ငါက သူရဲကောင်းဖြစ်ချင်ရုံပါ
V7 Chapter 5 - သံသယ
"မင်းက နယူးယောက်ဟီးရိုးကျောင်းကို စောင့်ကြည့်ဖို့ တာဝန်ကျတဲ့ အေးဂျင့်လား။"
ဒီနေ့အလုပ်ကိုရောက်ရောက်ချင်း အထက်လူကြီးသစ်က ဆင့်ခေါ်တယ်ကြားကတည်းက သူ့ကိုအရေးကြီးခိုင်းစရာရှိနေပြီမှန်း လေဆာအိုင်းသိတယ်။ လေဆာအိုင်းက မေးခွန်းကို ပြန်ဖြေတဲ့အနေနဲ့ ခေါင်းညိတ်ပြလိုက်ပြီး အရာရှိကို ကြည့်ကာပြောလိုက်တယ်။
"ဟုတ်ပါတယ်၊ ကျုပ်က နယူးယောက်ဟီးရိုးကျောင်းဘုတ်အဖွဲ့ထဲမှာ တာဝန်ယူရတဲ့အေးဂျင့်ပါ။"
အထက်အရာရှိက လူမှန်ကို ဆင့်ခေါ်မိတာပဲဆိုတဲ့အနေနဲ့ ခေါင်းညိတ်တယ်။ အရာရှိသစ်က ဌာန ဝန်ထမ်းတွေနဲ့ သိပ်မရင်းနှီးသေးပုံပဲ။ လေဆာအိုင်းရဲ့မျက်လုံးက စားပွဲပေါ်မှာတင်ထားတဲ့ "မြူတန့်ဌာနစိတ်မှူး ဂရေးဟောင်း"ဆိုတဲ့ ဆိုင်းဘုတ်ကို အရင်ကြည့်ပြီး အရာရှိမျက်နှာကို ပြန်ကြည့်တယ်။
ဒီလူက သက်လတ်ပိုင်းအရွယ်လောက်ရှိနေပြီဖြစ်ပြီး မျက်နှာရှည်ရှည်။ ရွှေရောင်ဆံပင်နဲ့ပေမဲ့ နဖူးနည်းနည်းပြောင်ပြီး မုတ်ဆိတ်ဖြူရှည်ကြီးတွေရှိတယ်။ ရုံးခန်းထဲမှာ အစိုးရအသစ်ပေးထားတဲ့ အနက်ရောင်ကိုင်ဇာချပ်ဝတ်ကို ချိတ်ထားပေမဲ့ ဒီလူက အစကတည်းက အဆင့် A မိုးသက်မုန်တိုင်းစွမ်းအားမြူတန့်ပါ။
"လေဆာအိုင်း၊ ငါ့မှာမင်းကို စုံစမ်းခိုင်းစရာတစ်ခုရှိတယ်။" အရာရှိက ပြောပြောဆိုဆိုနဲ့ စားပွဲပေါ်ကို ဖိုင်တစ်ခုတင်ပြီး ဖွင့်တယ်။ ဖိုင်နဲ့အတူ ဓာတ်ပုံတချို့တွဲပါနေပြီး ရင်းနှီးနေတဲ့ လူတချို့ရဲ့မျက်နှာကို မြင်နိုင်ပါတယ်။
"ငါတို့ရဲ့အရင်စုံစမ်းစစ်ဆေးမှုတွေအရ ဆုဗာနာမင်းသမီး မက်ဒါနာရှိနေတဲ့ နေရာတိုင်းမှာ ငွေရောင်စစ်သည် ရှိနေတတ်တယ်ဆိုတာကို သိထားပြီးသားပဲမဟုတ်လား။"
"ဟုတ်ပါတယ်ခင်ဗျ၊ ငွေရောင်စစ်သည်စပေါ်လာကတည်းက ဆုဗာနာမင်းသမီးမက်ဒါနာက နယူးယောက်မှာ အမြဲတမ်းရှိနေခဲ့ပါတယ်။ ဆုဗာနာသံရုံးက သူ့ကိုလာမခေါ်ခင်ကတည်းက သူတို့နှစ်ယောက်က မြို့ထဲမှာအတူတူရှိနေမှန်း ဌာနက သတိထားမိပါတယ်။ ဆုဗာနာတိုင်းပြည်ကို မင်းသမီးပြန်သွားတာနဲ့ ငွေရောင်စစ်သည်လည်း အတူပါသွားပါတယ်။"
KAMU SEDANG MEMBACA
I just Wanna be Hero, not Heroine (Season 2)
Fiksi IlmiahSeason 2 ဖြစ်လို့ Season 1 ဖတ်ထားပြီးမှ ဖတ်လို့ရပါမယ်။ S1ရဲ့အဆုံးသတ်မှာ မက်ဒါနာဒဏ်ရာအပြင်းအထန်ရပြီး ကိုမာဝင်သွားတာနဲ့ အဆုံးသတ်ထားခဲ့ပါတယ်။ မက်ဒါနာရဲ့အချိန်တွေက ရပ်တန့်သွားပေမဲ့ လောကကြီးကတော့ ဆက်သွားနေဆဲပါ။ မြူတန့်သိပ္ပံပျက်စီးသွားပေမဲ့ ဗီလိန်အဖွဲ့...
