#بًـََـــلَوٌةّْ_حًـَـيَاَتٌـــيَ
بقلم الملكة للقصص 🌸
الحلقة58:
دخلنا حطينا قشنا وناضو لبنات يسيقو نضت علونتهم شوي ،تالمو متعاونين مامبا ثلاث سوايع كملنا سيقنا ونضفنا وكل وحدة حطت قشها في شمبرا غير لعجايز ولبنات تلايمو في شمبرا وحدة ، حتى للعشية خلاص وباه كملنا زادو لحقو عماتو وبناتهم ونسا ولادهم ونسا عمامو وبناتهم تشوكيت كي شفت هذيك سامية جات وشمن وجه عندها ملي جات وهي غير تتخنزر فيا راح تاكلني، فليل دخلت لشمبرا لقيت فيصل ديجا حاكم السرير ومتكسل قتلو ديجاا حكمت لبلاصة!؟ وانا وين نرقد؟ دايرلي بيدو على لبلاصة لي قدامو قتلو في منامك بانلي بلي ماهوش مليح ملي جينا لهنا وخرجت حوست على بساط مالقيتش تبالي فرشوهم كامل وليت رحت لوين يما ولبنات لقيتهم فرشو وراح يرقدو قاتلي يما خير بنتي كشما حتجتي جيت نقلها لقيت هذيك سامية راح تاكلنا بعينيها قلت فقلبي انا وفيصل ناكلو بعضانا بيناتنا مي قدامهم وسيرتو اللفعة تاع سامية مستحيل نبين قتلها لالا والو يما جيت ندي مخدة برك ، هزيت مخدة ورجعت لشمبرا قالي وش ملقيتيش وين ترقدي ؟ ولا مالقتيش وش تفرشي في لرض _ايه بعد برك خليني نرقد، قالي راني خاطيك ارقدي برك ، حطيت هذيك لمخدة بيناتنا وتكسلت قتلو تفوت لمخدة منتفاهموش _ارقدي برك راني خاطيك ، حطيت راسي طول رقدرت من تعب حسيت بيه غير كي طل عليا ومنعرف وش يهدر كنت معرف كونت نوم ولا صح يبعدلي شعري من وجهي ويبوس فيا ستحليتها حابة نوض ليه مي مقدرتش غلبني نوم،.. للغدوة فطنت وحاسة حاجة ثقيلة على كرشي نضت لقيتو فيصل حاط يدو عليا ومنحي لمخدة لي كانت بيناتنا نضت خبطتلو يدو ناض قالي قطة وشبيك تخبشي _لاه تحط يدك عليا ولاه تنحي فالمخدة ، عاود حط يدو عليا وجبدني ليه قالي والله راني مونك حنانة من لبارح ونتي تحتي مفقتييش بيا ياااالطيف وشحال نوم ثقيل تجي زلزلة متفيقيش بيها وضكا خليني نشبع منك قبل مانروح _وين رايح_شايفك مش حابتني نروح وقيل_تروح للبحر لي يديك انا وش دخلني ، خبطتلو يدو ونضت خرجت رحت لدوش غسلت وجهي وتوضيت ورجعت لقيتو ناض وخرج رحت صليت ولبست جبة وخرجت ، ضالين مع توجاد حتى للعشية بداو ناس يجو لاخاطر ليوم الحنة ولعشا تاعها وغدوة يدوها وليت رحت لشمبرا باش نوجد روحي غير في دار مبغيتش نروح الحفافة طل عليا فيصل قالي منقبلكش تزوقي روحك وتبيني روحك لناس راكي هكاك تهبلي(لأول مرة درت على رايو باصكو انا من لول منحبش تزرقييط ولبسة ولمكياج ندير غير حاجة خفيفة منحبش نكثر) جبدت حوايجي الملكة للقصص بديت بشعري خدمتو بالبابيليز وحكمتو شوي ملفوق ببروش ارجونتي وجبدت مكياجي بديت نمكيي درت ماسكارا وفاغاجو وغوجلافغ فالنيود ، و لبست غوب صواري نواار هي تجي من لقدام سامبل ومن لور تجي قاع عرينا من ضهر يجي فيها غير سلسلة رقييقة ارجونتي وتجي سير طاي يعني فصلتني وبينت لاطاي ولبست معاها صندالة طالون ارجونتي ، وقفت بقيت نشوف فروحي واو تبدلت طول ، تفتح الباب عرفتو فيصل درت لعندو باه ميشوفش ضهري المكشوف كي شافني هكاك تعجب قالي غير لملووك يلبسو هاك ويسترو رواحهم مع انو كلش مرسوم بصح معليهش المهم مستورة (مزال مشافش ضهري) تبسمت و جيت خارجة وهو راه يتغزل بيا ويكحل حتى شافني قالي احبسي احبسي واش هذا تخدعي فيا؟؟ قتلو كيفاه مفهمتش قالي ضهرك وراه...
صحاب الواتباد هيا علقو مش تقراو وتهربو🚫
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
