الحلقة 70:
قعدت وفكرت فوضعي ولقيت بلي حاجة ماتستاهل تخليني نصبر ونتحمل هاذ العنف اكل وانا لي جامي تعرضت ليه ولا جربتو حتى دخل هاذ الوحش لحياتي ، نضت لايمت قشي ولبست عبايتي وخيماري و رحت ليها كي شافتني ناضت مفزوعة قاتلي يا منال بنتي عيشك ماديريش لروحك مشاكل معاه ضحكت بإستهزاء_شوفي حالتي برك تلقاي الجواب اذا كاين اذية فوق هاذي مضنيتش شوفي يما جسمي اكل مشوه وازرق من ضربو وتعذيبو وحڨرتو خلاص انا نرووح منقعدش هنا كلش يفكرني فيه ، قعدت تقنع فيا باه نقعد مي كي شافتني مصرا قاتلي روحي واذا سقساني نقولو جاو دارهم ودوها ، سقمت خيماري وهزيت قشي وهبطت فتحت الباب وخرجت صدقوني كي خرجت من ثم حسيت صح روحي اضعف انسانة في دنيا تالمو تعذبت في هاذي الدار بصح لوحيدة لي راهي ملايمتني قلت ضك وين نروح (مستحيل نروح لدرنا وماما مش ثماك) وشكوون يلي يوقف معيا ويلمني ونااه ضك لي يوقف معايا ويكون سند ليا مع انو فيصل كان هو كلش يجرح ويدواي ، بقيت نفكر وقررت نروح لختي ركبت الطاكسي ورحت عندها لحقت لدارها طبطبت فتحت عليا فلول تخلعت ممباعد فرحت وجات تحضنتني ودخلتني عندها رحبت بيا سقساتني على فيصل قتلها راح يخدم وليت جيت نقعد عندك يامات ضاق خاطري وحدي (محبيتش نحكيلها وش صرا حتى نلقا حل ونخرج براي صحيح )، قعدت عندها يماات حتى لحقت قراايتي ورحت نقرا اول ما خرجت رحت طول شريت تلفون علاجال ماما منقدرش نفوت نهار بلاما نحكي معاها حتى هي كانت حاسة بلي بيا حاجة مي نحاول نغطي ونخلق الاعذار ، بقات يما ديما تعيطلي تقولي ارواحي راه كل يوم يعيطلي يقولها قوليلها تجي قتلها منيش حابة نرجع وهي تقعد تهدي فيا وتنصح مع هكذاك بقيت في رايي ومقدرتش نرووح اذا جسمي برا قلبي فحياتو مايبرا من لي صرا وكل ما نرقد نوم بيه وبعذابو كيفاه دارلي هازة عليه حقد كبير ذرة حب حب مبقاات في قلبي المرء يكرم او يهاان انا مش غير تهنت تعذبت وتحڨرت منو بصح مش انا لي ضكا نرضخلو وننسا فيصل رجعني حطام امراءة وليت كي نخرج برا نتفكر هدرتو نلبس غير لحجبات لعراض راسي منرفدووش من لارض نمشي وهايبة ويجي واحد يسقسيني نهرب منو دارلي لرعب زرع فيا خوف كبير في قلبي وليت ضعيفة بقيت ثما حتى جاتني يما وداتني لدار قاتلي تاخضي رايي ابنتي اقعدي في دارك يلقااك هنا في دارو كيما خلاك كيما لقااك باش متكبريش لحكاية معااه وتولي نتي لخاسر خلي حتى يفرج ربي راه واحد مالقاها كيما حب اصبري وفوتي وعلابالي يجي نهار وتفرج عليكم وقولي يما ماقالتش ، للغدوة رحت نقرا(يهزني طاكسي من دار يحطني في الجامعة وكي نكمل كيف كيف) فيصل بقا يعيط لمو ويقلها كيفااه تخرج بلا راااي ودير في راايها ونروح وندير وندير ، تجني يما قلبها فاسخ منو وانا ولا علابالي قتلها خص غير نحبس قرايتي علاجالو وهي كي العادة تبقا تنصح فيا وتهدي ووو.. فاتو ليام وانا على نفس الروتين نوض صباح نروح نقرا ولعشية نروح ونقعد مع يما سلافاتي بقاو بمشاكلهم مي مش حابة نهدر عليهم لانو مشاكلهم اكل بسبة الغيرة وحوايج تافهة مي مشكلتي انا اكبر من هكذا اذية فيصل ليا ومعاناتي معاه مبقاتش تبان مع مشاكل السلفات وغيرتهم فيصل اكبر هم بنسبة ليا..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
