بًـََـــلَوٌةّْ حًـَـيَاَ‌تٌـــيَ 🌸 صــعـاب المَـــنَالَّ

69

الحلقة 69:
   حتى جا النهار لي روح فيه فيصل مع دخل انا مشفت فيه وهو مشااف فيا حتى يماه غير سلم عليها ودخل لشمبرتو حسيتو مش طبيعي سيرتو مين جا من الخدمة متبدل طول بقيت نشوف فيه بحقد وغضب وشحال كرهتوو وماحملتوش  مقدرتش اصلا نشوفو ومو غير شافوتو هزت روحها وراحت لبناتها  مشفتهاش اصلا كي راحت سينو منخليهاش تروح وتخليني معاه وحدي ، كنت قاعدة فصالو نتفرج جا لعندي وقف فلباب محبيتش نشوف فيه بقا يشوف فيا حسيتو حاب يهدر معايا بصح مقدرش ولا معرفش واش يقول ، بقا هكذا كل مايشوفني يبقا مركز عليا وفي فمو هدرة مي مايقول والو وزاد كي شافني بلي لايحاتو في ثقيل ولا يجبد روحو نحكو غير في رسميااات وزيد  تفاجئ كي شافني تعلمت نطيب،وانا لي كانت غايضتني منو انو جامي يطلب سمااح على غلطو مكانش علبالي بلي هذي هي عقليتو ، فاتو اربع ايام وحنا على نفس الحالة انا ساكتة ومصمطاتو وهو حاب يهدر مي ميقدرش ، كنت قاعدة في لاشومبر على الفوتاي وهو مقابلني وقاعد فوق سرير ويتفرج فتيلي كنت قاعدة ونكونتكتي مع صحباتي وشلة نتاع لي بروف ومام كان يقرا معايا واحد وكان معانا في نفس لقروب كان يحكي معايا على لقراية كيما العادة توله معايا فيصل بلي نكونيكتي ونضحك (كنت نحكي مع صحباتي مرات نقراو مرات نضحكو ونڨصرو) كي شافني نضحك توسوس وجا طول لعندي نحالي تلفوني قالي وشراكي ديري قتلو نحكي مع صحباتي وش ندير هز تلفون وبقا يقلب حتى لقا الطفل لي يقرا معايا ويهز تلفون ويخبطو في الحيط ودار ليا حكمني من شعري وجبدني معاه قالي انا قاعد قدامك كي طحان ونتي تهدري مع لعط** حكمني من شعري وطلعني عندو وبدا يضرب بلا رحمة حتى ماقدرتش نهدر ونشرحلو تالمو قتلني بضرب لوجهي مباعد جرني لسرير هكاك زاد قتلني بضرب وعاود طبق فيا هباالو(فهمكم كفاية)، وكيما كل مرة كي يطبق هبالو ويخلص يندم يبقى غي يبوس فيا ويهمس في وذني يقولي كون مبنتيش في حياتي راني ميت راني نحيا ونموت كي نديرلك هاك كي بنتلي ونورتيلي حياتي(انا نورتهالو وهو ضلمها عليا)علبالك بلي انا نغير من خيالك كي يبان في شمس ونتي تهدرلي مع ذكورا وبحضوري انا قدامك منال قتلك الشي لي راكي ديري فيه معايا تحلقي في روحك قتلك جنس رجال منقبلوش معااك ولا قدامك ولا موراك ولا تلفونك انا هكذا داير منتحكمش في روحي ويمسحلي في دمووع ويبوس علبالي بلي راني نديرو فيك مش متقبل بصح كي نتقلق انا هاك منقدرش نحكم في روحي افهميني منال افهمنيي بقى يبعدلي في شعري على وجهي ودافن وجهو في رقبتي ويهدر متزيديش ترفضني متخليني نعاملك هاك متزيديش تتعراي قدام ناس متزيديش تهدري مع جنس رجال منال اسمعيني انا هاك تقبلني على واش راني مبني هذا هو انا مهبول بيييك  بقيت غير نشوف فيه مش قادرة نجاوبو كرهتو كره اعمى كون جات لموت في يدي راني طلقتها عليه ويزيد يقنطني كي نشوفو بهذييك النضراات ونتفكر صغرومن عينيه يبان وشبييه كي نشوفو نحسو احزن واحد وفي نفس الوقت ضالم يعني ماضيه يمشي معاه وعندو زوج وجوه يمشي بوجه يالي ساعدو هو، زاد قعد ايامات وكان كل يوم يطبق عليا مرضو غير يلمحني ييديني ليه  شوفني الويييل عذبني حڨرني ضلمني بقات غير النفس تدخل وتخرج جسمي تخذر من قوة الضرب والاذية ، كي كمل ياماتو راح  لخدمتو و عيط لمو قالها اروحي كي جات هي وباه  راح محبش يخلني وحدي(قتلو فقلبي شكون راح يأذيني كثرمن مما آذيتني نتا)المهم هي جات وهو راح كي شافت حالتي تصدمت مي ماقدرت تقول والو ومام ماتقدرش تدخل ولا دافع عليا منو ..