#بًـََـــلَوٌةّْ_حًـَـيَاَتٌـــيَ
بقلم الملكة للقصص 🌸
الحلقة65:
شوفي بنتي ضك نحكيلك كلش من البداية واسمعيني وافهميني مليح انا وبني عانينا بزاف فحياتنا وسيرتو هو كان صغير وشاف عذابمن كان في كرشي و العقل مايتحملوش_ايه يما هاني نسمع فيك، حكايتي بدات نهار الحاج (اب فيصل) جا لعند بابا علاجال خدمة وهو كان تاجر كبيير ويروح للولايات اكل حتى اهلي كانو ناس جاه وبخيرهم في هذاك نهار لي جا فيه كمل خدمتو وجا مروح ثما شافني انا، من اول ماشافني عجبتو وبقا ديما يجي لعندنا لدار بحجة الخدمة وهو كان يجي علاجالي منكذبش عليك انا عجبني وحبيتو بصح مكانش عندي الجرأة لاخاطر بكري كانت الطفلة تغلط تخلصها بالموت سيرتو فالمنطقة تاعنا ، بعد ماكبر حبنا قرر يجي يخطبني ونهار جا خطبني بابا وخاوتي محبوش قالولو كفاه نمدو بنتنا ليك ونتا مزوج وعدك خمس بنات وزيد تسكن بعيد بزاف علينا وانا مكانش علبالي بلي متزوج وضاني صح في لول تصدمت ملي سمعتو بصح بقا الحب بيناتنا وولينا نتلاقو بتخبية حتى انو حكالي على زواجو وبلي مش راضي الملكة للقصص بيه وجابتلو غير لبنات ومن لول كان راح يزوج (تعرفو تخمام والعقلية تاع بكري) ، وبعد محاولات مع اهلي باه نزوجو محبوش بقا هو يقنع فيا باش نزوجو بالفاتحة حتى يفرج ربي ، وهذاك لي كان رحنا زوجنا بالفاتحة بتخبية وبقينا نتلاقاو بتخبيا وبل عسة ولخوف وعشنا كيما اي راجل ومرتو وهاذي كانت غلطتي لي دمرت بيها حياتي وحياة فيصل ، بعد فترة كان الحاج غايب وطول مجاش ليا ولموصيبة لقيت روحي بالحمل وفاقو بيا تاع دارنا قتلوني بضرب عذبوني بكل انواع التعذيب وعرفو بلي غلطت مع الحاج ايييه يابنتي شي لي فوتو مايعلم بيه غير ربي بعد الضرب ولاهانات والذل وستنااوه باش يجي يلم فضيحتو ويديني قبل ميسمعو العشيرة وطييح اسم بوي وهنا فقدت الامل يجي يديني هو لي عمل فيا وانا هنا حسيتو خدعني كي غاب وطول عليا مجاش وقررت اني في هذاك الوقت نموت ونحاول نقتل لي في كرشي نسوطي من فوق تاقة نسوطي شربت لقرفة رفدت ثقيل جريت ندبت مخليت حتى حاجة باش نضيع وزاد خاوتي وبوي يدخلو بضرب ويخرجو بضرب ربي مقدرلو انو يعيش، وبوي هو الامر ناهي هو لي يحكم وقرر انو يزوجني بمهبول وغير يما دخلت وحاولت بابا وباه رحمني وقال لازم تتزوج نسترو الموصيبة لي جابتهالنا ، وصح زوجوني فورصو بمهبول شوفني الويل انا بالحمل وهو يقتل فيا بضرب هبالو اكل دارو فيا ، زاد عندي فيصل وفاتو عامين وباباه ماجا ماسقسا انا كنت نحسب هك بصح كان كل مايجي مايلقا كفاه يسقسي عليا خوف عليا وانا في هذي الفترة شبعت عذاب انا وبني وخاصتا فيصل لي شافو من المهبول مايعلم بيه غير ربي كان يضربو يهينو يعذبو تخيلي طفل مولا عامين يتحمل لعذاب هذاك اكل (تحكي وتبكي وانا كثرمنها) حاولت ندافع عليه نبات نبكي ونعيط عليه بصح معمن نهدر كان مهبول مايسمع بحتى واحد ، ونهار فاق اب فيصل بلي زوجوني تاع دارنا قلب عليهم الحالة وتوعد كيما حرقولو قلبو يحرقلهم كلش واش عندهم وبالفعل حرقلهم لمحلات الاراضي .. من هذيك ولات بيناتهم عداوة كبيرة بعد ماكانو حباب وصحاب ومن الزعاف راح زوج وحدة بنت جيرانا هذا اكل باه يحرقلي قلبي بصح مكانش علابالو بلي زوجوني بسيف وبلي فيصل بنو..
صحاب الواتباد علقووو
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
