unicode
ညနေငါးနာရီမတိုင်ခင် ထယ်ဝီမိဘမဲ့ဂေဟာကိုပြန်ရောက်လာခဲ့သည်။ အပြင်မှာပဲစောင့်နေလျှင်မသိမှာစိုး၍ ဂေဟာထဲအထိလိုက်ကြည့်တော့ စန်းဟွာက နေ့ခင်းလောက်ကလည်းလူတစ်ဦးနှင့်ပါသွားကြောင်းသိလိုက်ရသည်။ ကားအဖြူနှင့်အမျိုးသားဆိုကတည်းက ထိုလူဘယ်သူလည်းဆိုတာ ထယ်ဝီသိလိုက်ပါသည်။ အီဂျယ်မင် !
အတင်းအဓမ္မခေါ်သွားသလားမေးကြည့်လိုက်ပြန်တော့ ဆွဲလားရမ်းလား ဘာအပြုအမူမှမရှိခဲ့ဘဲ စန်းဟွာကလိုက်သွားကြောင်းပါသိလိုက်ရလျှင် ထယ်ဝီရင်ထဲပူသွားတာကိုသာခံစားလိုက်ရသည်။ စန်းဟွာဆိုတဲ့ကောင်လေးက အမှတ်မရှိသည်ပဲလား ၊ တုံးသည်လား ထယ်ဝီမပြောတတ်တော့ ။ အချစ်ဆိုတာကိုရှေ့တန်းတင်ပြီး ဟိုကောင်အရူးလုပ်သမျှကိုခံနေတာကိုတော့ ထယ်ဝီသိသည် ။ ဒေါသထွက်စွာဖြင့်အိမ်ကိုပြန်ရောက်လာခဲ့သည် ။ အိမ်မှာလည်း မိမိညီဖြစ်သူက သူ့ရည်းစားဟိုငါးမွေထိုးကြောင့် တမှိုင်မှိုင်တထွေထွေဖြစ်နေလိုက်တာ ဟိုတစ်နေ့ကမှ အဆက်သွယ်ပြန်ရလို့ဆိုပြီး မျက်နှာပြန်လန်းနေတာ။ ဘယ်နေရာကို ဘယ်လိုရောက်နေခဲ့သလဲမသိ ဘာတွေလုပ်နေခဲ့သလဲမသိဘဲ သူကိုယ်ယောင်ပြချင်တဲ့အချိန်မှ ပြတဲ့ကောင်ကို ထယ်ဝီတော့တစ်စက်လေးမှ မေတ္တာမရှိပါ ။
သူ့စိတ်ကြောင့်ကိုယ့်ညီကလေးဘယ်လို စိတ်ဆင်းရဲနေခဲ့ရသလဲ ကိုယ်ကမြင်နေရတာမဟုတ်ပါလား ။ အိမ်ကိုပြန်ရောက်ရောက်ချင်း ပူထူနေတဲ့စိတ်ကြောင့် မေ့မေ့ပျောက်ပျောက်ဖြစ်အောင် လုပ်စရာရှိတာလုပ်နေဖို့စိတ်ဆုံးဖြတ်လိုက်သည်။ ရေချိုးဖို့ပြင်နေတုန်း ညီဖြစ်သူအခန်းဆီကနေအော်သံကြားလိုက်ရသဖြင့် ခပ်သွက်သွက်တက်လာခဲ့ကာ တံခါးခေါက်လိုက်၏ ။
"ဂျက်"
တံခါးလာဖွင့်တဲ့သူ၏မျက်နှာက နီရဲလို့။ နေမကောင်းဖြစ်နေတာမှန်းလည်းသိသာပါသည်။ ဒီရက်ပိုင်းဒီကောင်လေးခဏခဏဆိုသလို ချူချာနေ၏ ။ ထယ်ဝီလည်း သက်ပြင်းသာအသာချမိရင်း ..
"နေမကောင်းဘူးလား ဘာသံလဲခုနက"
မေးလိုက်တော့ ထယ်ဟျောင်းကမျက်လုံးလေးကလည်ကလည်ဖြင့် ..
