#بًـََـــلَوٌةّْ_حًـَـيَاَتٌـــيَ
بقلم الملكة للقصص 🌸
الحلقة 100:
مع فطنت شفت لتاقة كانت قدامي بانلي ليل وانا جيت في الصباح درت يدي في كرشي بانتلي فارغة نسمع في لهدرة ورايا شفت لقيتهم كامل عندي حتى بابا و مهدي وملاك الا فيصل مكاش شفت لختي حاكمة في يدي فيها كيس نتاع الدم مش سيروم! وعينيها باينة بلي كانت تبكي لي نشوف ليه نلقى وجوهم ميفسروش_منال ختي الحمدلله على سلامتك خوفتينا عليك كيفاه راكي حاسة في روحك؟_ يعيشك اني مليحة وينو وليدي وفيصل؟سكتتو جا ليا بابا دار يديو فوق راسي وباسني من جبيني _بنتي نعرفك انا بلي عاقلة وتأمني بقدر الله ولالالا؟ درتلو براسي ايه _ضك نقولك متتخلعيش هذي حكمة ربي ولازم نصبرو عليها وليدك فقديتيه وشعرة كنا رح نخسروك نتي ضيعتي بززاف الدم وزيد لانيمي هابطتلك سلكتي شعرة برك كون ضك رنا خسرانكم في زووج صدمتني هدرتو كي قالي هكا تفكرت نهار لي دعيت عليه باش ميجيش كانت ابوب السماء مفتوحة وربي قبلي دعائي هبطت دمعة سخونة مع قهر وندم واش داني نقول عليه هاك غاضني بزااف صح متمنيتوش يجي ويشوف معيشتنا ويتعذب معنا بصح هذا ميعنيش اني دعيت من قلبي وتمنيتهالو قلتها من فوق قلبي وندمت عليها وهو معندو حتى ذنب وعليها تحملت عليه وصبرت وتعلقت بيه كي كان في كرشي سبع الشهر عانيت فراش سمحت في كلشي على جالو باش يجي ويعيش في هذي الدنيا بصح ربي شاف فيها حكمة انو يروح ويكون لينا شفيع في لاخرة راه طير من الطيور الجنة بقيت نبكي عليه بدمعة دمعة عليه ودمعة على فيصل ودمعة على يما تخلطتلي ملقيت على من نحزن ونبكي شاءت الاقدار ولا تقنطو من رحمة الله
كامل سلمو عليا وحمدولي على سلامتي وعزاوني في فقيدي وخرجو بقيت غير مع ملاك ومنيرة وصباح سقسيتهم على فيصل صباح قاتلي بلي دار حاالة فيهم قلهم تخسروه نتوما لي قتلتووه تأمني واحد ما قدر يكالميه وهو هبل علييه ويقول مديروهااش بيا مانيش مالف تجيني على ضربة خلوني نعرف نحزن قبل على لعجوز ومباعد جيبولي خبر بني لي يشوفو يقول هذا بلي مرتو عندها سنين محملتش ولا مش راح يزيد يجيب كسر لباب نتاع الماترينيتي على فراملة يرفد لكرسي ويرميه و مكانش لي قربووه حتى ديكلاراو بيه وجاو جوندارم ولامن باش هدواه ودار معاهم تحقيق كيفاه مات بدا بطبيبة نتاعك قالهم كانت معرسة ومزوقتلي روحها وجاية تشطح ولقابلة لخرى تتماطل تستنى في صحبتها ..
جام للحلقات
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
