ضرك ضرك تشوفي وش نديرلك والله يامنال تتمني لموت ومتلقايهاش والله نخليك تندمي انا فيصل ومش نتي لي طحنيني وتذليني فهمتي منال ، يرجف ويهدر ويعاود فهدرتو مكاش في وعيو طول ويعيط بلاك لكروات تشڤو من عياطو ولكفرانيات سخطني بهدرتو حسيت روحي كنت برا نزني مع ڤاع ناس (كي كان في ذيك لحالة تڤول صح راني درتها وحسسني اني درتها وزيد شافوني عينييه ) ب كل ما نجي نهدر معاه يبعلني يقولي اسكتي خير ماندير فيك ديڤة نجي نحاول نفتح باب غالقهم عليا نحوس نخرج نموت ومنكونش معاه في ذي لحالة باينة مش راح تفوت على خير مشينا تقريب ساعة وهو مزال على هداك لحال محبسش من هبالو نجي نهدر ولا نتفس يزيد يفريني عليا بهبالو وليت سكت خوفا منو ومعلاباليش حتى وين مديني حتى خرجنا من الولاية لي كنا فيها دخلنا لولاية اخرى بقيت نرجف ونخمم ياربي وش راح يديرلي هذا مهبول نتوقع منو كلش وليت نبكي بساكتة وندعي ربي يسترني منو وتفوت على خير لحقنا وحد لكارتي في وسط الفيلاج بلاصة غي قهواي ومحلات وريسطوروات بلاصة عامرة بلغاشي ، شفت قدام وين ڨرا الدار كببرة في سانك ايطاج تحت فيها محلات كبار و بزاف يبانو بلي غير نتاع الحطة ومباعد فوقهم يجيو ديار بقيت نشوف لدار ونشوف فيه والافكار تدي فيا وتجيب الخوف شلني ياربي هذا لاه جابني هنا شاف فيا ويتخنزر قالي حسك نسمعو ماتلومي غير روحك وضك تهبطي ولفم ساكت وراسك مترفعيهش من لارض فهمتييي ونا راني موراك تغلطي ترفعي راسك ولا صوتك ندفنك سور بلاص _وعلاه جبتني لهنا واش راح دير رجعني لدار فهمني واش كاين حتى راك هاك معيا واش درتلك ونحاول فيه قتلو عيشك عيط عليا عيطة وذني صونات _ ديري كيما قتلك وتبلعيتطلعي ولفم ساكت منقبل والو منك_ منهبطش حكمني من ذراعي ويزير بقوتو _طبقي خيرمن ندمك مناال متجربينيش ، وليت سكت هبطت نمشي وراسي في لرض انا نمشي وهو من ورايا لحقت للباب جاي على جنب جا فتحو طلعت وهو ورايا يقلي كملي كل مانحبس يقلي كملي حتى لحقت لدار يلي فالإيطاج اللخر فتح الباب طبعني دخلت ودخل ورايا صكر الباب نحالي صاكودو كنت هازة فيه تلفون ولابتوب نحاهملي وطيش الساكودو فلرض قالي راني رايح وحلي عينك يخرج صوتك والله ياو تغلطي غير تسلكي ، صكر الباب وراح درت ورايا نشوف في دار كبيرة وفيها شنابر بزاف بقيت ندور فيها فارغة مكان حتى واحد (من الخوف بقيت بلا عقل كفاه يجيبني لدار فيها امو وعبد اخر) رحت طليت من تاقة لقيت صال دو تاي كون ندير كاش عفسة ولله يقتلني وزيد طلعت لهدي دار نبان بإرادتي مي هو خططلها هاك باه نبان جيت بإردتي قعدت في لرض حاكمة راسي بيديا وحاطاتو بين رجليا نرجف ونبكي في هاذ اللحضة محتاجة ماما وحضنها محتاجتها دافع عليا تسقسي عليا يااا ميمتي وين رحتي وخليتي بنتك مع ذيابة ، قعدت على هذيك الحالة وانا نبكي ونفكر واش يقدر يديرلي مباعد قلت بلاك يخوف فيا برك درت الف حاجة فراسي ممكن يديرهالي غير شي لي دارولي مدرتوش فالحساب ، حتى لحق الليل سمعت الباب تخبط وقفت وهربت للزاوية تاع الشمبرا وقفت نبكي الرعب تملكني نسمع فصوت خطواتو يقرب ليا حتى لحق لعندي خبط الباب برجلو وقالي ارواحي تتعشاي قتلو مناكلش خليني نروح برك ، عيط عليا عيطة اللرض تزعزعت وليت سكت ومشيت معاه حاكمة البكية بسيف دخلت معاه للكوزينة قعد على الكرسي وشاورلي على الكرسي لي مقابلني قالي اقعدي قعدت ومهبطا راسي قالي كولي هزيت ناكل وغير نحتم من خوفي منو كليت شوي وحبست قالي زيدي درتلو براسي لالا قالي قتلك زيدي ، وليت نبكي ونحشر فالماكلة (بقا يشوف فيا حسيت روحي فريسة قدامو يوكل فيها ويشبع باه يهيئني لي راه جايني)..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
