تقلب وجهو ولا ميتفسرش جا طول ليا وانا واقفة ورا مهدي ، سلم على بابا ومهدي خلاهم راحو لخوالو ويلي جاو معاه ، ويجي ليا طول جبدني على جيهة يزير على سنيه ويهدر وجهو راح يطرطق ولاو لعروق يبانو قالي وش درتي في عمرك هكذا وش لبسة هاذي ولمكياج رايحة للعرس؟؟اهدري اه وش هذا تبهديل؟ قتلو تبهديل مالا!!! تبسمتلو يخي راح نتزوجو ضك نوليو كيف كيف نتا نتاع التهديد وانا نتاع التبهدييل وكيما يقولوها السن بسن والعين بلعين والبادي اظلم تحوس تزوج بيا هاهو زواج هاني راح نتزوج بصح دير في حسابك لا مندمتكش على نهار لي درتو فيا عملتك لخايبة وتهديداتك تخلصها غالية معيا مش انا لي تغلط معيا ودير روحك مدرت والو ندمك عليها ولامانيش بنت مريم اوك! هذي هي منال لي راح تتزوج بيها تقبل بيها اللهم مبارك متقبلش كاين ختي في السوق يخي نتا حاب زواج ونا من ليوم نمشي على وش يهوالي كي قتلو هك ولا كي لمهبول كرز عليا هبل وحكمني من ذراعي حسيتو نحاه من بلاصتو قالي معليش ديري رايك عنبالك كي ديري هاك معيا راح تربحي بصح ولله منفوتهالك سمطتيلي نهاري لي نستنا فيه بفارغ صبر وراح وخلاني قعدت متبسمة قلت معليش لا مخليتكش تندم على الزواج مني منيش منال ، دخلنا للاميري دخلنا لبيرو حطولنا ريجيستر كبير سنيينا بدا هو لول سينيا وبصم ومباعد انا سنييت، بقيت نشوف فيه وجهو راح يطرطق وليت فرحانة مداخل حتى ضحكتي كشفتني قلت مزال مزال هذي غير لبداية مع كملنا وخرجنا همسلي في وذني مبروك علينا من ليوم نتي مرتي ونتاعي وحدي، شفت فيه انسان سريع التحول في الشكل كان زي ولا زي ثاني،._ نحي واش كاين لي في راسك ولا تسخيبي نفوتهالك كي راكي هاك قاع يشوفو فيك بإعجاب بصح معليش كي تجي لعندي نشوفوها وشكون لي يدير رايو جبدت روحي عليه شفت فيه من لفوق لتحت نكيل فيه تكيال ومطلعة حاجبي عليه قالي هبطي عينك صيينو نعمييك بمفتاح خليتو رحت نمشي وانا رافعة راسي شغل حسيت روحي درت انجاز عظيم نسمع فيه يقول شوف شوف ارب تقول غير هي لي راح تتزوج اخاااه تقول نرجع ليه ناكلو بضروسي مش بسني بيا حبو قال بيها زواج.رحت ركبت فطوموبيل وخليتو يغلي وحدو ويشوف ليا ولله صح سمطتهالو شح فيك وقليل عليك قلت في قلبي بشوي برك راني معاك حتى نخرجلك قلبك ونرجعلهالك بدوبل.،
روحت لدار عمي (كيما قتلكم محبيتش نرجع لدارنا حلفت عليها ) كي روحت لقيت لافامي تاوعنا ڨاع تلمو جاو من خوالي لخلاتي وعمومي وعماتي بولادهم كامل ثم من غير ماما ومصعب مجاوش محبوش ماما كي عادت مش راضية بزواجي وكل منحاولوها نقولها اروحي كانو عندها بزااف اسباب باش تجي بصح مقدرتش حاولو معاها خاوتي وهي ترفض مع لوقت فهمنا وجبيها (ويااااريتها مجات كون غير قعدت ثماك) ومراد كان حاب يجي بصح مرتو بلحمل ويماتها باش تولد عليها مجاش بصح لعرس فوتوه معيا بلكام شافو كلش الا ماما محبتش تحكي معيا ولا تشوفني كي قبلت على هذا الزواج المنحوس، فليل داوني للحمام عمي عندو حمام دارولي لغنا وزغاريت ولمدحات وحكموني لبنات (بنات لافامي كامل فرحولي ومعاهم ختي دارت الواجب وبزايادة ربي يخليهلي مالقري تمنيت ماما تكون معايا بصح ختي كانت تحاول انها تعوض فراغها) لي تكيس تكيس ولي تنحي بالواكس تنحي ولي تحني وتحرقس وليماسك ولخلطات ولعقاقر ولبخورات مهم بدعو فيا خرجت رطبة نضوي قريب معرفتش روحي ، رجعت لدار ميتة بتعب رحت حكمت بلاصتي صونا تلفوني فليل لقيتو فيصل كوبيت عليه بعثلي ميساج محبيتش نقراه ديراكت سبريميتو منستنا منو والو نخمم برك كيفاه راح نواجه هذا لهم لي دارولي وكيفاش نتفك منو (قد مسييت نحاول نحكي لدارنا بصح علبالي راح تخلى وتولي دمومات خاوتي ميفوتوها على خير وهو باين بلي مش ساهل علبالي يقدر يدير كلش تقبلت مصيري وقلت خلي نواجهو وحدي ونحاربو يا قاتل يا مقتول ومنخليش دارنا يتأذاو كثر من هااك لبعد المسافات ولفراق مدمرنا والهم لي دارونا بابا مش ساهل وزيد نجبلهم هذا الهم خلي نشوف وش راح يدير خير منفقد اهلي للابد تولي قتيلات ولحبوسات وعرشنا ميرحمني وميرحم عايلتي خلي نستر روحي ونخسر بأقل ضرر في ذا زواج لي فيهم يكفيهم انا صح خممت فيهم وهوما ماخمو فيا ضحيت بنفسي على جالهم بركاات علينا شي لي دارولي ڨوريلا يبقى بيني وبينو لانو كون نحكيه ولا نشتكي بيه نولي في سيم وجيم توكلت على ربي وقلت ندير نية مع اهلي بلاك ربي يخرجني على خير منو هو رحت رقدت غدوة الحنة (عشا عرسي نقولو حنة) نتاعي فيها تصديرة ولعشا...
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
