unicode
This episode will include mature words and scenes.If you don't like it, please skip it THANK YOU.
_ _ _ _ _ _ _ _ _ _
"အွန့် .. ပြွတ်"
ဟိုတယ်ကိုမရောက်မချင်း ကားပေါ်မှာပတ်ပတ်စက်စက်အနမ်းခံနေရသော ထယ်ဟျောင်းမှာ နှုတ်ခမ်းတွေပါထုံလာသလိုခံစားရသည်။ ဂျက်စတင်က သူ့ကိုအသက်ရှူရမခက်စေရန် ခဏရပ်လိုက် ပြန်စုပ်ယူလိုက်ဖြင့် တစ်လမ်းလုံးနားသွားသည်မရှိ။ ထယ်ဟျောင်းမှာတော့ သူ့ရင်ခွင်ထဲမှာ နွမ်းဖက်ကာ လူလည်းဖို့ယို့ဖားယားဖြစ်၍ ဆံပင်တွေပါရှုပ်ပွနေပြီဖြစ်သည်။
"ဟင့် .. ရပ် ငါ့ကို အင့် လွှတ်!"
လူကရီဝေဝေဖြစ်နေတာဆိုသော်လည်း ဒင်းထယ်ဟျောင်းကိုအတင်းအကြပ်ရမ်းကားနေတာကိုတော့ ကောင်းကောင်းကြီးသိပါသည်။ ထယ်ဟျောင်းလည်းသောက်ထားသလို ဒင်းကိုယ်ပေါ်ကနေလည်း ဝီစကီအနံ့ကိုမွှန်ထူနေအောင် ရနေတာ ။ ဒင်းထယ်ဟျောင်းကို မူးမူးရူးရူးနဲ့အနိုင်ကျင့်နေတာ !
"ကျွီ!"
ကား၏ဘရိတ်အုပ်သံနှင့်အတူ ထယ်ဟျောင်းတို့ ဟိုတယ်ကြီးတစ်ခုရှေ့ကိုရောက်လာသည်။ ဒေးဗစ်ဆိုတဲ့သူက တံခါးလာဖွင့်ပေးသည်နှင့် သူကထယ်ဟျောင်းကို ပွေ့ခေါ်ဖို့ကြိုးစားပြန်လျှင် ..
"မင်းငါ့ကို ဘယ်ကိုခေါ်လာတာလဲ လွှတ်!"
"ခင်ဗျားကိုကျုပ်ရိုက်သတ်ချင်နေတယ်"
"ဘာ.. ဟေ့ကောင် အခုရပ်နော်!"
ထယ်ဟျောင်းကိုသူ့ပုခုံးကြီးပေါ်ထမ်းတင်လိုက်ပြန်သည်။ ထယ်ဟျောင်းမှာ သူ့ပုခုံးပေါ် မှောက်လျက်အနေအထားကြီးဖြင့် ခြေထောက်တွေကိုရုန်းနေပေမယ့် ဗိုက်ကသူ့ပုခုံးပေါ်ထောက်နေသည်ကြောင့် သောက်ထားတာတွေ ပြန်ထွက်လာတော့မလို ခံစားလိုက်ရကာ မိုက်ခနဲ ..
"အေ့ .."
လေချဉ်တက်လိုက်မိတော့ ပိုမူးသွားသလိုပင်။ နှာခေါင်းထဲကပါ အနံ့တွေထွက်လာတာ။
သူကထယ်ဟျောင်းကိုထမ်းလျက်ကြီး သူ့လူဦးဆောင်ခေါ်ယူရာအခန်းကိုလိုက်လာ၏ ။ ထယ်ဟျောင်းမှာတော့ ဒီအနေအထားကြီးမှာ ရုန်းလေ အန်ချင်လာလေဖြစ်နေတာကြောင့် မရုန်းနိုင် ။ သူခေါ်ဆောင်ရာကို ပါလာရသည်။
