بقلم الملكة للقصص 🌸
الحلقة 106:
مرات نسمع غير ملاك تهدر معاه في تلفون عرفتو بلي يعيط عندها ويسقسي عليا ، كي كملت 40يوم قدقد عيطلي ستغربت من لابال تاعو تقول كان يحسب بنهار وقتاه نكمل الربعين ريبونديت عليه _وجدي روحك لعشية نجي نديك ، وكوبا ماخلانيش مامبا نجاوبو وليت نضت لايمت قشي دخلت ملاك تخلعت قاتلي وين رايحة _راه وقت حنونة نروح لداري ونتي يعطيك الصحة ويكثر خيرك بزاف هزيتيني وتهليتي فيا انا ضك راني مليحة نقدر نرجع لداري_وش لهدرة هاذي راكي ختي نهزك بلا مزيتي ونحطك فوق راسي وبين عينيا متعاودهاش خيتي دار اختك مفتوحة وقت ماحبيتي تجي _ربي يخليك ليا لعزيزة ، كملت عاونتني لايمت حوايجي وقعدنا حتى للعشية عيطلي قالي راني برا ، نضت لبست حيجابي ودرت لخيمار وخرجت ، لقيتو راكب فطوموبيل هاز قارو يتكيف وجهو ميتفسرش من الخوف قلت نرجع ومنروحش معاه ، للحظة كنت راح نرجع شافني هبط فتحلي الباب قالي هيا و هز الكابة حطها ملور ، طلع وبقا يشوف فيا (عرفتو تخلع كي شافني بلي ضعفت بزااف)_علاه مكيش تاكلي حتى ضعفتي هااك ولا متأثرة من بنك كي دفنتيه بدم بارد ، هدرتو هبطت على قلبي كي سم من لول حاكمني اكتئاب وحالة نفسية وهو زاد عليا ، دورت راسي وخليت عليه مقدرتش نجاوبو ، طريق كامل وهو يتكيف واحد يطفيه ولوخر يشعلو يديه يرجف بانلي مقلق ومقدرش يتحكم فروحو كل مانقربو يزيد عليا الخوف والتوتر ، لحقنا لدار دخلت مكان حتى واحد لبنات مالا روحو لديارهم بقيت نشوف الدار نضيفة تشعل بنقى رحت لكوزينة مام هي ناقيا وفريجيدان معمرا قضيان من كل خير مش مالف يقضي بهذا القدر(بديت نحس انو كاين حاجة) بدلت حوايجي لبست فيزو مع تريكوها وطلعت شعري لفوق عشواائي شفت روحي فالمراية الوجه اصفر وشاحب ليساغن تحت عينيا راحو لخدود بقيت نهدر وحدي اييه يادنيا كيفاه كنت وكيفاه وليت حياتي بين نهار وليلة تقلبت رأسا على عقب ، رحت لقشي بقيت نسرج فيه ونحط في لخزانة جا ورايا تحضني بقى يشم فيا كي لموهووس،بقيت جامدة بين يديه معرفتش نتصرف قدم لوذني وقالي_ضك نتي تتحملي المسؤولية وش راح يصرالك نتي حبيتي هاك دورني ليه بقى يحفظ في وجهي _حتى و راكي في اسواء حالتك بصح مزلتي شابة في نضري عينيك يحكو الف حكاية وحكاية كي بعدتيني هاك عليك واش ستفدتي قولي باش توقفي معيا وتنسيني و تواسيني على حزني زدتي نتي هربتي ياك موصيك بلي متتخلياش عليا قولي شفعتلك غير كي عدتي نافس صينو راني جرجرتك من شعرك وديتك معيا جامي حكمت في روحي هاك عليك..
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
