unicode
This episode will include mature words and scenes.If you don't like it, please skip it THANK YOU.
_ _ _ _ _ _ _ _ _ _
မိုးတိတ်သွားပြီး အပြင်မှာလေပြေတအေးအေးနှင့် ည ၇ နာရီအချိန်ဖြစ်သည်။ ထယ်ဟျောင်းမှာ ကားဆိုဖာပေါ်ဒူးလေးကွေး၍ထိုင်နေကာ ဂျက်စတင့်ရဲ့ ရှပ်အင်္ကျီကိုလည်းကိုယ်ပေါ်မှာခြုံထားရ၏ ။ ဂျက်စတင်ကတော့ အောက်တွင်ဘောင်းဘီပြန်၀တ်ပြီးပြီဆိုပေမယ့် အပေါ်ပိုင်းကတော့ ဗလာကျင်းနေစဲပင်။
ကျောပြင်၊ ပုခုံးနှင့်ခါးတို့မှာ ကုတ်ရာ ခြစ်ရာအပြည့်နှင့် ကားအပြင်၌ရပ်၍ ဆေးလိပ်သောက်နေလေသည်။
ကားနောက်ခန်းထဲမှာသာ တိတ်ဆိတ်စွာထိုင်နေသည့်ထယ်ဟျောင်းခမျာ ပြီးခဲ့တဲ့ နာရီပိုင်းလောက်က အထိအတွေ့အခိုက်အတန့်တွေကြားမှ စိတ်ကိုအခုထိရုန်းမထွက်နိုင်သေးပါ။ တခြားထက် သူဂျက်စတင့်ကို 'မောင်' လို့ခေါ်ခဲ့တာတွေအတွက် ပြန်တွေးပြီး ကိုယ့်ဟာကိုယ်တစ်ယောက်တည်းရှက်နေမိနေတာဖြစ်သည်။
သူဂျက်စတင့်ကို ထိုသို့ခေါ်လိုက်တိုင်း ဂျက်စတင်ကပိုပြီးရမ်းကားသည်။ ဒါကိုသတိထားမိ၍ ဂျက်စတင် လို့ပဲ ပြန်ပြောင်းခေါ်တော့လည်း 'မောင်လို့ပြန်ခေါ်' ဆိုပြီးပြောသေး၏။
အခုဆိုထယ်ဟျောင်းအောက်ပိုင်းကလည်း ပူထူစပ်ဖျင်းနေစဲဖြစ်ကာ ထယ်ဟျောင်းမျက်တောင်နှင့် မျက်ခမ်းတွေမှာ စိုရွှဲခဲ့ရသည် မျက်ရည်အမြောက်အများဟာလည်း စိုကပ်နေကြစဲဖြစ်သည် ။ အခုလည်းသူတို့အိမ်အပြင်ထွက်လာခဲ့တာ အတော်လေးကြာနေလေပြီ။ ပုံမှန်လိုဆို ထယ်ဟျောင်းသူ့ကို အိမ်အမြန်ပြန်ကြဖို့ ပြောမိမှာပေမယ့် အခုအချိန်မှာတော့ ဘာမှမပြောချင်သေး ။ ပြီးသွားခဲ့ပြီဖြစ်သော ဂျက်စတင့်အကြောင်းတွေကို အခုမှသိရလို့ စိတ်မကောင်းဖြစိနေတာလည်း ပါမည်။
သူနဲ့ဂျက်စတင်တွဲနေခဲ့တာ အရင်ကအချိန်တွေကိုပါထည့်တွက်ရင် အခု ၃ လကျော်ပြီး ၄ လထဲတောင်အတော်စွန်းနေလေပြီ။
သူရော ဂျက်စတင်ရောဒီလောက်အနေနီးနေကြတဲ့ကြားက သူကဂျက်စတင့်အကြောင်းတွေကို ဘာမှ မေးခဲ့မြန်းခဲ့ဖူးတာမရှိ ။ ဂျက်စတင်ကတော့ သူနဲ့ပတ်သက်တွေအကုန်လုံး လိုက်ကြည့်နေတတ်တာ ။ ထို့ကြောင့်ဂျက်စတင့်အပေါ်အပြစ်ရှိသလိုခံစားနေရကာ စိတ်မကောင်း ။
