سينو انا نعرف كيفاه نطقك (عندو وحد الاسلوب يخلي لي قدامو يستعرف لاشتا مدار والو وزيد قاري لغة الجسد يعني من العينين يعرف لي قدامو يكذب ولا يقول الصح) محبتش تهدر عيط عليها عيطة اللرض تزعزت وهي مهبطة راسها منبا متجرأتش ترفدو وتشوف فيه جبد تلفون قالها ضك تهدري ولا نعيطلهم يجو يرفدوك مكلبشة قاتلو خلاص خلاص نهدر بصح خليني نروح قالها أهدري علابالي كلش وش درتي مي حابهم كامل يعرفو ، بقاو كامل دايرين بيهم ويقولولو اخطي طفلة وشدخلها هي فيها بلاك راها غالطة ودرتها هي بيدها قالهم ولباب وينا لي غلقو ولا ثان هي غلقاتو ودخلت بقاو حايرين معااه هما اغبيااء كثر منها (غبية لواحد كي يجي يدير حاجة ميخليش دليل وراه كشفها ربي في ساعة) وانا واقفة فالباب مقدرتش نقرب اصلا الخلعة مزالت فيا رجليا فاشلين، ارب انطقي حكمها من طرف روبتها رح يخنقها وهو يعيط عليها ويتهدد عنها قاتلو انا لي صكرت عليها الباب من برا وطفيت الشوفبا وعاودت فتحتو باه يبقا غير الغاز يمشي ، ماجات تكمل هدرتها حتى عطاها كف نطاحت فلرض عاود هزها من شعر وزادها كف اخرى حتى رعفت وسال دم من نيفها _والسبب ياكلبة والسبب لاه درتيلها هاك واشدرتلك هي حتى تعمليها هااك_كي مقبلتش بيا وقبلت بيها هي واش خصني انا ولا غرك هي زينها وعينها ولا غرك كي عاد تقرا وفاهمة انا خير منها كبيرة وناضجة عليها وعقلي يوزن بلاد خير منها في كلش _هاكي قولتيها غرني زينيها وصغرها ندييك نتي لي عقلك ميسواش براس بصلة تجي تحاسبيها هي اروحي ليا انا هي وش دخلها يهدر ويضرب فيها عينها مرفدتهمش فيه وعيط عليها يقولها نتي تلحقيها هذيك لالاك باش نتي تجي ديري فيها هاااك وشكونك نتي باش تجي ديريلها هااك اهبل عليها بلعياط وضرب حكمها حية طلقها ميتةوناضت مها تجري نحاتهالو من يدو قالها تدي لكلبة تاعك وتخرجو من داري وكون مش على وجه عمي والله ننرشيها فالحبس اذا معلابالكمش هاذي تعتبر محاولة قتل ، هزتها مها لاحتلها خيمار على راسها وخرجتها جاو فايتين عليا باه يخرجو قاتلي والله ماتتهناي معاه ودعاويا يبقاو يتبعو فيك والله مانسمحلك قتلها ضربني وبكا سبقني وشتكا نتي لي حبيتي تقتليني ولا انا واشدخلني فيك نتي لي لحقتي روحك لهنا تستاهلي مكثر من هاك جات تهدر عيط عليها ولات جبدتها امها وراحو بقاو حايرين فيها كي دارت هكاك سما كذبوني انا وامنوها هي هاهي بنتكم واش دير ناض ليهم فارس قالهم نسمع بيها خطات خطوة لهذي دار نريبها عليكم تحمدربي جات بنت عمي ولا والله نفضحها نرشيها في لحبوساات متهزش راسها زهرها في بويها وبقا يكفر الله يلعنكم ويلعن الزريعة ويلعني معاكم سخط روحو بلكفرنيات قدامهم كامل واحد متجرأ وهدر معااه ولا حاولو كالمو جا دركت لياحكمني من يدي وطلعني معاه ،نمشي معاه ونبكي ونرعش من يدي تترج من شي لي صرالي وشفتو فيهم حتى لحقنا رحت قعدت فصالو ونبكي جا يقرب ليا يتحضني قتلو بعد عليا هذا اكل بسبتك اصلا المصايب لي صراولي كامل بسبتك بعدني بعععععدني راك كل ماتقرب ليا تحرقني كثر وكثر مكفااكش نتا أذيتني جات هذي من جيهتك وبسبتك راح نموت خنق وغايرة مني علييك،هاهي تحبك لاه متزوجتش بيها وجيت ليا انا دمرتلي حياتي نستاهل واش راه صاريلي قولي برك._منال صاي والله تخلصها غالية خلاص هدني روحك مكاين والو_علاه اربي جبتني وحطيتني مع هذو لوحوش واحد يعنف ويغت*صب ويهدد وماليه يشرو بلهدرة مت تحت لتحت وحدة تجي تخنقني بلغاز جا يهدر دخلت يما قعدت قدامي رحت ليها حطيت راسي على حجرها ونبكي ونعيط على ماما اصلا كل ما تصرالي حاجة نتوحش ماما ونتمنى قربها ليا، بقات حاطة يدها على راسي وتمشيها على شعري وتسكت فيا هو يقولها متخليهاش وحدها كشما يصرالها حتى رقدت وانا نبكي،....
