بقلم الملكة للقصص 🌸
الحلقة 113
بعد ساعة عاود دخل ماهدر معايا حتى حرف راح فتح لخزانة جبد كابة وحط قشو وهزها وجا خارج رجع ليا _كاشما تحتاجي حاجة اشري من لحوانت لي قدام دار دراهم فالخزانة، ومتخافيش اذا قعدتي وحدك باصكو لبلاصة فيها لاسيكريتي ولكاميرات (نخااف من مين؟ هو الخوف بحد ذاتو كي تبقى معايا) واذا تحبي عيطي لأختك تجي تقعد عندك ، مادا مني حتى حرف مشفت فيه مهدرت معاه حتى راح وخرج رجعت تكسلت وهربت للرقاد ماحاولت نخمم فوضعي ما بقا فيا عقل يخمم حابة غير نرقد ، لعشية صونا الباب بقا شحال وهو يصوني وتلفون يصوني نضت بسيف ندز فروحي شفت لقيتها ملاك وولادها جابهم مهدب فتحتلهم طلعو ، دخلتهم لصالو بقا مهدي غير يشوف فيا ويثبت حسيتو مقتانعش بهدرتي لي قلتهالو فتلفون _منال ياك راكي بخير _والله الحمد لله _تباني ذابلة وتاعبة_لالا جيست تعبت من طريق ، بقا يشوف فيا بشك مباعد ناض قالي انا نروح كشما تحتاجي عيطيلي _ايه يعطيك الصحة ، هو راح وملاك دارت ليا تسقسي وشبيا _لالا والو عيانة برك .. ملي جات ختي وهي منتبهتلي غير راقدة ومتلمدة في بلاصتي وباه متشوفش سيكاتريز لي في جسمي نلبس غير المستور باه متتولهش، نقص فيا كلشي لاحركة لا كلام ونوم هو راحتي لوحيدة كي شفتني هك بقات متحيرة عليا وحابة تخرجني من حالتي سمعتها تهدر مع فيصل وتسقسي فيه_ وشبيها واش راه صريلها منال راهي متعجبش كامل؟ كيما لعادة يعرف كيفاه يجيب قوالبو بلي حاكمتني لكآبة من الزايادة وعلى بني كي ضعيت وهي مقتنعتش بهدرتو وحابة تديني لطبيب انا محبيتش حتى عادت تقولي بلاك كشما دارولك السحور حتى راكي هااك غير راقدة وجابدة علينا.،امشي ندوك لراقي ولا نجبولك هنا.، محبيتش وبقيت معندا في رااي _ديريلي غير قرآن نبرا بلخف عادت ديما دير لقرآن في تلفزيون..تفكرت واش دار فيا شكيت روحي بلحمل روحت نجري للفرماصي نجيب في تاست نجري ونخمم في مصيري يا ويلي واذا صح قلبي يحبس هذا لي معولة نهرب ونخليه ديما هاك انا مندير حتى حساب هذا الداهية لازم نمشي معاه بلحذر والقوانين وياربي لا سلكت معاه شريت وصلت لدار درتو نستنا فيه حتى خرج نيڨاتيف وهكاك مطمنتش قلت غدوة نزيد نروح لطبيبة ونشوف وهذيك هي نعالج الرحم نتاعي قبل ميصراولي التهابات وامراض....
كنت راقدة دخلت عليا ملاك كي شافتني هااك بقاات تعيط عليا علاه راكي قاتلة نفسك نوضي انشطي شوي مش غير نتي لي نفستي وضيعتي قولينا واش راه خاصك احكيلي بلاك تلقاي حل عندي واذا ملقيتيهش نوضي اسجدي لربي ونتي حاكمك هبال لا ماكلة لا شراب لا عبادة قتلتي روحك ونتي صغيرة نوضي ختي لحد لان راني ساكتة عليك ضك نحكمك بلبليغة ونريطك بيها حيرتيني امنال كون تشوفك ماما بهذي لحالة تمصلك قلبك نوضي ولا ضك نروح نعيطلهم ونخبرهم عليك شفت فيها نلقها تشوف فيا بنضرة حزن وشفقانة على حالتي وملقات بااه تواسني كملت هدرتها وخرجت وصكرت الباب...
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
