بقلم الملكة للقصص 🌸
الحلقة 108:
بقيت نستنا في مهدي وحاكمة قلبي خفتو يجي ويشوفني بلي رايحة حبيت نهرب قبل مايجي ، وانا قاعدة سمعت صوت الباب يتفتح قلبي راح يخرج من بلاصتو وقفت وشديت قلبي الخوف شلني والله ليوم يقتلني ومايخليني نروح ياربي فوتها على خير ريقي نشف حتى الدمعة ونشفت ماقدرت ندير حتى رد فعل غير واقفة ونستنا فيه يدخل عليا ، دخل للاشومبر شافني لابسة حوايجي وقدامي لفاليزا وجهو تقلب اذا من قبل كان ميتفسرش ضك ولا يخوف ، جا طول حكمني من ذراعي وين بيها لابسة ورايحة يا لالة لالة؟بلعت ريقي وستجمعت قوتي_خويا ضك يجي يديني ومذبيك ورقة طلاقي تلحقهالي ومن ليوم متعرفني منعرفك والشي لي راح ديرو راك درتو فوق مأذيتني واهنتني ورجعتني شيفونة عندك صاااي منعدك متزييد عليها لي كاينة راك درتها وانا ومريضة وفي الحالة هاذي مرحمتنيش كيفاه راح ترحمني في نهارات لي جاية_ضحك بستهزااء راكي من نيتك هذا ما درتلك وليتي ديري هاك مالا نقلك ديري في حسااابك بلي راني لحد لان مدرتلك والو (وهنا تفكرت يمااه مين كانت تحكيلي عليه على ختو كيفاه كان يعذبها لحمي تشوك منو)_شوفي ليا هنا واسمعيني ملييح اذا كنت نأذيك من قبل ونفيق وتغضيني ضك تخطي هذا لباب نأذيك بالأضعااااف وبلاما نخمم نقت*لك ونتي حية دمك نشربوو ونتي تشوفي نكونلك انا هو لعزرين بحد ذااتو سيي برك وديريها واخرجي موريا وزييد انا نلحقك ورقة الطلاق واقيلا حسباتلك ساهلة نتزوج بيك ونطلقك نورمال بسهولة هاذي ، هز صبعو ويخبطلي فراسي _يالحابسة تفكري برك كفاه تزوجتك ووش درت باه ديتك تعرفي بلي مستحيل تنفكي مني بسهولة هاذي ، بقيت نشوف فيه وغير دموعي يهبطو ، كي سمع صوت خبيط واصونات في لباب طلقني عرفتو مهدي جا راح يحل عليه لباب رحت للباب نطل من لفوق و نشوف فيهم يتقابضو مع بعض واحد ما راطى لاخر خويا كلمة وهذاك عشرة يهدرو ويتعايطو (ندمت كي عيطتلو زادت لحكاية كبرت ما بيناتهم)، بقيت نشوف وحاكمة قلبي علابالي فيصل ديما سابقاتو يدة و ميحكمش في روحو شفتو هز يدو جا يضرب خويا هبطت نجري ليهم جيت مبيناتهم وحكمت خويا_ خلاص مهدي خليك منو راني قاعدة وضك نحلوها بيناتنا وسمحلي كي شقيتك بسيف باه قنعتو سكت شوي و قالي اخرجي محال تقعدي مع هذا ولا نشكي بيه نطق فيصل_لي تقدر عليها ديرها مرتي وانا حر فيها تجي نتا تديها بلى إذني كون خرجت ورجعت وملقيتهاش والله ندمك وندمها ناض مهدي ملهيه يعيط ويهاوش وعاودو تلاصقو فبعضاهم خلات مبيناااتهم ومقدرتش نبعدهم
أنت تقرأ
بًـََـــلَوٌةّْ حًـَـيَاَتٌـــيَ 🌸 صــعـاب المَـــنَالَّ
Storie d'amoreالنــِساءّ الجَــميـلاَتّ تقـف لهُنَّ القـلوب انـّبِهَارًا لكـن الحظّ لا يقـف لهُنَّ احّـتِراَماً
