بًـََـــلَوٌةّْ حًـَـيَاَ‌تٌـــيَ 🌸 صــعـاب المَـــنَالَّ

07

حلقة 07
  ليوم نعقب باك بلون (bac blanc)   نضت صباح بكري غسلت روحي ولبست قشي كان الجو بدا يسخن جبدت غوب باج تلحق لحد عظمة رجلي مع صندالة مارو ودرت ساكودو مارون طلقت شعري ورحت لمصعب لاخاطر كنت غير انا وياه فدار كامل راحو يخدمو دخلت لشمبرتو لقيتو راقد نوضتو ماحبش يهدر معايا بقيت فوق راسو مصعببب مصعبب حتى ناض قالي وش تحوسي نوض وصلني ليوم عندي امتحان سكت مجاوبنيش بقيت عند راسو حتى ناض يخبط فروحو يتأفف خرج غير بديباردور وشورت باه يوصلني  ويرجع يرقد هبطنا ركبنا فطوموبيل عينيه مغمضين حتى غلط فطريق وداني من الطريق لكبيرة وهو نورمالمو يروح من جيهة الصطاد باه نلحقو ثم ثم وليت نعيط ونهاوش قتلو ضك يروح عليا الحال  ويفوتني الامتحان ونتا جبتني منا شفت فطريق من بعيد يبان باراج قتلو هاه زيد شوف هاهو باراج ضك يحكمونا ساعة هنا شفت رايك ضك يفوتني الامتحان ، لحقنا لعندهم حبسونا جا لعندنا قالو اعطيني وثائق السيارة عطاهملو بدا الاسئلة تاعو قالو شكون هاذي ووين رايحين قالو هاذي ختي وراني مديها تجوز الامتحان، سكت وكمل يشوف في ليپاپي (les Papiers) قالو هاذو راهم ناقصين وين راه البارمي وزيد لاصورونص ميتا هيا اهبط اهبط ، راح هبط معاه وانا مقلقا اوووف ياا نحوس غير نوصل لليسي قعدت نستنا مباعد متحملتش وليت هبطت ورحت ليهم ماحشمت ماوالو اصلا كل همي اني نلحق لليسي شافني مصعب حل عينيه وقالي رب*ك ارجعي لاه هبطتي شاف فيا هذاك الجوندارم قالي وش خصك قتلو خليه يوصلني لليلسي برك وساعة يرجع لعندك لابغيت اديه للحبس ديراكت المهم خليه يوصلني ، حكمني مصعب من يدي ويزير عليا تاع افهمي روحك واسكتي بهدلتيني هه، هذاك الجوندارم ولا يضحك عليا ، سمعت ورايا فران تاع طوموبيل شفت ورايا لقيتو فيصل لاباس كومبة كحلا وفيها صكاي هاز سلا.ح فيدو ، شفتو الدم نشف فعروقي هبط كي العاصفة يعيط بصوتو المرعب غير شفتو دخلت في مصعب قتلو ازرب خلينا نروحو قالي اهدري معا هذا كيما كنتي ضك تهدري قبيل (انا رجليا مبقاوش يهزوني وهو يقلي اهدري) ، نطق فيصل ويهدر بالعياط قالو وشكاين هنا قالو الجوندارم هاذو رايحين لليسي ومش هاز البارمي ولاصورونص ميتة قالو معليش خليه يفوت راه ولد لبلاد ونعرفو ، غير سمعتو قال هكذا رحت نجري طلعت لطوموبيل بقيت نشوف فيه من بعيد يهدر مع خويا وجبدو وحدو  بصح مسمعتهمش نشوف غير في فيصل يعيط على مصعب وهو مهبط راسو شوي هك وجا ركب ولا يعيط عليا قالي نتي يليقلك غير مراد معينكش تحشمي استري روحك _لاه راك تشوف فيا عريانة ولا _بلعي فمك تخلي حتى يجيني هاذ الدراكولا ينصحني عليك هذاك ماخص (هبلوني بهدرتهم مفهمتش وش دخلهم فيا  ) ، جا فيصل وقف جيهة مصعب طل علينا وقالو روح ومنا ولجاي متزيدش تخرج بلاما تڥيريفي لورق ، اه وقول لختك تتحجب وزيد موقفها وسط طريق 48 ولاية شافتها ، تنشعت قدمت شوي جيت راح نعرشلو نندبلو حكمني مصعب من ذراعي ورجعني للور وديمارا جابها طريق كاملة يهاوش فيا ويسب وصلني ل ليسي بعد ماغسلني فطريق وانا غير ساكتة ، هبطت دخلت لليسي مع دخلت سمعت تلفوني يڥبري جبدتو من الساكودو لقيت فيصل يعيط اصلا نميرو تاعو حفضتو تالمو يضال يعيط محبيش نهز عليه بعثلي ميساج فتحتو لقيتو كتبلي ﴿ ديري رايك ا منال ونهار لي نحكمك نوريلك نجوم الظهر﴾ رجعت تلفون محبيتش نديرو فبالي سينو تروحلي قرايتي ويروح تعبي هكذاك ، دخلت فوت الامتحان فوتها سمانة مع الامتحانات نهار لي خلصت ورجعت لدار لقيت مراد خويا جا روح ياعمري وش فرحت رحت نجري تحضنتو (خويا مراد قد ماهو مزيرني بصح يحبني ويديرلي غير وش نطلب )، ملي جا وهو يجيبلي غير وش نطلب لحق الباك وفي الفترة لي فاتت غير مع لقراية  حتى فيصل مازادش بان قدامي،  خاوتي وقفو معايا ربي يحفظهم  سيرتو مهدي مخلانيش طول ، ومراد كان لاتي مع عرسو ويوجد مع ماما ولا بابا مع خدمتو يديه الليل ويجيبو الليل ساعات يبات باليومين باه نشوفوه أما مصعب هاذ الفترة كمل لقراية ولا يخرج يسهر بزاف وميدخلش لدار بكري حتى مراد يضال يعس فيه وكل يوم يفيقلو بحاجة يضال فعقابو يحذر فيه وكل يوم يتهاوشو قالو اخطيك من الجماعة لي راك تبع فيهم بصح هو والو تاع راسو وخلاص (كان يتبع فجماعة تاع ادروڨ وو)..