unicode
This episode will include mature words and scenes.If you don't like it, please skip it THANK YOU.
_ _ _ _ _ _ _ _ _ _
"အွန့် .. ပြွတ် မ၀ဘူး"
ရင်ခွင်ထဲမှာနေ၍ ဂျက်စတင့်လည်ပင်းကိုအတင်းဖက်တွယ်က တဖွဖွနမ်းနေသူကအားမလိုအားမရဆိုလာသည်။ ဂျက်စတင်လည်းအခက်တွေ့နေတော့တာဖြစ်သည်။ ဂိုက်ဆရာနဲ့ပတ်သက်ရင် အထိအရှလွယ်တဲ့သူက အခုလည်း တစ်ဖက်က မထိခလုတ် ထိခလုတ်နဲ့နမ်းနေတဲ့ နှုတ်ခမ်းဖူးဖူးပိုင်ရှင်လေးကြောင့် သွေးထဲစူပွက်လာတာဖြစ်သည်။ သူတို့အတွက်စိမ်းသက်နေတဲ့ ကိစ္စမဟုတ်ပေမယ့် အခုသူရောက်နေတာက ထယ်ဟျောင်းမိဘတွေရဲ့ အိမ်မှာဖြစ်နေတဲ့အခါ စိတ်ထင်တိုင်း လွှတ်ချလိုက်လို့မဖြစ် ။
နဂိုကမှသူ့ကိုမကြည်ဖြူဟန်ပြနေသည်လို့ ခံစားရတာမို့ အကယ်၍ဂျက်စတင်သာ စည်းမဲ့ကမ်းမဲ့ဖြစ်နေလျှင် တစ်ပြစ်ကနေ နှစ်ပြစ်ဖြစ်လေမည်။ ဟိုးတစ်ခေါက်က ထယ်ဟျောင်းနဲ့သူဒယ်ဂူကိုရောက်တုန်းကလည်း အပြင်မှာအတူနေခဲ့မိသေးသည်လေ ။ အဲတုန်းကတည်းက သူ့ကိုမကျေနပ်တဲ့ ထယ်ဂျွန်းဆိုသူကဒီတစ်ခါဆို သူနဲ့အမှန်တကယ်ပြဿနာတက်တော့မည်ပင် ။
"ဘေဘီ .. ဘေဘီ"
ရင်ခွင်ထဲကလူကိုချော့မြူကာ မျက်နှာလေးဆွဲယူကြည့်မိတော့ ဂျက်စတင့်ရင်တွေတဒိန်းဒိန်းဖြစ်သွားရသည်။ ရဲသွေးကြွနေသော ပါးပြင်လေးတွေနဲ့ ခပ်စိပ်စိပ်မျက်တောင်စင်းစင်းလေးတွေမှာ မျက်ရည်စလေးများတွဲခိုနေဆဲ ။ သူနဲ့နမ်းရှိုက်ထားလို့စိုစွတ်နေတဲ့ နှုတ်ခမ်းမထူမပါးလေးက ဂျက်စတင့်မျက်၀န်းတွေကို ရမ္မက်ခိုးဝှေ့သွားစေသည် ။
ခဏတာခွဲရမည့်သူလေးကို မခွဲနိုင်မခွဲရက်ဖြစ်ရတော့မည့်ကိုယ့်အဖြစ်ကိုယ် ဂျက်စတင်ကောင်းကောင်းကြီးတွေးမိလာရင်း ဝေးရမှာကိုမလိုချင်မိတော့ပြန် ။
"ဂျက်စတင်"
ဂျက်စတင့်မျက်၀န်းတွေကို မပွင့်တပွင့်လေးစိုက်ကြည့်ရင်းခေါ်လာတဲ့အသံလေးကဩရှရှ။ မကောင်းဆိုးဝါးကောင်ရဲ့လက်ချက်ကြောင့် ထယ်ဟျောင်းမျက်လေးအပေါ် ဟိုတစ်နေရာ ဒီတစ်နေရာရှိနေသေးသည့် ဒဏ်ရာတွေနဲ့အတူ ဒီနေ့မှ ပတ်တီးဖြည်ထားရတဲ့ခေါင်းလုံးလုံးကိုမြင်မိလျှင် ဂျက်စတင်ရှူးရှူးရှားရှားဖြစ်လာမိပြန်သည်။
