unicode
This episode will include mature words and scenes.If you don't like it, please skip it THANK YOU
"အင့် .. မင်း ဖယ်နော်!"
ထယ်ဟျောင်းကို အပေါ်ကနေဖိနမ်းနေသည့်သူက ထယ်ဟျောင်းအတင်းငြင်းဆန်နေတာတောင်ဖယ်မပေးချေ။ ထယ်ဟျောင်းသူ့ရင်ဖက်တွေကို ထုရိုက်ပြီး တွန်းနေတာဖြစ်သည်။
"အွန်း.. ဟ့ ဖယ်"
"ပြွတ်"
တဖြေးဖြေးနဲ့သူကတော်တော်လွန်လာပြီဖြစ်သည်။ ဒီအခြေအနေမှာ သူကထယ်ဟျောင်းကိုဒီလုပ်သင့်သလား သူမစဉ်းစားတတ်ဘူးလား ။ထယ်ဟျောင်းသည်းမခံနိုင်တော့ဘဲ သူ့အောက်နှုတ်ခမ်းကို ဖိကိုက်ချလိုက်လျှင် သူ့နှုတ်ခမ်းကသွေးတွေ ထယ်ဟျောင်းခံတွင်းထဲ၀င်လာ၏ ။ ထိုတော့မှသူကလည်း ဒေါသတကြီးပြန်ခွာသွားပြီး ..
"ခင်ဗျားငြိမ်ငြိမ်မနေနိုင်ဘူးလား!!"
ထယ်ဟျောင်းကိုသူကပဲ စိတ်ရှုပ်သလိုအော်ရသေးသည်။ ထယ်ဟျောင်းလက်တစ်ဖက်နဲ့ သူ့ပါးကိုပိတ်ရိုက်ပစ်လိုက်၏ ။
'ဖြောင်း!'
"ကျက်သတုံး!"
"တောက်"
"ဟေ့ကောင်! ငါ့ကိုလွှတ်"
သူ့ပါးကိုရိုက်လိုက်တဲ့ထယ်ဟျောင်းလက်ကိုသူကအောက်သို့ဆွဲယူဖို့ပြင်သည်။ သူ့ဘောင်းဘီထဲကို ထည့်ဖို့ကြိုးစားနေတာမှန်းသိလိုက်လျှင် ထယ်ဟျောင်းကျန်လက်တစ်ဖက်နှင့်သူ့ပုခုံးကိုရိုက်ပစ်သည် !
"အင့်! မင်းငါ့ကိုမိုက်ရိုင်းတာတွေလာမလုပ်နဲ့"
"ခင်ဗျားကိုယ်ခင်ဗျားဘာထင်နေတာလဲ..ဟမ်!! ကျုပ်ခွင့်ပြုချက်မရဘဲ ဘယ်ကိုသွားဖို့ကြံစည်နေတာလဲ .."
"မင်းကဘာကောင်ကြီးမို့လို့ မင်းခွင့်ပြုချက်ကို ငါကတောင်းနေရမှာလဲ! ငါ့ကိုယုံကြည်မပေးတဲ့ကောင် .. ငါ့ကိုလူကြားထဲမှာအရှက်ခွဲတဲ့ကောင်ကို ငါကဘာကိစ္စခွင့်ပြုချက်လာတောင်းနေရမှာလဲ"
ထယ်ဟျောင်းခေါင်းထဲမှာ မနေ့ညကဖြစ်ပျက်ခဲ့သော မကျေနပ်စရာကိစ္စတွေဟာတန်းစီပြီးပေါ်လာသည်။ သူ့ကိုတောင်အားကိုးဖို့ တွေးထားမိတဲ့သူကို သူကလူကြားထဲမှာ အရုပ်တစ်ရုပ်လိုပြုမူခဲ့တာရော .. ထယ်ဟျောင်းကိုမလေးစားတာရော .. ထယ်ဟျောင်းအပေါ်အယုံအကြည်မရှိတာရော ၊ ထယ်ဟျောင်းအရှက်နဲ့ဂုဏ်သိက္ခာကိုတစ်ချက်ကလေးမှ မတွေးပေးတာရော !
