قتلها ااه علابيها كنت نسمع عليه بلي دخل للحبس من قبل_فيصل؟! _ايه واحد الوقت سمعت بلي كان من الحبس ميخرجش _لالا يابنتي وليدي جامي دخل للحبس هو صح عنفي وكان يضرب لي جا قدامو ويضلم ويحڨر وناس قااع تخافو وتخاف شرو بصح لمزية لحاج كان بكلمتو مع ناس وديما يروح يطلب سماح يولو ميشكوش بيه وناس كي شافوه من فترة لفترة يغيب ويرجع حسبوه فالحبس وهو راه الحاج كي يشوفو كثر من المشاكل يولي يلهيه بالخدمة ويبعثو لولايات بعاد علاجال خدمة تاع باباه وقبل مايموت الحاج طلب منو يدخل هاذ الخدمة فلول محبش ممباعد كي مات باباه عاود خمم وراجع روحو وحس بلي قعدت في قلب باباه ومحققهاش ومبعد قرر يدخلها،.. اصلا كون جا داخل الحبس ميقدرش يدخل فخدمتو هاذي ايه وضك الحمدلله ملي دخل للخدمة خلص بلاه على الناس بصح لي صرا معاك ولله مدريت يدير هااك علبالي بلي صعيب وغير نتاع راسو بصح معلباليش بلي آذاك كيما هك وعليها كنتي مكييش فارحة في عرسك! والله كنت حاسة بيك ابنتي كانت حالتك تبين بلي مش حابة زواج هاذا، واش نقول لبنتي انا صح مانبررش لوليدي وش دار وعملتو ماهي عملة واحد ما يوجبو عليها ويقلو علاه درت وكون نروح انا نحكي معااه ونقولو علاه درت في بنت ناس هااك والله ميتقبل هدرتي وليدي مهوش نتاع محاسبة وليدي يفعل غير واش يقولو راسو والله رانا كامل نتقوو شرو.. بصح نطلب منك حاجة متخليهش امنال فيصل حنين وكون ينسى الماضي تاعو يرجع طبيعي وراح تلقاي من عندو غير الخير _يما انا وش ذنبي فهاذ لحكاية كي شاف روحو هكذا لاه يتزوجني ويدمرني معاه عارف روحو مهوش نتاع معاشرة ونتاع مسؤولية للزواج وانو كلش يجي بلحلال مش بلحرام ميرضها لاربي لا العبد وانا لازم نروح مستحيل نعيش معاه فالعنف والظلم وزيد من حقي نطلب الطلاق _يابنتي غير هذي مديرهاش في راسك والله تزدي تولي في مشكليين انك هربتي وتطلبي طلاق وزييد يحقد عليك كثر وكثر حاولي تجبديه ليك وبلعقلية يفهمك وتفهمييه_نو مستحيل هذا يتفهم هذا لازملو علاج هذا راه مرييض مهبوول لازم يروح يتعالج في المصحة ولا عند طبيب نفسي صح عااش طفولة مرعبة ومؤذية بصح هذا ميدلش على اني نوافقو ونعيش معااه كلي مكااين والو وزيد نجييب معااه ولاد ونربيهم وهو في ذي الحالة (ياااخوفي اذا رفدت الحمل) مستحيل نسمحلو ولا نغفرلو يما لازم نرووح لدارنا ونحكيلهم ونطلق منو منقدرش نستحمل عشت معاه مرتيين شفت لويل منو منزييدش نتعذب كثر وكثر_تعيشي بنتي والله بني يحبك وملي تعرف عليك وهو فارح جامي شفتو يضحك نهار عرسو مأمنت بني ينوض يشطح ويضحك مع نااس كامل تفجأنا منو وزيد ميعرفش يعبر كي يحب ويعشق وكي يتقلق ولا هذا هو طريقة غضبو واحد فينا ما يخالطو ولا يحكي معااه (عليها مقدرووش يجو يفكوني منوو)حاولي صلحي امورك معااه بلهدنة_يما كيفااه نصلح معااه بلهدنة مستحيييل نزيد نشوف لييه انا عشت معااه في هذا سرير يحكي كلش انا لي تضربت هنا ولي بكيت هنا ولي تحڨرت هنا يمااا مهيش اآفاار متفهمناش ولا مشاكل عائلية ولا يما هذا سموه زواج الفورصي زواج الحڨرة الزوج الضلم ولييدك قتلني ونا حية دمرني وانا صابرا هددني بعايلتي خاطرت بحياتي على جالهم باش ميتأذواش من شرو يما وليدك مهوش نتاع انسجام ولا يدي ويجيب لهدرة وليدك قهرني وحڨرني كي عدت صغيرا مستحييل ضك نتقبلو كا زوج ونعيش معاه ونكمل حياتي كلي مكاين والو راهي تحرق في قلبي نبات ليلي اكل ونا نبكي ومرعوبة منو على الشي لي دارو فيا مستحيييل نبقى معااه يما مستحيييل لازم نهج منا منييش قاعدة عندو ، سكتت وبقات تشوف فيا بحصرة مالقات ماتقول وحنا قاعدين مافقناش بيه كفاه دخل للاشومبر شاف فيا وتخنزر..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
