ငါက သူရဲကောင်းဖြစ်ချင်ရုံပါ
V5 Chapter 10 - နည်းလမ်းက ရှိပြီးသား
ဖရက် သတိပြန်ဝင်လာတော့ သူရှုံးသွားပြီဆိုတာ သိလိုက်ရပြီ။
သူ့တစ်ကိုယ်လုံးကနေ ညှော်နံတွေထွက်နေပြီး သူ့ကျောက စိုစွတ်ကြမ်းတမ်းတဲ့မြေပြင်ပေါ်ကို ရောက်နေမှန်း ခံစားမိတယ်။ ဆရာကြောင်ကတော့ သူ့ရင်ဘတ်ပေါ်မှာရှိနေပြီး လောလောဆယ်တော့ သာမန်အိမ်မွေးကြောင်တစ်ကောင်အရွယ်နဲ့ သူ့အပေါ်မှာရပ်ပြီး မျက်လုံးဝါကြီးတွေနဲ့ သူ့ကိုစိုက်ကြည့်နေတာပါ။
ဒါပေမဲ့ ဆရာကြောင်ရဲ့လျှပ်စီးဓာတ်ပါဝင်တဲ့ခြေနဲ့ စုံကန်ခံခဲ့ရတာမလို့ သူ့ရင်ဘတ်တစ်ခုလုံး ကြေကွဲလုမတတ် ခံစားနေရပြီးတော့ သူ့ကြွက်သားတွေလည်း မလှုပ်နိုင်လောက်အောင်ကို နာကျင်နေပါတယ်။
"ဒီတော့ ငါတို့ကြောင်ပေါက်သေးက မသေသေးဘူးပေါ့။ ငါပြောခဲ့သားပဲ၊ မင်းက ငါ့စာမေးပွဲကိုအောင်ဖို့ အများကြီးလိုပါသေးတယ်လို့။"
ဆရာကြောင်က ဖြည်းဖြည်းချင်းပြောလိုက်ပြီး ရင်ဘတ်ပေါ်ကနေ ဖယ်ပေးလိုက်တယ်။ တကယ်လို့ ဒီကြောင်နက်သာ သူ့ခန္ဓာကိုယ်အရွယ်အစားကို ပုံမှန်အရွယ်အထိ မလျှော့ချခဲ့ဘူးဆိုရင် ဖရက်သေသွားနိုင်တယ်။ သူ့ခန္ဓာကိုယ်က သာမန်လူတွေထက် အဆပေါင်းများစွာ ခံနိုင်ရည်မြင့်ပါးပေမဲ့ ဒီကြောင်နက် တစ်နည်း အမွှေးဖွားဖွားနတ်ဆိုးကြီးက S rank တွေထဲမှာတောင် အတော်သန်မာတဲ့အထဲမှာပါပါတယ်။
ဒီကြောင်က ရုရှားမှာပေါ်လာတဲ့ လိပ်ကြီးကိုတောင် သူ့ပြိုင်ဖက်ဆိုပြီး ကြွားဝါနေတဲ့သူမဟုတ်လား။ ဒါကြောင့် A rankကနေတောင် မတက်သေးတဲ့ ဖရက်နဲ့ယှဥ်ရင်တော့ အတော်ကိုဝေးကွာတဲ့ အဆင့်တစ်ခုမှာရှိနေတာပါ။
"ထပြီး ရေမိုးချိုးအိပ်ရာဝင်တော့၊ နောက်နေ့ကျရင် လေ့ကျင့်ခန်းပြန်စမယ်။ စောစောထွက်သွားမယ့်ကိစ္စကို လက်လျှော့ပြီး သုံးနှစ်သုံးမိုးသာ ပညာသင်စမ်းပါ။"
ဒါပေမဲ့ ဖရက်ကတော့ သုံးနှစ်အထိမစောင့်နိုင်ပါဘူး။ သူ့ရဲ့ကြင်နာတတ်တဲ့ နတ်သမီးလေးက စစ်မြေပြင်မှာဖြစ်ပြီး တိုက်ခိုက်နိုင်စွမ်းမရှိတာကြောင့် ကူရာမဲ့နေပါတယ်။ သူအမြန်ဆုံးသွားကူရမယ်။
ESTÁS LEYENDO
I just Wanna be Hero, not Heroine (Season 2)
Ciencia FicciónSeason 2 ဖြစ်လို့ Season 1 ဖတ်ထားပြီးမှ ဖတ်လို့ရပါမယ်။ S1ရဲ့အဆုံးသတ်မှာ မက်ဒါနာဒဏ်ရာအပြင်းအထန်ရပြီး ကိုမာဝင်သွားတာနဲ့ အဆုံးသတ်ထားခဲ့ပါတယ်။ မက်ဒါနာရဲ့အချိန်တွေက ရပ်တန့်သွားပေမဲ့ လောကကြီးကတော့ ဆက်သွားနေဆဲပါ။ မြူတန့်သိပ္ပံပျက်စီးသွားပေမဲ့ ဗီလိန်အဖွဲ့...
