بًـََـــلَوٌةّْ حًـَـيَاَ‌تٌـــيَ 🌸 صــعـاب المَـــنَالَّ

89

#بًـََـــلَوٌةّْ_حًـَـيَاَ‌تٌـــيَ
بقلم الملكة للقصص 🌸
الحلقة 89:
وحكملي يدي باش يقعدني ، جبدت يدي بالزربة قتلو بعددني خليني فحالي _ خلاص خلاااص كالمي روحك حبيبي اكي بلحمل هردتي روحك ونتي تبكي عينيك ام تنفخو متضغطييش  على روحك اكي رافدة روح ضري غير روحك ويلي في كرشك ايا اقعدي هنا، قعدت مسحت دموعي وتكسلت على جنب وهو قعد على ركبيه ودار يديه على يدي_سما نتا تخمم غير كي عاد اني بلحمل وخايف عليه مش عليا كل يوم نتأكد بلي حبك هذا مزيف وميقنعش ومهوش حب لي يحب مش كيفك ومش بسااهل اني ننسا ونقول مصرا والو ونكمل حياتي معااك نورمال يرحم باباك اخرج وصكر لباب حابة نبقى وحدي ونرقد_ معليه يجي نهار وتعرفي حبي واش يسوا عندك منال متأكدة حابتني نخرج ونخليك؟_وي مذبيك تفهم روحك متزيديش تضغط عليا سيرتو كي نكون هااك انا روحي ومنحملهاش ومنحملهاش_ناض وبقى يهدر وحدو قتلك نتي هبلك لحمل وكل يوم عندك هرمونات مخلطين وراح تخلطيها غير عليا  وخرج مزيا فهم روحو ومكثرش معايا لهدرة هكا احسن ليه وليا ...
    فاتت فترة روتينية انا راقدة فراش وقرايتي درت مبرر غيابي اني مريضة يسما ضك نعاود لعام غاضتني قرايتي بزاف كي راحلي العام هكذاك (حلمي رااه بدا يضييع غير بشوي ويتلاشى)مي مباعد كي خممت في مصلحة الملايكة قتنعت ملازمش نخمم بأنانية  مهما كان راه وليدي ونمدلو فرصة للحياة يجي ويعيشها بطولها وعرضها اما خلود مبقاتش تجي عيط فيصل لمرت صاحبو  فرملية باش ديرلي ولات كل يوم تجي حتى كملت الدوا  (خلود صح مكانتش تجي مي كانت تخطط من جيهة اخرى هي وختها) ،فيصل يروح يخدم سمانة ولا 15يوم ويجي يروح فالويكاند وكي يجي كل مرة يلقاني في تقلبات مزاجية خطرات نتوحشو ونحب نحي الشوق منو كي يكون معايا وخطرات يتبدلو خواطري عليه لحاجة لمليحة لي فيه انو ستحملني ومدارش عليا وملي يجي وهو متوحشني وحنين معايا ويدلع فيا دارلي في الدنيا دنيتين سيرتو مين شاف كرشي كبرت ولا يضال حاط يدو عليها ويهدر مع البيبي ويقولو نشالله تخرج تشبه لباباك واذا جيتي طفلة حابك تجي كي ماما دلوعة وشابة وعاقلة وحنينة ، وكي لعادة نتواصل مع ماما وخاوتي غير من تلفون ولي فجائني بلي هابطين في هذا الصيف والله فرحتي مش واسعتني نستنا غير فالصيف يلحق باه نشوف ماما ونتلاقا بيها شوقها زاد اثر عليا كي عادت بعيدة مالقري مهدي وبابا مين ذاك يجيو يزروني ويحاولو يخففو عليا ويعوضولي فراغ ماما مي ماما بلاصتها وحدها...