فاتو يومين على شي لي صرا وهوما لحقهم نهار العرس بداو يوجدو فحوايجهم باه يروحو لدار الجبل(جاية بعيدة) راح يديرو العرس ثما كي عادت الدار كبيرة ومام تجيهم قريبة لدار لعريس،باش يخرجوها من ثمااك وجدنا روحنا وهبطنا كان مدينا هو كي شوفت فورڨو مغلوقة كامل من لور قالنا اطلعو قتلو انا نطلع نتغم ونموت نخاف من ضلمة وبلاصة مغلوقة لخرين بقاو يتخابرو عليا ويهدرو ويمعنو قالي وكيفاه ضك قتلو منطلعش هنا مستحيل حتى من لقدام يطلعو لعجايز قالهم ملا روحو يديكم محمد خوه عيطلو وعطاه المفتاح وراحو لخرين يطلعو وهوما يتغيمزو عليا، قالي امشي معايا في طوموبيل وسلفاتي ماتو كيفاه يديرلها هاك وعجوزتي بقات تروشلي روحت ليها قتلها اروحي معانا محبتش قاتلي لا روحو وحدكم ادو راحتكم مع بعض(هذا واش خصني ندي راحتي معااه مليح) طلعت معاه قالي هاه عمري هك مليحة ؟! درتلو براسي ايه حب يجيب معايا لحديث ويهدر فيا _علاه متحبيش بلايص يتغمو وضلمة_عندي فوبيا منها من كنت صغيرة نخاف_سما كل واحد عندو حاجة في صغرو يخاف منها وتنهد تنهيدة طوييييلة وبقى يخمم تقول عندو جبال هازهم فوق ضهرو (كل خطرة يحيرني تصرفو)مباعد دار غنية نتاع شاب غزال قتلك نديك نديك لابغى الحرب تنوض عليك 🎶اا نديك لما الكنة كي نشوفك في دارنا نتهنا🎶.. شكون مدارلك يهزلك راسك🎶 قدام حبابك وصحبااااتك 🎶🎶.. بقيت غير نشوف فيه وهو يخطف مني نضرة ليا ونضرة لطريق اهتمامو تصرفاتو وكلش فيه يخليني نحن ليه ونحبو مي مستحيل نسامحو على شي لي دارو الضعف تاعي جيهتو نخليه بيني وبين نفسي، دورت وجهي نشوف فالمناضر كان الجو يهبل، بقينا فطريق قريب ساعة ووصلنا لهذيك الدار،قالي هذي بلاصة عندي لي سوفونيير فيها مع لحاج وهنا بدات حياتي تتغير فيها_كيفاه زعمة تتغير حياتك_والو والو الشي هذا خاطييك ومش لازم تعرفيه_ايملا لاه تحكيلي بقا ساكت ويشوف ليا(حسيتو حاب يحكي بصح مقدرش مفهمتش وجبيه) حتى انا محبيتش نكثر لهدرا معاه وهذي لبلاصة جاية وحدها مكانش قدامها حتى دار جاية فجبل بلاصة عالية، هبطنا لقيناهم وصلو قبلنا ويهبطو في لبڨاج جيت نهز لافاليز تاعي نحاهالي قالي خلي ضك نهزها روحي ادخلي مع لعجوز (عرفتو ماعجبوش لحال كي خوه واقف) وليت دخلت مع يما ولحقو لخرين بقيت نشوف فدار كبييرة داير عليها صور كبير دخلنا تالمو الدار واسع
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Romanceالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
