بعد الشي لي صرا فقدت الوعي وكنت في حالة بين الوعي واللاوعي نسمع في هدرة تاع مرا وهو يهدر معاها ويقلها شوفيها وشبيها كي فتحت عينيا نشوف غير فضباب زماان وباه وضاحت الرؤية لقيتها مرا كبيرة قد ماما باينة طبيبة وهذي جابها كي عاد يعرفها كي شفتني هبلت فهمت اصلن باينة بلي توخذت في عمري جات حاولت تنوضني ندوش جيت نتڨعد مي مقدرتش حكمني لوجع من كرشي صغيرة وضهري حسيتو تقسم على زوج وكشغل محروقة من تحت النار شعلت في جسمي، بقيت غي نعيط بصوت مبحوح ولأهاات هو غير سمع جا يجري ليا قالها وشبيها ( هه وشبيا هنا فاق زعما وحيا ضميرو كي كان يقطع في لحمي مافاقش لروحو) ناضت طبيبة حكمت ما سخون وسرابت مسحتلي بيهم كامل جسمي كل ماتمسني نازع من لوجع بسيف باه كملتلي ودرتلي سيروم وكالمو حاولت تحبسلي النزييف مقدرتش نااضت دارت حالة فيه نسمع غير فهدرتهم بعييدة عليا قاتلو منقدرش نخيطها لازم نديوها لكلنيك باه يحبسولها النزييف محبش قلها ديري هنا كلش الله يسهل عليك وتصرا فيها حاجة غي نتي لولة تخلصي اييييه ادنيا لي ماما حياتها قااع وهي تسلك في وحل نسا ونا كي طحت ملقيت حتى واحد غير لوحوش متأكدة كون ماما جات في بلاصة ذيك طبيبا ولله تقتلو نورمال حتى طبيبا مقدرتش تهدر معااه ولا تحاسبو لانو هددها و خافت منو مراا كبيرا وخافت على روحها سما مش غي انا لي طحت في شباكو برك ، قعدت زمان تشوف فيا وفي عينيها الدمعة تفكرت ماما وليت غير نعيط عليها ياميمتي يالحنينة ارواح لبنتك راني تعبت يا ماما راني تعبت ، غير نازع ونعيط بإسم ماما حتى جات لعندي طبيبة حكمتني من يدي قاتلي كوراج بنتي ضك نخيطلك هنا وحاولي تتحملي بقيت نشوف فيها بلا حتى رد ، جابت دارتلي انستيزي وخيطتني ماجات تكمل حتى حسيت روحي طلعت مالقري دارت لانستيزي مي بقيت نحس بالوجع كملتلي غطاتني وراحت خرجت ؛بقيت مع تخمامي قلت يعني انا ما صحبتو مامشيت معاه مالمحتلو بإعجابي ما وعدتو مفتحتلو مجال باش يقربلي الا دار عملتو ودمرني يارب كون غي نقول غلطت ومشيت بقلبي وعطيتولو ودرت نية معاه بصح مدرتش هذا شي كنت حاسة بيه راح يأذيني لانو قلبي خبيري ودليلي يعني ما مشيتش معاه في لحرام باش يصرالي هاك ياربي لي صرا معايا مش ساهل اييه منال ولات حطام وش يرجعني كيما كنت دمرت من كل جهة ناس لي عرفتهم فحياتي اكل خذلوني دمروني بكاوني آذاوني وانا قلبي طيب جامي ولا آذيت غيري ولا جرحت يالوكان طفل صغير بكلمة من صغري نقرا قرايتي كنت مركزا على طوموحاتي وأحلامي لاه يصرا معايا هاذ الهم اكل بصح يبقا مكتوب ربي والحمدلله ؛ فاتت قريب ساعة فتح باب الشمبرا دورت راسي عليه وقف قدامي قعد يهدر معايا والو منيش نجاوب ولا نشوف فيه نهد حيلي من كل جنب كلش طار من عقلي ماني نخمم في والو نحس غي بلفراااغ ماني نحس بوالو ، هنا فيصل كسر الحاجز نتاع لخوف وليت منخفاش خلاص خسرت كلش علاه نخاف اول مرة نعيش في جو لعنف لاه نخاف منزيديش نخاف صايي منخافش سيرتو منو وضرك مستعدة اي حاجة تجيني نتقبلها عادي قلبي مات وقلبي تكسر من كثرة الأذية وليت انسانة بلا احساس ..
فوت اربع ايام في هذاك الصندوق (شمبرتو تالمو وين نشوف نلقا كاروات حسيتها صندوق) الموت شفتها ،كي وليت نوقف نحوس غي نخرج من ثم ماني نخمم في والو بصح تفكرت بيت عمي واش راهم يقولو 4 ايام مارجعت لدار ، فوت هاذوك ليام ساكتة كلمة مخرجتها من فمي وشحال كرهت نفسي وشحاال معرفتش الا انا لي غالطة وغريتو بزيني ولا هذاك هو لمكتوب ناس قاع تكحلي ويديرونجيوني كي نخرج وبزاف لي نعجبكم مي جامي تعداو عليا بصح هو لا دار ذاك شي بلحرام ، قعد كل وقت يجي يوقف فوق راسي يهدر منيش عارفة حتى وشراه يقول منرجعلو حتى كلمة كون جا لحيط يهدر راه جاوبو..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
