစ်ပြီး ဘာရွန်က အယ်ဖာထိပ်ဆုံးအဆင့်ဆိုရင် မက်ဒါနာကရော အယ်ဖာထိပ်ဆုံးအဆင့်ပဲလား။"
ဖရာလီတာနဲ့ဆိုဖီယာက နောက်ကိုဖြည်းဖြည်းချင်းဆုတ်နေရင်းကနေ မေးလိုက်တယ်။ သူတို့က ဆိုးယုတ်ခြင်းအငွေ့အသက်တွေ တိုက်စားသွားတာ မခံရစေဖို့ အကောင်းဆုံးကြိုးစားရင်း နောက်ကိုပြန်ဆုတ်နေတယ်။ မက်ဒါနာရဲ့အသွင်သစ် အသူရာစစ်သည်က အငွေ့အသက်တွေက ပတ်ဝန်းကျင်မှာရှိနေတဲ့ အုတ်အပိုင်းအစတွေကိုပါ ဆွေးမြေ့စေပြီး ဖုန်မှုန့်တွေအဖြစ် ပြောင်းလဲပစ်နေတယ်။ မီးတောက်တွေက အသွင်အပြင်သက်သက်ပဲမဟုတ်ဘူး။
DU LIEST GERADE
I just Wanna be Hero, not Heroine (Season 2)
Science FictionSeason 2 ဖြစ်လို့ Season 1 ဖတ်ထားပြီးမှ ဖတ်လို့ရပါမယ်။ S1ရဲ့အဆုံးသတ်မှာ မက်ဒါနာဒဏ်ရာအပြင်းအထန်ရပြီး ကိုမာဝင်သွားတာနဲ့ အဆုံးသတ်ထားခဲ့ပါတယ်။ မက်ဒါနာရဲ့အချိန်တွေက ရပ်တန့်သွားပေမဲ့ လောကကြီးကတော့ ဆက်သွားနေဆဲပါ။ မြူတန့်သိပ္ပံပျက်စီးသွားပေမဲ့ ဗီလိန်အဖွဲ့...
