unicode
This episode will include mature words and scenes.If you don't like it, please skip it THANK YOU.
ထယ်ဟျောင်းကိုယ်လုံးလေးကိုဖက်ထားသော သူ့လက်တွေက အတော်လေးခိုင်မြဲနေသည်။ ထယ်ဟျောင်းမငြင်းမိဘဲ နှုတ်ခမ်းဖွင့်လျက်လက်ခံနေမိတာတောင် သူကပိုပြီးနင့်နင့်သည်းသည်းနမ်းနေသလိုပင်။ ထယ်ဟျောင်းအခုသူ့အနမ်းကိုလက်ခံနေမိတာဟာ သူ့ကိုလွမ်းနေမိတဲ့ ကိုယ့်စိတ်ကိုကိုယ် အလိုလိုက်နေမိခြင်းဖြစ်၏ ။ တစ်ဖက်မှာလည်း ထယ်ဟျောင်းကိုယ်ထယ်ဟျောင်းဒီလိုမဖြစ်သင့်ဘူးဆိုတဲ့စိတ်ကရှိနေသေးသည် ။
ဘယ်လိုပဲလွမ်းမိပါစေဦးတော့ .. ကိုယ့်ကိုတန်ဖိုးမထားတဲ့သူ၊ ကိုယ့်နောက်ကွယ်မှ တခြားတစ်ယောက်နဲ့ဖြစ်ချင်တိုင်းဖြစ်နေသူကိုထယ်ဟျောင်းလွယ်လွယ်နဲ့ပြန်လက်ခံဖို့မသင့်ပါ ။ လွယ်လွယ်နဲ့လက်ခံတာမဟုတ်ဘဲ ပြန်ကိုလက်မခံသင့်တော့တာ ။
သူထယ်ဟျောင်းနဲ့တွဲပါတယ်ဆိုပြီး တရား၀င်ဖြစ်ပြီးတဲ့နေ့ကစလို့ သူတခြားတစ်ယောက်နဲ့နမ်းရှုံ့နေတာမျိုးကို မြင်ရတာ ဒီတစ်ခါနဲ့ဆို နှစ်ခါရှိပြီ ။ ပထမတစ်ခေါက်တုန်းကလည်း ထယ်ဟျောင်းရှိနေမှန်းသိသိကြီးနဲ့တောင် ထယ်ဟျောင်းရှေ့မှာ လုပ်ပြခဲ့သူက အခုထယ်ဟျောင်းနောက်ကွယ်ဒီလိုတွေဖြစ်နေတာကို မဟုတ်ပါဘူး အထင်လွဲတာပါလို့ ထယ်ဟျောင်းက ယုံပေးရမှာတဲ့လား ။
တွေးနေရင်းထယ်ဟျောင်းစိတ်ကတဖြေးဖြေးတိုလာတော့သည် ။ ထယ်ဟျောင်းအခုနမ်းနေတဲ့သူ့နှုတ်ခမ်းတွေက အဲ့လိုအကျင့်စရိုက်တွေရှိနေတာ !
ထယ်ဟျောင်းသည် ဂျက်စတင်ရင်ဖက်ကနေတွန်းပစ်ပြီး မျက်နှာကိုနောက်ဆုတ်ပစ်လိုက်လျှင် အနမ်းယာဉ်ကြောမှာအရှိန်တက်နေသော ဂျက်စတင့်ခမျာ ရီဝေသွားရသည်။ ထယ်ဟျောင်းကို ခါးကနေ သူ့အနားပိုဆွဲကပ်ရင်း ..
"ဘာဖြစ်လို့လဲ ဘာဖြစ်လို့လဲ .. ဆရာ"
သူဘယ်လောက်မူးနေသလဲ သူ့နှုတ်ကတောင်ကယောင်ခြောက်ခြားတွေနဲ့ထယ်ဟျောင်းကိုခေါ်နေသည်။ အခုရောက်လာတာလည်း ထယ်ဟျောင်းကိုဒီလိုမူးရူးပြီးရမ်းကားဖို့ကိုပဲ ဖြစ်မှာပေါ့ ။ မျက်လုံးတွေကထယ်ဟျောင်းကိုကြည့်နေတဲ့အကြည့်တွေကအစ ရီဝေဝေနှင့် ။ နမ်းနေတုန်းရုတ်တရက်ဆန်ဆန်ကြီးတွန်းခွာလိုက်တာကြောင့် ထယ်ဟျောင်းနဲ့သူ့နှုတ်ခမ်းကြားက ငွေရောင်အမျှဉ်အတန်းတွေကတောင်မပြတ်သွားသေးပါ ။ ဒါကို သူကမျက်နှာအနားကိုထပ်တိုးလာတာကြောင့် ထယ်ဟျောင်းခေါင်းကိုနောက်ဆုတ်ပစ်ရင်း ..
