ငါက သူရဲကောင်းဖြစ်ချင်ရုံပါ
V8 Chapter 16 - လော့ဟက်မာတင်စစ်ဆင်ရေး
ကျောင်းပိတ်ရက်၊ တနင်္ဂနွေနေ့။
ကျောင်းဝင်းထဲကို ရင်းနှီးနေတဲ့ ဘန်ဒလေကားလေး
ဝင်လာပြီးတော့ ကားပါကင်မှာရပ်လိုက်တယ်။ ဖရာလီတာက ဝန်ထမ်းနားနေဆောင်ကို ညအိပ်ရသေးပုံမပေါ်တဲ့မျက်နှာနဲ့ ရောက်လာပါတယ်။ မက်ဒါနာက မစ်ရှင်မှာပါတဲ့ တခြားသူတွေနဲ့အတူ အေမီပြင်ပေးထားတဲ့ နေ့လယ်စာကိုစားနေတယ်။ မက်ဒါနာက ဖရာလီတာလက်မှာဝတ်ထားတဲ့ လက်ပတ်ကိုမျက်မှောင်ကြုတ်ပြီး ကြည့်လိုက်ပါတယ်။
လက်ပတ်က အကြမ်းခံတဲ့ဇက်သတ္တုနဲ့ပြုလုပ်ထားတာဖြစ်ပြီး အလယ်မှာတော့ ပတ္တမြားလိုရဲရဲနီနေတဲ့ ကျောက်တစ်လုံးရှိနေတယ်။ မဟုတ်သေးဘူး၊ အဲဒါက ကျောက်တစ်လုံးလိုထင်ရပေမဲ့ သေချာကြည့်ပြန်တော့ သတ္တုတစ်မျိုးနဲ့ပိုပြီးဆင်တူနေပြန်တယ်။
"ဒါနင်ပြောထားတဲ့ဥစ္စာလား။" မက်ဒါနာက ဖရာလီတာကို မေးလိုက်တော့ ဖရာလီတာက အတည်ပြုတဲ့အနေနဲ့ ခေါင်းညိတ်ပြလိုက်ပြီး လပ်ပတ်ကိုနှိပ်ချလိုက်တယ်။ လက်ပတ်ကနေ ရွှေရောင်အလင်းတန်းတစ်ခု ထွက်လာပြီး ဖရာလီတာရဲ့ခန္ဓာကိုယ်ကိုဖုံးလွှမ်းသွားတယ်။ ခနနေတော့ ဖရာလီတာရှိနေခဲ့တဲ့နေရာမှာ ရွှေရောင်အနားသပ်တွေကွပ်ပြီး အလှဆင်ထားတဲ့ အနက်ရောင်ဝါးဖရိန်ကြီး ပေါ်လာပါလေရောလား။
"ငါ့ဝတ်စုံကို အဆင့်မြှင့်လိုက်တာလေ၊ အခုနေရာတကာ သယ်သွားလို့ရပြီ။" ဝတ်စုံတွင်းကနေပြီး ဖရာလီတာက အင်တာကွန်းကနေတစ်ဆင့် စကားပြောလိုက်တယ်။ "ငါဒါကို Archmega: Prime လို့နာမည်ပေးထားတယ်။"
နောက်ထပ်တစ်ခါ ရွှေရောင်အလင်းတန်းတစ်ခု ထွက်ပေါ်လာပြီးနောက်မှာတော့ ဖရာလီတာက ပုံမှန်အတိုင်း ပြန်ဖြစ်နေပြီဖြစ်ပြီးတော့ စားပွဲဝိုင်းမှာဝင်ထိုင်တယ်။ ဒါပေါ့၊ ဆိုဖီယာနဲ့ဖလေရာက မက်ဒါနာနားကခုံတွေကို အပိုင်စီးထားလို့ မျက်နှာချင်းဆိုင်ခုံမှာပဲ ဝင်ထိုင်ရတာ။
"ဒီနေ့အတွက် နေ့လယ်စာကတော့ ဒတ်ချ်အသားမုန့်လုံးဖြစ်ပါတယ်ရှင့်။ ကောင်းကောင်းသုံးဆောင်ပါ။"
YOU ARE READING
I just Wanna be Hero, not Heroine (Season 2)
Science FictionSeason 2 ဖြစ်လို့ Season 1 ဖတ်ထားပြီးမှ ဖတ်လို့ရပါမယ်။ S1ရဲ့အဆုံးသတ်မှာ မက်ဒါနာဒဏ်ရာအပြင်းအထန်ရပြီး ကိုမာဝင်သွားတာနဲ့ အဆုံးသတ်ထားခဲ့ပါတယ်။ မက်ဒါနာရဲ့အချိန်တွေက ရပ်တန့်သွားပေမဲ့ လောကကြီးကတော့ ဆက်သွားနေဆဲပါ။ မြူတန့်သိပ္ပံပျက်စီးသွားပေမဲ့ ဗီလိန်အဖွဲ့...
