uni
ဖီးလစ်နေမကောင်းသေးပေမယ့် ဂျက်စတင်ပျောက်နေတဲ့ကိစ္စကြောင့် ဒေးဗစ်ကိုရီးယားကိုပြန်ရောက်နေတာ တစ်ပတ်ပြည့်ဝောာ့မည်ဖြစ်သည်။ ဘယ်လိုဆက်သွယ်လို့မရတဲ့ထိုကောင်လေးကို ဒေးဗစ်အမှန်တကယ်လည်းစိတ်ပူမိပါသည်။ သူကဒီမိသားစုရဲ့သွေးသားဟုတ်သည်ဖြစ်စေ မဟုတ်သည်ဖြစ်စေ ။ ဒေးဗစ်ကတော့ သူ့ကို ကိုယ့်ညီလို ကိုယ့်တူလို အရိပ်တစ်ကြည့်ကြည့် ကြည့်နေခဲ့ရတာဖြစ်သည် ။
အခုလည်း ဂျက်စတင်တစ်ယောက်လုံးပျောက်နေတဲ့ကြားက အလုပ်ကိစ္စပြဿနာတွေကလည်းဖြေရှင်းလို့ပြီးသည်ရယ်မရှိပါ ။
"ဘာကိစ္စဒီကောင်တွေက ဇယားတွေရှည်နေတာလဲ မင်းတို့ကရော မကိုင်တွယ်နိုင်ဘူးလား ဟမ်!"
ယူထားတဲ့ငွေတွေကို အပြီးအပြတ်မပေးရသေးဘဲ နေ့ရွှေ့ ညရွှေ့လုပ်နေတဲ့ ငမိုက်သားတစ်ဖွဲ့က ပြည်ပကိုထွက်ဖို့ရှိသည်ဆိုတဲ့အသံကြောင့် ဒေးဗစ်ဒေါသထွက်နေသည်။ ဂျက်စတင်သာရှိရင်ဒီကောင်တွေဒီအခြေအနေတောင်ရှိနေမည်မဟုတ်။
ဒေးဗစ်ကလည်း ဂျက်စတင့်ကိုရှာနေရတဲ့ ကိစ္စကြောင့်သူတို့နဲ့လိုက်မသွားနိုင်တာ ။ ဒီကောင်တွေက ခေါင်းဆောင်မပါရင် အသံတိတ်နေတဲ့ကောင်တွေ ။ အခုလည်းအပြင်မှာ မှောင်တောင်မှောင်နေပြီ ။
"သူတို့ရှေ့တစ်ပတ်ထပ်ချိန်းထားပါတယ် ဒေးဗစ်"
"မင်းတို့အကုန်ငါသတ်ရင် -!"
"ဒေးဗစ် ဒေးဗစ်"
ဒေးဗစ်ဟာဒေါသထွက်စွာဖြင့် သူ့ရှေ့တပည့်တွေကို ဆူပူကြိမ်းမောင်းနေစဉ် တံခါးမရှေ့မှာရပ်နေတဲ့ အစောင့် အပြေး၀င်ချလာသည်။ ဒေးဗစ်သူ့ကိုဘာလဲဆိုသောအကြည့်နဲ့လှည့်ကြည့်တော့ စကားပြောဖို့ကို အရှိန်ယူနေ၏
ဒေးဗစ်စိတ်မရှည်စွာနဲ့ ဘေးကဖန်ခွက်နဲ့ကောက်ပေါက်မည့်အချိန်ကျမှ ..
"ဖယ်စမ်း"
"ဟင်"
အိမ်၀မှာပိတ်ရပ်နေသောကောင်ကို တွန်းတိုက်ပြီး၀င်ချလာတဲ့သူ ။ အနည်းပွေရှုပ်နေသော ဆံပင်တွေနဲ့ ပုံစံမကျစွာ၀တ်ထားတော့ အ၀တ်အစားအပွကြီးတွေက ထိုသူရဲ့ မူလကြည့်ကောင်းမှုကိုတော့ အရှိန်မလျှော့စေနိုင်ပါ ။ ထိုသူက -
