unicode
လက်ထိပ်တစ်ခုကိုဘောင်းဘီအိတ်ထဲမှာထည့်၍ ဦးထုပ်ဆောင်းပြီးအိမ်မှထွက်လာခဲ့တဲ့ ထယ်ဝီ။ သူအခု ဂျယ်မင်ရှိတဲ့နေရာကိုစုံစမ်းလို့ရခဲ့တာဖြစ်သည်။ အရာရှိနှစ်ဦးနှင့်အတူ စခန်းမှကားဖြင့်အိမ်တစ်လုံးဆီကိုမောင်းလာခဲ့လိုက်ကြသည်။ အရာရှိတစ်ယောက်ဖြစ်နေ၍သာ ထယ်ဝီကိုယ့်ကိုကိုယ်မနည်းထိန်းချုပ်နေခြင်းသာ ။ အဲဒီကောင်ကိုတွေ့တဲ့နေမှာ သေတဲ့အထိ သေနတ်နှင့်ပစ်သတ်ထားခဲ့ချင်တာဖြစ်သည်။
သိထားရသလောက်တော့ အခုခြေရာခံမိတဲ့အိမ်မှာ အ၀င်အထွက်သူတစ်ယောက်တည်းရှိသည်ဆိုတာပင် ။ တခြားလုံခြုံရေးတွေ အစောင့်တွေထားသည်လို့တော့မတွေ့မိ။
"ရောက်ပြီ ဒီအိမ်ပဲ"
ခြံရှေ့နားကိုရောက်သည်နှင့် ကားကိုမမြင်နိုင်လောက်တဲ့အကွယ်မှာရပ်လိုက်ပြီး သုံးယောက်လုံးကားပေါ်ကဆင်းလိုက်ကြသည်။ အနီးအနားတစ်ဝိုက်မှာလည်း ထင်သလောက် အိမ်အရေအတွက်မများလှပါ ။ ခြံရှေ့ကိုရောက်တော့သော့ခတ်ထားတာကိုတွေ့လိုက်ရသည်။
"ခြံကအပြင်ကသော့ခတ်ထားတာပဲ အထဲမှာသူမရှိဘူးထင်တယ်"
"ဒါဆိုကျွန်တော်တို့ ခြံစည်းရိုးပေါ်ကနေကျော်၀င်ပြီး သူ့ကိုစောင့်ဖမ်းရမှာပဲ သူက မနက်ကိုးနာရီ၀န်းကျင်လောက်ဆိုဒီလိုလာနေကျလို့ သတင်းရထားတာဆိုတော့"
"ဒါဆိုကျုပ်တို့ကျော်၀င်ကြရအောင်"
သုံးယောက်သားတစ်ဦးကိုတစ်ဦးခေါင်းညှိမ့်ပြလျက် ခြံစည်းရိုးကိုကျော်၀င်လိုက်ကြသည်။ ဂျယ်မင့်ကိုဖမ်း၀ရမ်းထုတ်ထားတဲ့အမှုကများသည်။ ဂျက်စတင့်ကိုဆေးခတ်တုန်းကအမှု ၊ ညှင်းပမ်းနှိပ်စက်မှုတွေနဲ့ အဓ္ဓမမှု ။ဂျယ်မင့်က အခုသူ့အိမ်ကရော စီးပွားရေးလုပ်ငန်းထဲကပါခြေရာဖျောက်သွားတာဖြစ်သည်။ သူ့မိသားစုကလည်းအဆက်အသွယ်မရဟုသာဆိုသဖြင့် စောင့်ကြည့်ခိုင်းထားရသည်။
သုံးဦးစလုံး ခြံစည်းရိုးပေါ်ကနေကျော်၀င်လာပြီးနောက်ခြံထဲရောက်သည်နှင့် သတိကြီးကြီးကပ်၍ အိမ်တံခါးဆီကပ်လာခဲ့ကြသည်။ ထူးဆန်းသည်က အိမ်တံခါးကတော့ သော့မခတ်ထားခြင်းပင်။ တစ်ယောက်မျက်နှာတစ်ယောက်ကြည့်ပြီးမှ တံခါးကိုသတိနဲ့ဖွင့်၀င်သွားလိုက်သည်။
