unicode
ကိုငယ်လည်း ဂျက်စတင့်အိမ်မှာရှိနေခဲ့တာဖြစ်သည်။ ထယ်ဟျောင်းနိုးနိုးချင်း ကိုငယ့်ကိုရှာနေခဲ့သည်ဆိုတာက ဂျယ်မင့်ရဲ့ ခြိမ်းခြောက်မှုတွေကြောင့်ဖြစ်ပါသည် ။ ထယ်ဟျောင်းဂျက်စတင့်ကို အဘက်ဘက်က ကာကွယ်ပေးနေတာတွေကို ဂျယ်မင်ကရပ်ခိုင်းခဲ့တာဖြစ်သည်။ သူပြောသည့်အတိုင်းမလုပ်နိုင်ဘူးလို့ ပြောခဲ့တဲ့ ထယ်ဟျောင်းကို သေလုနီးပါးထိုးကြိတ်ခဲ့ရုံတင်မက ဂျက်စတင်နဲ့ပတ်သက်နေသ၍ ထယ်ဟျောင်းရဲ့ မိသားစု၀င်တွေပါဒုက္ခရောက်ရလိမ့်မည်ဆိုတဲ့ ခြိမ်းခြောက်မှုရဲ့အဆုံးမှာ ထယ်ဟျောင်းမေ့မျောသွားခဲ့တာဖြစ်သည် ။
ဆေးရုံမှာပြန်နိုးလာတော့ အရင်က ဂျက်စတင့်လူတွေကိုမြင်သည်နှင့် ဂျက်စတင်သူ့အရင်အိမ်တော်ကြီးကိုပြန်ဆက်သွယ်နေပြီဆိုတာ သဘောပေါက်သွားသည်။ ဂျက်စတင့်အတွက် သူ့လူတွေရဲ့ကာကွယ်မှုအပြည့်အ၀ရနိုင်တာမို့ ထယ်ဟျောင်းရင်အေးသွားရ၏ ။ သို့ပေမယ့် တစ်ဖက်မှာမိမိ ရဲ့မိသားစု၀င်တွေအကုန်လုံခြုံရဲ့လားဆိုတဲ့ စိတ်က လူကိုအပူတွေပေးနေတော့ဖြစ်သည် ။ ကိုငယ်ကထယ်ဟျောင်းသတိရဝောာ့ထယ်ဟျောင်းကိုလာတွေ့သွားပေမယ့် မျက်နှာပျက်ယွင်းနေသည် ။ ကိုငယ့်မျက်နှာရထားတဲ့ ညိုမည်းစွဲနေတဲ့အရာက ဂျက်စတင့်လက်ချက်မှန်းသိပေမယ့် စိတ်မဆိုးမိ ။ ဂျက်စတင်ကိုယ်တိုင်လည်းဒဏ်ရာတွေရထားတာဖြစ်သည်။ ကိုငယ်က ဂျယ်မင့်အမှုတွေကိုဆက်လိုက်ဖို့ဆိုပြီး ဂျက်စတင့်အိမ်ကနေပြန်သွားတော့၏ ။
ဂျယ်မင်က ထယ်ဟျောင်းကို အဲဒီလိုတွေခြိမ်းခြောက်လို့ပါလို့ ထယ်ဟျောင်း ဂျက်စတင့်ကိုပြန်မတိုင်ချင်။ ထယ်ဟျောင်းဟာလည်းယောက်ျားသားဖြစ်၍ ကိုယ့်မိသားစုကိုကိုယ် အတတ်နိုင်ဆုံးကိုယ်တိုင်ကာကွယ်ချင်သည် ။ ထို့အပြင် ထယ်ဟျောင်းပြောပြလိုက်လျှင်လည်း ဂျက်စတင်က ဂျယ်မင်နှင့် ထိပ်တိုက်တွေ့ကြရလိမ့်မည် ။
ဂျက်စတင်ဟာ ဂျယ်မင့်ကိုဘယ်လိုမှ ရှုံးနှိမ့်မှာမဟုတ်တာ ထယ်ဟျောင်းယုံကြည်ပေမယ့် ထိုကပြားကောင်လေးကို ဘယ်သို့သော ထိခိုက်ဒဏ်ရာအသေးအဖွားလေးမှ မရစေချင်ပါ။ ထို့ကြောင့်ထယ်ဟျောင်းသူ့ကိုတခြားအရာတွေပြောမနေဘဲ ထယ်ဟျောင်းဒယ်ဂူကိုပြန်ချင်ကြောင်းသာပြောပြဖို့သာဆုံးဖြတ်ထားပါသည်။
နေ့လည် ၂နာရီကျော်ကျော်လောက်အထိ ဂျက်စတင်ထယ်ဟျောင်းကိုလာမတွေ့ပါ ။ သူ့အိမ်အကူတွေကိုသာ ထယ်ဟျောင်းကို အစားအသောက်တွေလာပို့ခိုင်းပါသည်။ ထယ်ဟျောင်းမှာတော့ ဒီစိတ်နဲ့ဘယ်လိုမှကိုမစားနိုင်မသောက်နိုင်ပါ ။ သူထယ်ဟျောင်းကိုစိတ်ဆိုးနေတာကိုလည်းသိသည် ။ သို့ပေမယ့်ထယ်ဟျောင်းဒယ်ဂူကိုပြန်မှဖြစ်မည် ။ ထို့ကြောင့် အိမ်အကူတွေအား ဂျက်စတင်ဘယ်မှာရှိနေသလဲမေးတော့ လေ့ကျင့်ခန်းလုပ်သည့်အခန်းတွင်ရှိသည်ဆိုတာသိလိုက်၏ ။
